പത്ത് ദിവസം കൊണ്ട് ചിത്രത്തിന്റെ ആഗോള ബോക്സ്ഓഫീസ് കളക്ഷന് അന്പത് കോടി... ഒരു മലയാള താരം തെലുങ്ക് സിനിമയില് എത്തി അന്പത് കോടി നേടുന്നത് ഇത് ആദ്യം... സീതാരാമത്തിലൂടെ തെലുങ്ക് സിനിമാ മേഖലയില് ഇടം ഉറപ്പിച്ച് ദുല്ഖര് സല്മാന്...
ഓഗസ്റ്റ് അഞ്ചിനായിരുന്നു ദുല്ഖര് നായകനായി എത്തിയ സീതാരാമം ലോകമെമ്പാടുമുള്ള തീയറ്ററുകളില് റിലീസ് ചെയ്തത്. തെലുങ്കിന് പുറമേ തമിഴ്, മലയാളം ഭാഷകളിലെത്തിയ ചിത്രം തെലുങ്ക് സംസ്ഥാനങ്ങള്ക്ക് പുറമേ തമിഴ്നാട്ടിലും വിദേശ രാജ്യങ്ങളിലും യുഎഇയിലും മികച്ച പ്രതികരണം നേടിയിരുന്നു. ദുല്ഖര് സല്മാന് ലെഫ്റ്റനന്റ് റാം എന്ന കഥാപാത്രമായാണ് ചിത്രത്തില് എത്തുന്നത്. മൃണാള് താക്കൂര്, രശ്മിക മന്ദാന, സുമന്ത്, തരുണ് ഭാസ്കര്, ഗൗതം വാസുദേവ് മേനോന്, ഭൂമിക ചൗള എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രം ഇപ്പോഴും തിയറ്ററുകളിൽ നിറഞ്ഞൊടുകയാണ്.
അതേസമയം സീതാരാമത്തിലൂടെ തെലുങ്ക് സിനിമാ ഇന്ഡസ്ട്രിയില് പുതിയ ചരിത്രം കുറിച്ചിരിക്കുകയാണ് ദുല്ഖര് സല്മാന്. പത്ത് ദിവസം കൊണ്ട് ചിത്രത്തിന്റെ ആഗോള ബോക്സ്ഓഫീസ് കളക്ഷന് അന്പത് കോടിയാണ്. ഒരു മലയാള താരം തെലുങ്ക് സിനിമയില് എത്തി അന്പത് കോടി നേടുന്നത് ഇത് ആദ്യമാണ്. സീതാരാമത്തിലൂടെ തെലുങ്ക് സിനിമാ മേഖലയില് ഇടം ഉറപ്പിച്ചിരിക്കുകയാണ് ദുല്ഖര് സല്മാന്. സീതാരാമത്തിലൂടെ അമേരിക്കയിലും ദുല്ഖര് സല്മാന് സൃഷ്ടിച്ചത് വന് ചലനമാണ്. റിലീസ് ചെയ്ത് കുറച്ചു ദിവസങ്ങള്കൊണ്ടുതന്നെ യുഎസ്എ ബോക്സ്ഓഫിസില് നിന്ന് ചിത്രം വണ് മില്യണ് യുഎസ് ഡോളറില് (8.28 കോടി) അധികം നേടി. അമേരിക്കന് പ്രേക്ഷകര്ക്ക് നന്ദി പറഞ്ഞുകൊണ്ട് ദുല്ഖര് സല്മാന് തന്നെ ഫേസ്ബുക്കിലൂടെ അറിയിച്ചതാണ് ഇക്കാര്യം.
https://www.facebook.com/Malayalivartha
