സോഷ്യല്‍മീഡിയയില്‍ സജീവമായ സംവിധായകന്‍ ഒമര്‍ ലുലു ഇപ്പോഴിതാ തന്റെ സുഹൃത്തിന് പുത്തന്‍ കാര്‍ സമ്മാനമായി നല്‍കിയ വിവരം അറിയിച്ചിരിക്കുകയാണ് ഒമര്‍ ലുലു.

കാര്‍ വാങ്ങി നല്‍കുന്നതിന്റെ ഫോട്ടോകള്‍ ഒമര്‍ ലുലു പങ്കുവച്ചിട്ടുണ്ട്.'എന്തിനും ഏതിനും നമ്മുടെ കൂടെ നില്‍ക്കുന്ന എന്റെ ചങ്ക് കൂട്ടുകാരന്‍ സുഖില്‍ സുദര്‍ശന് എന്റെ വക ഒരു പുത്തന്‍ കാര്‍ സമ്മാനം നല്‍കാന്‍ പറ്റി പടച്ചോന് നന്ദി',എന്നാണ് ചിത്രങ്ങള്‍ക്കൊപ്പം സംവിധായകന്‍ കുറിച്ചത്.

ഇവര്‍ക്കൊപ്പം നടന്‍ ഇര്‍ഷാദും ഉണ്ട് . പിന്നാലെ കമന്റുമായി നിരവധി പേരാണ് രംഗത്തെത്തിയത്. 'കൂടെ നില്‍ക്കുന്നവരെ ചേര്‍ത്ത് പിടിക്കുന്ന നല്ല മനസ്സ്, നിങ്ങടെ ആ നല്ല മനസ്സിന് അഭിനന്ദനങ്ങള്‍', എന്നിങ്ങനെ പോകുന്നു കമന്റുകള്‍. ഇവയ്ക്ക് മറുപടിയും ഒമര്‍ നല്‍കിയിട്ടുണ്ട്.