മോഹൻലാൽ അവതാരകനായി എത്തിയ ബിഗ്‌ബോസ് സീസൺ 3 യിൽ ഏറെ ശ്രദ്ധിക്കപ്പെട്ട താരങ്ങളിൽ ഒരാളായിരുന്നു ഋതു മന്ത്ര. അഭിനയത്തിലും പാട്ടിലുമെല്ലാം കഴിവു തെളിയിച്ച താരം ഏറ്റവും പുതിയ ചിത്രം ഓപ്പറേഷൻ ജാവയിലും അഭിനയിച്ചിട്ടുണ്ട്. ഇപ്പോഴിതാ ഋതുവിന്റെ വിവാഹം കഴിഞ്ഞെന്ന തരത്തിലുള്ള വീഡിയോകളാണ് പുറത്തുവരുന്നത്. ക്രിസ്റ്റ്യന്‍ വിവാഹ വേഷത്തില്‍ വരനൊപ്പം ബൊക്കയും പിടിച്ച് പടിക്കെട്ടുകള്‍ കയറി വരുന്ന ഋതുവിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്.

ഇളം റോസ് നിറത്തിലുള്ള സിരിയും അതിനോടിണങ്ങുന്ന ആഭരണങ്ങളുമാണ് ഋതു അണിഞ്ഞിരിക്കുന്നത്. വരനും ഇതേ നിറത്തിലള്ള സ്യൂട്ടാണ് ധരിച്ചിരിക്കുന്നത്. ഇരുവരുടേയും വീഡിയോ കണ്ട് ഇത് ബ്ലെസ്ലിയാണെന്ന് സംശയിച്ചവരാണ് അധികവും. വീഡിയോ കണ്ടപ്പോള്‍ പെട്ടന്ന് ബ്ലെസ്ലിയാണെന്ന് കരുതിയെന്നും ഞെട്ടിപ്പോയെന്നുമാണ് ആരാധകര്‍ പറഞ്ഞത്. വരനായി എത്തുന്ന ആള്‍ക്ക് ബ്ലെസ്ലിയുമായി വലിയ രൂപസാദൃശ്യമുണ്ട്. വീഡിയോയില്‍ നിന്നും ഇത് കല്യാണമല്ലെന്നും ബ്രൈഡല്‍ ലുക്കിലുള്ള ഫോട്ടോഷൂട്ടാണെന്നും കമന്റുകള്‍ കാണാം. ഒരുപക്ഷേ പരസ്യ ചിത്രത്തിന് വേണ്ടിയുള്ള മേക്കപ്പാകാനാണ് സാധ്യത. കാരണം ഋതുവിന്റെ സോഷ്.യല്‍ മീഡിയ അക്കൗണ്ടുകളിലൊന്നും വിവാഹത്തെക്കിറിച്ച് പറയുന്നില്ല.