രണ്ടാമത്തെ ഭാര്യയായ മഷൂറ ഗര്‍ഭിണിയാണെന്ന് പറഞ്ഞുള്ള ബഷീര്‍ ബഷിയുടെ വീഡിയോ വൈറലായി മാറിയിരുന്നു. ഗര്‍ഭിണിയാണെന്ന തരത്തിലുള്ള റിപ്പോര്‍ട്ടുകള്‍ നിരവധി തവണ പ്രചരിച്ചിരുന്നു. വിശേഷവാര്‍ത്ത ഞങ്ങള്‍ തന്നെ നിങ്ങളോട് പങ്കുവെക്കുമെന്നും അത് മറച്ചുവെക്കില്ലെന്നും ബഷീറും മഷൂറയും പറഞ്ഞിരുന്നു. പ്രഗ്നന്‍സി കിറ്റില്‍ ടെസ്റ്റ് ചെയ്യുന്നതും പോസിറ്റീവാണെന്നറിഞ്ഞതിന് ശേഷമുള്ള സുഹാനയുടേയും മക്കളുടേയും പ്രതികരണവും ആരാധകര് ഏറ്റെടുത്തിരുന്നു. തന്റെ വ്‌ളോഗിലൂടെ തങ്ങളുടെ പുതിയ വിശേഷങ്ങള്‍ മഷൂറ പങ്കുവെക്കുന്നതും പതിവാണ്. ഏറ്റവും പുതിയതായി ഗര്‍ഭകാലത്തിന്റെ പതിനൊന്ന് ആഴ്ച പൂര്‍ത്തിയായ വിശേഷങ്ങളാണ് മഷൂറ പങ്കുവെച്ചത്.

ഭര്‍ത്താവിനും കുടുംബത്തിനുമൊപ്പം സന്തോഷത്തോടെ ആശുപത്രിയിലേക്ക് പോവുന്നതും തിരിച്ച് വരുന്നതുമൊക്കെ വീഡിയോയില്‍ കാണിക്കുകയാണ്. ബഷീറിനും കുടുംബത്തിനുമൊപ്പം ഇത്തവണ ആശുപത്രിയിലേക്ക് പോവാന്‍ സഹോദരനും അദ്ദേഹത്തിന്റെ കുടുംബവും ഉണ്ടായിരുന്നു. ഹാര്‍ട്ട്ബീറ്റ് നോക്കിയെങ്കിലും സ്‌കാനിങ് മറ്റൊരു ദിവസത്തേക്ക് ചെയ്യാമെന്ന് പറഞ്ഞു. അതേ സമയം ഒരു മാസം കൊണ്ട് മഷൂറയ്ക്ക് കൂടിയ ശരീരഭാരം കണ്ട് ഡോക്ടര്‍ ഞെട്ടി. കുഞ്ഞ് ആകെ മൂന്ന് കിലോയെ ഉണ്ടാവു. ഉള്ള ഭക്ഷണം മുഴുവന്‍ വാങ്ങി കഴിക്കണമെന്നില്ല. സാധാരണ കഴിക്കുന്നത് മാത്രം കഴിച്ചാല്‍ മതിയെന്ന് ഡോക്ടര്‍ പറഞ്ഞതായി ബഷീര്‍ സൂചിപ്പിച്ചു. സുഹാന ഗര്‍ഭിണിയായിരുന്നപ്പോള്‍ ചെയ്തതിനെ പറ്റിയും താരങ്ങള്‍ പറഞ്ഞു. 'സുഹാന ഗര്‍ഭിണിയായിരുന്ന സമയത്ത് രാവിലെ ഷോപ്പിലേക്ക് പോവും മുന്‍പ് കുറേ ജ്യൂസ് ഉണ്ടാക്കി ഫ്രിഡ്ജില്‍ വെക്കും. വൈകുന്നേരം വരുമ്പോഴേക്ക് ഇത് തീര്‍ക്കണമെന്ന് പറഞ്ഞിരുന്നു. സ്നേഹം കൊണ്ട് ചെയ്തൊക്കെ കഷ്ടപ്പെടുത്തല്‍ എന്നാണ് ഇന്ന് പറയുന്നത്. കുട്ടിക്ക് വേണ്ടത് അമ്മയുടെ ശരീരത്തില്‍ നിന്നും കിട്ടുമെന്നും' താരങ്ങള്‍ വ്യക്തമാക്കുന്നു. ഒരു ദിവസം ഭക്ഷണം കിട്ടാന്‍ വൈകിയതോടെ മഷൂറ കരഞ്ഞതിനെ പറ്റിയും താരങ്ങള്‍ കളിയാക്കി പറഞ്ഞു. എന്റെ വയറ്റിലൊരു കുഞ്ഞുണ്ട്. അതിന് ഭക്ഷണം വേണമെന്ന് പറഞ്ഞാണ് മഷൂറ കരഞ്ഞത്. അന്ന് പുറത്ത് പോയി ഭക്ഷണമൊക്കെ വാങ്ങി കൊടുത്തു. എന്നാൽ ഇനി മുതല്‍ ഭക്ഷണം കണ്‍ട്രോള്‍ ചെയ്യുമെന്നാണ് മഷൂറ പറയുന്നത്. എന്തായാലും വീഡിയോ നിമിഷങ്ങൾക്കുള്ളിൽ തന്നെ വൈറലായി മാറുകയാണ്.