പാലക്കാട് സ്വദേശിനിയായ സുപ്രിയയും പൃഥ്വിരാജും 2011 ഏപ്രിൽ 25നാണ് വിവാഹിതരാവുന്നത്. അലംകൃത എന്ന മകൾ പിറന്നത് 2014ലാണ്. ഇരുവരും ഒരുമിച്ചുള്ള യാത്ര ആരംഭിച്ചിട്ട് 11 വര്‍ഷം പിന്നിട്ടിരിക്കുന്നു. ഇപ്പോഴിതാ വിവാഹത്തിനു മുന്‍പുള്ള ഒരു ഓര്‍മ്മച്ചിത്രം സോഷ്യല്‍ മീഡിയയിലൂടെ പങ്കുവച്ചിരിക്കുകയാണ് സുപ്രിയ. ചുവപ്പ് നിറത്തിലുള്ള ബിഎംഡബ്ല്യു ഇസഡ് 4 കാറിന് സമീപം നില്‍ക്കുന്ന പൃഥ്വിരാജും സുപ്രിയയുമാണ് ചിത്രത്തില്‍. പോക്കിരിരാജയുടെ ലൊക്കേഷനില്‍ നിന്നുള്ളതാണ് ചിത്രം. 2009 അല്ലെങ്കില്‍ 2010. തീയതി ശരിക്കും ഓര്‍ത്തെടുക്കാന്‍ കഴിയുന്നില്ല. പൃഥ്വി ആ സമയത്ത് പോക്കിരിരാജ ഷൂട്ട് ചെയ്യുകയായിരുന്നു. അന്നാണ് പൃഥ്വി ഇസഡ് 4 കാര്‍ വാങ്ങിയത്. അന്നത്തെ ഒഫിഷ്യല്‍ ചിത്രങ്ങളിലൊന്നും ഞാന്‍ കാണില്ല, പക്ഷേ ഞാന്‍ അവിടെ ഉണ്ടായിരുന്നു, സുപ്രിയ ചിത്രത്തിനൊപ്പം ഇന്‍സ്റ്റഗ്രാമില്‍ കുറിച്ചു.  എന്നാൽ സുപ്രിയയെക്കാളും ഓർമ്മയുള്ള മറ്റൊരാൾ ഉണ്ടായിരുന്നു കമന്റ് ചെയ്തവരുടെ കൂട്ടത്തിൽ. ആ വർഷം 2010 ആണെന്നും, പൃഥ്വിരാജിന്റെ തേവരയിലെ ഫ്ലാറ്റിലേക്ക് ലൈറ്റ് വാങ്ങാൻ പനമ്പള്ളി നഗറിലെ കടയിൽ ഇരുവരും ഒന്നിച്ചെത്തിയിരുന്നു എന്നും പ്രവീൺ എന്നൊരാൾ കമന്റ് ചെയ്തു. ഇത്രയും കൃത്യമായി ഓർത്തതിന് സുപ്രിയ അഭിനന്ദനം അറിയിക്കുകയും ചെയ്തു. ആ വർഷം 2010 ആണെന്നും, പൃഥ്വിരാജിന്റെ തേവരയിലെ ഫ്ലാറ്റിലേക്ക് ലൈറ്റ് വാങ്ങാൻ പനമ്പള്ളി നഗറിലെ കടയിൽ ഇരുവരും ഒന്നിച്ചെത്തിയിരുന്നു എന്നും പ്രവീൺ എന്നൊരാൾ കമന്റ് ചെയ്തു. ഇത്രയും കൃത്യമായി ഓർത്തതിന് സുപ്രിയ അഭിനന്ദനം അറിയിക്കുകയും ചെയ്തു.