ആ സംഭവത്തിന് പിന്നാലെയാണ് എന്റെ കാലുകളെ കുറിച്ച് സോഷ്യല് മീഡിയയില് വലിയ ചര്ച്ചയായത്.. അങ്ങനെ ആണ് ഞാൻ അടുത്ത പോസ്റ്റ് ഇട്ടത്.. എന്റെ അനിയൻ എടുത്തൊരു ഫോട്ടോ ആയിരുന്നു അത്.. സത്യത്തില് ആ ഒരു പ്രശ്നത്തിന് ശേഷമാണ് ഞാന് എന്റെ ശരീരത്തെ ശരിക്കും എക്സ്പ്ലോര് ചെയ്യാന് തുടങ്ങിയത്.. എനിക്ക് ഇഷ്ടമുള്ള വസ്ത്രങ്ങൾ ധരിക്കാൻ ഒക്കെ തുടങ്ങി! ആദ്യമായി അത് തുറന്ന് പറഞ്ഞ് സയനോര
വേറിട്ട ശബ്ദത്താല് മലയാളികളുടെ മനസിലിടം നേടിയ ഗായികയാണ് സയനോര. ശക്തമായ നിലപാടുകളിലൂടേയും തന്റേതായ ഇടം കണ്ടെത്തിയ ഗായിക. ബോഡി ഷെയ്മിങ്ങിനെ കുറിച്ചും വസ്ത്രധാരണത്തെ കുറിച്ചുമെല്ലാം തന്റെ നിലപാടുകള് സയനോര പലപ്പോഴും തുറന്നുപറഞ്ഞിട്ടുണ്ട്. ഇപ്പോഴിതാ കൂടുതൽ തുറന്നു പറച്ചിലുമായി എത്തുകയാണ് ഗായിക. അന്ന് അവരെല്ലാം കൂടി ചിയര് ചെയ്യാന് വന്നു, ഞാന് കുക്കിംഗ് ചെയ്യുന്നതിനിടയില് റീല്സ് ചെയ്യാമെന്നൊക്കെ പറഞ്ഞ് ഡാന്സ് പ്രാക്ടീസ് ഒക്കെ ചെയ്ത്, അങ്ങനെ പെട്ടെന്ന് എടുത്തൊരു വീഡിയോ ആയിരുന്നു. അതിന് പിന്നാലെയാണ് എന്റെ കാലുകളെ കുറിച്ച് സോഷ്യല് മീഡിയയില് വലിയ ചര്ച്ചയായത്. അങ്ങനെ ആണ് ഞാൻ അടുത്ത പോസ്റ്റ് ഇട്ടത്. എന്റെ അനിയൻ എടുത്തൊരു ഫോട്ടോ ആയിരുന്നു അത്.' ബോധപൂർവം അല്ലെങ്കിലും നമ്മൾ വിശ്വസിച്ചു വരുന്ന ചില കാര്യങ്ങൾ ഉണ്ട്. ആ ഫോട്ടോയിലൂടെ ഞാൻ അതൊക്കെ ബ്രേക്ക് ചെയ്തതായാണ് തോന്നിയത്. എന്റെ ഉള്ളിൽ ഉണ്ടായിരുന്ന ചിന്തകൾ ഉണ്ടായിരുന്നു. സത്യത്തില് ആ ഒരു പ്രശ്നത്തിന് ശേഷമാണ് ഞാന് എന്റെ ശരീരത്തെ ശരിക്കും എക്സ്പ്ലോര് ചെയ്യാന് തുടങ്ങിയത്. എനിക്ക് ഇഷ്ടമുള്ള വസ്ത്രങ്ങൾ ധരിക്കാൻ ഒക്കെ തുടങ്ങി.' സയനോര പറഞ്ഞു. നിറത്തിന്റെ പേരിലുള്ള പരിഹാസങ്ങളെ കുറിച്ചും സയനോര സംസാരിച്ചു. എല്ലാവരും വ്യത്യസ്തരാണ് അവരെ അങ്ങനെ അംഗീകരിക്കണമെന്നും കറുപ്പിന് എന്ത് സൗന്ദര്യമാണെന്നും സയനോര പറഞ്ഞു. പണ്ടും താനും തന്റെ നിറം ഇങ്ങനെ ആയത് ഓർത്ത് വിഷമിച്ചിട്ടുണ്ട് എന്നാൽ ഇന്ന് അങ്ങനെ അല്ല. തനിക്ക് ഈ നിറം ഇഷ്ടമാണെന്നും സയനോര പറഞ്ഞു. നമ്മളിലെ സൗന്ദര്യത്തെ നമ്മൾ മനസിലാക്കി നമ്മൾ തന്നെ നമ്മളെ സ്നേഹിക്കാൻ തുടങ്ങണമെന്നും സയനോര പറഞ്ഞു.
തന്റെ സുഹൃത്തുക്കളായ ഭാവന, രമ്യ നമ്പീശന്, ശില്പ ബാല, മൃദുല മുരളി എന്നിവര്ക്കൊപ്പം നൃത്തം ചെയ്യുന്ന വീഡിയോ പങ്കുവച്ചതിൽ പിന്നെ ആയിരുന്നു സയനോരയ്ക്ക് നേരെ സൈബർ ഇടങ്ങളിൽ ആക്രമണം ഉണ്ടായത്. വീഡിയോക്ക് നിരവധി പേർ പോസിറ്റീവ് കമന്റുകൾ നൽകിയപ്പോൾ ചിലർ വളരെ മോശം രീതിയിലാണ് പ്രതികരിച്ചത്. ഗായികയുടെ വസ്ത്രധാരണം മലയാളികളുടെ സംസ്കാരത്തിന് എതിരാണെന്നും കുട്ടികളും ഇതൊക്കെ കാണുന്നുണ്ടെന്നായിരുന്നു ചിലരുടെ കമന്റ്. വിമർശനം അതിരു കടന്നപ്പോൾ സയനോര മറ്റൊരു പോസ്റ്റുമായി എത്തി. ഷോര്ട്സ് ധരിച്ച് ഇരിക്കുന്ന ഒരു ചിത്രമായിരുന്നു ഗായിക പങ്കുവച്ചത്. 'കഹി ആഹ് ലഗേ ലഗ് ജാവേ' എന്ന കുറിപ്പോടെയായിരുന്നു സയനോരയുടെ പോസ്റ്റ്. മൈ ലൈഫ്, മൈ ബോഡി, മൈ വേ' എന്നീ ഹാഷ് ടാഗുകളും ചിത്രത്തോടൊപ്പം താരം പങ്കുവച്ചിരുന്നു. ഇതും സോഷ്യല് മീഡിയയില് വലിയ ചര്ച്ചയായി മാറിയിരുന്നു. താൻ കടന്നു പോയ സാഹചര്യത്തെ കുറിച്ചും തനിക്ക് നേരെയുണ്ടായ ആക്രമങ്ങളെ കുറിച്ചും പരിഹാസങ്ങളെ കുറിച്ചും സയനോര പല അഭിമുഖങ്ങളിലും തുറന്നു പറഞ്ഞിരുന്നു.
https://www.facebook.com/Malayalivartha
