സോഷ്യൽമീഡിയയിൽ വളരെ സജീവമായി ഇടപെടുന്നയാളാണ് അമൃത സുരേഷ്. വ്യക്തിജീവിതത്തിലേയും പ്രൊഫഷനിലേയും കാര്യങ്ങളെക്കുറിച്ചുള്ള വിശേഷങ്ങളെല്ലാം പങ്കിടാറുണ്ട്. ഗോപി സുന്ദറിനൊപ്പമുള്ള ചിത്രം പങ്കിട്ടപ്പോഴായിരുന്നു ഇരുവരും ഒന്നിച്ച വിശേഷം പുറത്തുവന്നത്. കഴിഞ്ഞ ദിവസം ഗുരുവായൂർ ക്ഷേത്രസന്ദർശനത്തിനിടയിൽ വെച്ച് അമ‍ൃതക്കൊപ്പം എടുത്ത ചിത്രം സമൂഹ മാധ്യമങ്ങളിൽ പങ്കുവെച്ചിരുന്നു. ഫോട്ടോക്ക് താഴെ നിരവധി പേർ കമൻ്റുമായി എത്തിയിരുന്നു. അതിൽ ചില കമൻ്റിന് ഗോപി സുന്ദർ മറുപടി നൽകുകയും ചെയ്തു. ​ഗോപി സുന്ദറിൻ്റെ ഈ മറുപടിയാണ് സമുഹ മാധ്യമങ്ങളിൽ ചർച്ചയാവുന്നത്.

ഫോട്ടോക്ക് താഴെ മക്കളെക്കുറിച്ച് കമൻ്റിട്ടവർക്കാണ് ​ഗോപി സുന്ദർ ചുട്ട മറുപടി നൽകിയത്. ചിത്രത്തിന് വന്ന കമൻ്റ് ഇങ്ങനെയാണ്. 'അമ്പലത്തിൽ നിൽക്കുമ്പോൾ ദൈവം നൽകിയ നിങ്ങളുടെ മക്കളുടെ കാര്യം കൂടി ചിന്തിക്കൂയെന്നായിരുന്നു ഒരാൾ കമൻ്റ് ചെയ്തത്'. 'എന്റെ മകൻ നിങ്ങളെ വിളിച്ച് സഹായം ചോദിച്ചിട്ടുണ്ടെങ്കിൽ എന്നോട് പറയൂ. നിലവിൽ അവൻ എന്റെ സംരക്ഷണത്തിൽ സുഖമായി ഇരിക്കുന്നുണ്ട്. നിങ്ങൾ നിങ്ങളുടെ കാര്യം നോക്കൂ'യെന്നായിരുന്നു ഗോപി സുന്ദർ മറുപടി നൽകിയത്.

ആദ്യം വന്ന കമന്റിന് മറുപടി ലഭിച്ചതിന് പിന്നാലെ അതേ അക്കൗണ്ടിൽ നിന്ന് വീണ്ടും കമൻ്റ് ചെയ്തു. 'കപ്പിത്താൻ നഷ്ടപ്പെട്ട കപ്പലിനെക്കുറിച്ച് നിങ്ങൾ അഭിമുഖത്തിൽ പറയുന്നത് കേട്ടു. നിങ്ങൾ നിങ്ങളുടെ മക്കളെ അവരുടെ ജീവിതത്തിന്റെ പാതിവഴിയിൽ ഉപേക്ഷിച്ചു. അവരെ കാണാനോ അവരുടെ കൂടെ ഇരിക്കാനോ നിങ്ങൾക്ക് തോന്നുന്നില്ലേ, അവർക്ക് നിങ്ങളെ ഒരുപാട് മിസ് ചെയ്യുന്നുണ്ടാവും. അവർ നിങ്ങളെ ആഗ്രഹിക്കുന്നുണ്ട്. നിങ്ങൾ ഇങ്ങനെ ആഘോഷിക്കുമ്പോൾ അവരുടെ വേദന മനസിലാക്കുന്നുണ്ടോ' എന്നായിരുന്നു പിന്നീട് ആ അക്കൗണ്ടിൽ നിന്ന് വന്ന കമൻ്റ്. 'അവരിപ്പോൾ കുട്ടികളല്ല മുതിർന്നവരാണ്. നിങ്ങൾ നിങ്ങളുടെ കാര്യം നോക്കൂയെന്നായിരുന്നു' ഈ കമൻ്റിന് ഗോപി സുന്ദർ മറുപടി നൽകിയത്. സംഭവമെന്തായാലും വൈറലായിരിക്കുകയാണ്.