ചെറുതും വലുതുമായ ഒരുപാട് കഥാപാത്രങ്ങൾ തമന്ന ചെയ്തിട്ടുണ്ട്. തമന്നയെ മലയാളികൾ കൂടുതൽ അടുത്തറിയുന്നത് ഹാപ്പി ഡേയ്സ് എന്ന തെലുങ്ക് സിനിമയിൽ അഭിനയിച്ച ശേഷമാണ്. അതിലെ മാതു എന്ന കഥാപാത്രം ഇന്നും മലയാളികളുടെ നെഞ്ചിലുണ്ട്. ബ്രഹ്മണ്ഡ ചിത്രങ്ങളായ ബാഹുബലിയിലും കെ.ജി.എഫിലും ഭാഗമാവാൻ ഭാഗ്യം ലഭിച്ച ഒരേയൊരു അഭിനയത്രിയാണ് തമന്ന. അതിന് ശേഷം പാൻ ഇന്ത്യ ലെവലിൽ ഒരുപാട് ശ്രദ്ധനേടാൻ തമന്നയ്ക്ക് കഴിഞ്ഞിട്ടുണ്ട്. തമന്നയുടെ പേരില്‍ പുറത്തുവരാറുള്ള ഗോസിപ്പുകള്‍ എല്ലായ്‌പ്പോഴും ചര്‍ച്ചയാകാറുണ്ട്. ഇപ്പോഴിതാ പാകിസ്താന്‍ ക്രിക്കറ്റ് താരം അബ്ദുള്‍ റസാഖും തമന്നയും പ്രണയത്തിലായിരുന്നുവെന്ന് ഗോസിപ്പുകളാണ് സോഷ്യല്‍ മീഡിയയില്‍ പ്രചരിക്കുന്നത്. പാകിസ്താന്‍ ക്രിക്കറ്റ് താരം എന്നതിലുപരി വിവാഹിതനും രണ്ട് കുട്ടികളുടെ പിതാവുമായ അബ്ദുള്‍ റസാഖും തമന്നയും തമ്മില്‍ പ്രണയത്തിലാണെന്നും ഇരുവരും വിവാഹിതരാകാന്‍ പോകുകയാണെന്നുമുള്ള വാര്‍ത്തകളാണ് പുറത്തുവന്നത്. ഇതോടെ തമന്നയുടെ ആരാധകര്‍ ഞെട്ടി. ഇന്ത്യന്‍ ടെന്നീസ് താരം സാനിയ മിര്‍സ പാകിസ്താന്‍ ക്രിക്കറ്റ് താരം ശുഐബ് മാലിക്കിനെയാണ് വിവാഹം കഴിച്ചത്. സാനിയ മിര്‍സയ്ക്ക് പിന്നാലെ തമന്നയും പാക് ക്രിക്കറ്റ് താരവുമായി പ്രണയത്തിലാണെന്ന വാര്‍ത്തകള്‍ വന്നതിന് പിന്നില്‍ ഒരു കാരണമുണ്ട്.

2017ല്‍ ഇരുവരും ഒരു ജ്വല്ലറിയില്‍ നില്‍ക്കുന്ന ചിത്രങ്ങള്‍ പുറത്തുവന്നിരുന്നു. ഇതോടെയാണ് അഭ്യൂഹങ്ങള്‍ പ്രചരിച്ചത്. ജ്വല്ലറിയുടെ ഉദ്ഘാടന ചടങ്ങില്‍ പങ്കെടുക്കുന്നതിനിടെയാണ് അബ്ദുള്‍ റസാഖും തമന്നയും ഒരേ വേദിയിലെത്തിയത്. വിവാഹത്തിന് സ്വര്‍ണാഭരണങ്ങള്‍ വാങ്ങാനായാണ് തമന്നയും റസാഖും ജ്വല്ലറിയിലെത്തിയതെന്ന രീതിയിലാണ് അഭ്യൂഹങ്ങള്‍ പ്രചരിച്ചത്. എന്നാല്‍, അബ്ദുള്‍ റസാഖിനെ അവിടെ വെച്ചാണ് കാണുന്നതെന്നും തങ്ങള്‍ തമ്മില്‍ മറ്റൊരു ബന്ധവുമില്ലെന്നും തമന്ന പ്രതികരിച്ചതോടെ അഭ്യൂഹങ്ങള്‍ക്ക് വിരാമമാകുകയായിരുന്നു.