പല കോണുകളിൽ നിന്ന് വിമർശനങ്ങൾ ഉയർന്നു വന്നിട്ടും അതൊന്നും കൂസാതെ മുന്നോട്ട് പോകുന്ന താര ദമ്പതികളാണ് നിക്ക് ജോനാസും, പ്രിയങ്ക ചോപ്രയും. 2018 ൽ പോപ് ​ഗായകൻ നിക്ക് ജോനാസിനെ വിവാഹം ചെയ്ത പ്രിയങ്ക ഇന്ന് വാടക ​ഗർഭ ധാരണത്തിലൂടെ സ്വീകരിച്ച കുഞ്ഞുമായി സന്തോഷത്തോടെ കഴിയുകയാണ്. പ്രണയ വിവാഹമായിരുന്നു ഇവരുടേത്.

ഇപ്പോഴിതാ ഒരു അഭിമുഖത്തിൽ നിക്കിന്റെ മുൻ കാമുകി സെലീന ഗോമസിനോട് ഒരു അവതാരകൻ ചോദിച്ച ചോദ്യവും അതിന് സെലീന നൽകിയ മറുപടിയുമാണ് സോഷ്യൽ മീഡിയയിൽ വൈറലാകുന്നത്. നിക്ക് ജോനാസ് എത്രത്തോളം ഗേ ആണ് എന്നായിരുന്നു അവതാരകന്റെ ചോദ്യം.

ചോദ്യം കേട്ട ആശ്ചര്യപ്പെട്ട സലീന, ഒട്ടും ഗേ അല്ലെന്നും ഞങ്ങൾ ഡേറ്റിങിൽ ആയിരുന്നെന്നും മറുപടി നൽകി. നിക്കും സെലീനയും ഏകദേശം ഒരു വർഷത്തോളമാണ് ഡേറ്റ് ചെയ്തത്, അവർ ആ ബന്ധത്തെ അത്ര ഗൗരവമായി കണ്ടിരുന്നില്ലെന്നാണ് റിപ്പോർട്ടുകൾ.

2008-ൽ ആരംഭിച്ച അവരുടെ ബന്ധം 2009 വരെ മാത്രമാണ് ഉണ്ടായിരുന്നത്. നിക്കിന്റെയും സെലീനയുടെയും വേർപിരിയലിന് ശേഷമാണ് നിക്ക് പ്രിയങ്ക ചോപ്രയുമായി പ്രണയത്തിലാവുന്നതും ഒരു വർഷത്തിനുള്ളിൽ വിവാഹം കഴിക്കുന്നതും. വാടകഗര്‍ഭപാത്രത്തിലൂടെ നടി പ്രിയങ്ക ചോപ്ര അമ്മയായത് ഈ വര്‍ഷം ജനുവരി 22-നായിരുന്നു.

മാള്‍ട്ടി മേരി ചോപ്ര ജൊനാസ് എന്നാണ് മകള്‍ക്ക് നല്‍കിയ പേര്.ഇപ്പോഴിതാ മകളുമായി അധികം പ്രായ വ്യത്യാസം ഇല്ലാതെ രണ്ടാമത്തെ കുഞ്ഞിനെ സ്വീകരിക്കാനൊരുങ്ങുകയാണ് താരങ്ങൾ. വാടക ഗർഭത്തിലൂടെ മാത്രമേ കുഞ്ഞിന് ജന്മം നൽകുകയുള്ളുവെന്ന് ഇരുവരും വ്യക്തമാക്കിട്ടുണ്ട്.