ഞാൻ ഇടയ്ക്കിടയ്ക്ക് വീട്ടിൽ അഭിനയിക്കാറുണ്ട്! വീട്ടിൽ ആക്റ്റ് ചെയ്യരുതെന്ന് തന്നോട് പലപ്പോഴും നസ്രിയ പറയാറുണ്ട്.... തന്റെ ജോലി എന്താണെന്ന് മനസിലാക്കുന്ന ഒരാളെ പങ്കാളിയായി കിട്ടിയത് ഭാഗ്യമാണ്.. തനിക്ക് കൂടുതൽ എക്സ്പ്ളോർ ചെയ്യാനുള്ള സ്പേസ് നസ്രിയ തരുന്നുണ്ട്.. ആ രഹസ്യം ആദ്യമായി തുറന്ന് പറഞ്ഞ് ഫഹദ്
മലയാളികളുടെ പ്രിയപ്പെട്ട താര ദമ്പതികളാണ് ഫഹദ് ഫാസിലും നസ്രിയയും. ഇരുവരുടെയും വിശേഷങ്ങൾ സോഷ്യൽമീഡിയയിൽ ശ്രദ്ധിക്കപ്പെടാറുണ്ട്. 2014ലായിരുന്നു ഇവരുടെ വിവാഹം. താരദമ്പതികളുടെ ഓരോ അഭിമുഖവും ശ്രദ്ധ നേടാറുണ്ട്. ഇപ്പോഴിതാ അത്തരത്തിൽ ഒരു അഭിമുഖത്തിൽ ഫഹദ് തുറന്ന് പറഞ്ഞ കാര്യങ്ങളാണ് വൈറലാകുന്നത്. താൻ ഇടയ്ക്കിടയ്ക്ക് വീട്ടിൽ അഭിനയിക്കാറുണ്ടെന്നും എന്നാൽ നസ്രിയ അങ്ങനെയല്ലെന്നും ഫഹദ് പറഞ്ഞു. നസ്രിയക്കൊപ്പം അഭിനയിക്കുന്നതും ജീവിക്കുന്നതും തമ്മിൽ വലിയ വ്യത്യാസമില്ലെന്നും അദ്ദേഹം കൂട്ടിച്ചേർത്തു. തന്റെ ജോലി എന്താണെന്ന് മനസിലാക്കുന്ന ഒരാളെ പങ്കാളിയായി കിട്ടിയത് ഭാഗ്യമാണ്. തനിക്ക് കൂടുതൽ എക്സ്പ്ളോർ ചെയ്യാനുള്ള സ്പേസ് നസ്രിയ തരുന്നുണ്ട്. സെറ്റിലും വീട്ടിലും അവൾ ഒരാൾ തന്നെയാണെന്നും, തനിക്കാണ് മാറ്റം വരുന്നതെന്നും ഫഹദ് പറഞ്ഞു. വീട്ടിൽ ആക്റ്റ് ചെയ്യരുതെന്ന് തന്നോട് പലപ്പോഴും നസ്രിയ പറയാറുണ്ട്. അവൾ വീട്ടിൽ ആക്റ്റ് ചെയ്യില്ല. തന്നോടാണ് അങ്ങനെ പറയാറുള്ളത്. ഷമ്മിയെ ഇടക്കിടക്ക് വീട്ടിൽ കാണാറുണ്ടെന്ന് അവൾ പറയാറുണ്ടെന്നും അദ്ദേഹം പറഞ്ഞു. അത് നല്ലതാണോ മോശമാണോ എന്നെനിക്ക് അറിയില്ലെന്നും അദ്ദേഹം കൂട്ടിച്ചേർത്തു.
https://www.facebook.com/Malayalivartha