മിനിസ്ക്രീൻ ആരാധകരുടെ ഇഷ്ട താരമാണ് ആലീസ് ക്രിസ്റ്റി. സീരിയലിലൂടെ ആരാധകരെ പിടിച്ച് പറ്റിയത് വളരെ പെട്ടന്നായിരുന്നു. ദിവസങ്ങൾക്ക് മുൻപായിരുന്നു താരം തന്റെ യൂട്യൂബ് ചാനൽ ഹാക്ക് ചെയ്‌തെന്ന വാർത്ത പങ്കുവെച്ച് രംഗത്തെത്തിയത്.ഇപ്പോഴിതാ തന്റെ ചാനൽ റിക്കവർ ചെയ്തെടുത്ത സന്തോഷത്തിലാണ് ആലീസ്. തന്റെ ആരാധകരുമായി സന്തോഷം പങ്കിടാനും താരം മറന്നില്ല. കഴിഞ്ഞ ദിവസം തന്നെ പുതിയ വീഡിയോയുമായി ആലീസ് ക്രിസ്റ്റി എത്തിയിരുന്നു. ഇത്രയും ദിവസത്തെ തന്റെ മാനസികാവസ്ഥയും വിഷമവുമൊക്കെ തുറന്ന് പറഞ്ഞു കൊണ്ടായിരുന്നു പുതിയ വീഡിയോ. ഇച്ചായന്‍ ഇട്ടിട്ട് പോയി, കുടുംജീവിതത്തില്‍ എന്തൊക്കെയോ പ്രശ്‌നങ്ങളാണ് എന്ന തരത്തിലൊക്കെയായിരുന്നു ചിലര്‍ പ്രചരിച്ചത്. ഒരു യൂട്യൂബ് ചാനല്‍ പോയതിന് ഇത്ര സങ്കടപ്പെടണോ, ഇതല്ലെങ്കില്‍ വേറെ, നിന്റെ ജോലി നോക്കി പോടീയെന്നൊക്കെയായിരുന്നു ചിലര്‍ പറഞ്ഞത്.

കഴിഞ്ഞ കുറേ മാസങ്ങളായി വലിയൊരു എഫേര്‍ട്ട് എടുത്ത് ഞങ്ങള്‍ വളര്‍ത്തിക്കൊണ്ടുവന്ന ചാനലാണ് ഇത്. എനിക്ക് നല്ല വിഷമമുണ്ടാക്കിയ കാര്യമായിരുന്നു ഇത്. ഇച്ചായനും സങ്കടമായിരുന്നു. ഇച്ചായന് എന്റെ ചാനലിനോട് ഇത്രയും സ്‌നേഹമോ എന്നായിരുന്നു ഞാന്‍ ചിന്തിച്ചത്. വിഷമഘട്ടത്തില്‍ കൂടെനിന്ന് എന്നെ ആശ്വസിപ്പിച്ചത് ഇച്ചായനാണ്. ഇതല്ലെങ്കില്‍ നമുക്ക് പുതിയൊരു ചാനല്‍ തുടങ്ങാം, നിന്നെ സ്‌നേഹിക്കുന്നവരെല്ലാം കൂടെക്കാണുമെന്നും പറഞ്ഞിരുന്നു. മറ്റൊരാള്‍ക്ക് ഇതൊരു നിസാര കാര്യമായിരിക്കും, എനിക്കങ്ങനയെല്ല, കുറേപേര്‍ എന്നെ പിന്തുണച്ചിട്ടുണ്ട്. സീരിയല്‍ ആര്‍ടിസ്റ്റുകളുടെ അസോസിയേഷനായ ആത്മ എന്നെ നന്നായി പിന്തുണച്ചിരുന്നു. യൂട്യൂബ് ചാനല്‍ ഹാക്ക് ചെയ്തത് പറയുമ്പോള്‍ ഞാന്‍ കൈയ്യൊക്കെ കൂപ്പുന്നത് പോലെയുണ്ടായിരുന്നു. അത് ചിലരൊക്കെ വളച്ചൊടിച്ചിരുന്നു. ഇച്ചായന്റെ മനസില്‍ വേറൊരു നടിയാണ്, എന്നെ ഇട്ടിട്ട് പോയെന്നൊക്കെയായിരുന്നു വാര്‍ത്തകള്‍. അത് വീട്ടുകാരെ വിഷമിപ്പിച്ചിരുന്നു. ആ വീഡിയോ പിടിവിട്ട് പോയപ്പോഴാണ് ഞാന്‍ ഡിലീറ്റ് ചെയ്തത്. എന്തായാലും സാധനം തിരിച്ച് കിട്ടിയല്ലോ അതിന്റെ സന്തോഷമുണ്ടെന്നും ഇരുവരും പറഞ്ഞിരുന്നു.