മലയാള സിനിമയിലെ ഒരു നടനും ചെയ്യാൻ ആ​ഗ്രഹിക്കാത്ത ഒരു കഥാപാത്രം എടുത്ത് ഫലിപ്പിക്കാൻ പൃഥ്വിരാജിനെ കൊണ്ട് മാത്രമേ സാധിക്കു എന്ന് തെളിയിച്ച ചിത്രമായിരുന്നു മുംബൈ പോലീസ്. ചിത്രത്തിൽ ഡബ്ബ് ചെയ്യ്ത അനുഭവങ്ങൾ പങ്കുവെച്ച് ആർട്ടിസ്റ് ഷോബി തിലകൻ പറഞ്ഞ വാക്കുകളാണ് ഇപ്പോൾ ശ്രദ്ധയമാകുന്നത്. പൃഥ്വിരാജിന്റെ കരിയറിലെ തന്നെ ഏറ്റവും വ്യത്യസ്തമായ കഥാപാത്രമായിരുന്നു മുംബൈ പൊലീസിലേത്. ബോബി സഞ്ജയുടെ തിരക്കഥയിൽ റോഷൻ ആൻഡ്രൂസ് സംവിധാനം ചെയ്ത ചിത്രം അതുവരെ ഇറങ്ങിയ പൊലീസ് സിനിമകളിൽ നിന്നും ഏറെ വേറിട്ട് നിൽക്കുന്നതായിരുന്നു. ചിത്രം ബോക്സ്‌ ഓഫീസിൽ വമ്പൻ ഹിറ്റായി മാറുകയും ചെയ്തിരുന്നു. ചിത്രത്തിന്റെ ഡബ്ബിങ് സമയത്ത് ഉണ്ടായ അപ്രതീക്ഷിതമായ പ്രതിസന്ധിയും അതിനെ സംവിധായകൻ റോഷൻ ആൻഡ്രൂസും താനും ചേർന്ന പരിഹരിച്ചതിനെ കുറിച്ചുമാണ് ഷോബി തിലകൻ പറഞ്ഞത്.

'എറണാകുളം വിസ്മയ സ്റ്റിഡിയോയിലായിരുന്നു ചിത്രത്തിന്റെ ഡബ്ബിങ് നടന്നത്. ക്ലെെമാക്സ് സീനായപ്പോൾ സംവിധായകനായ റോഷൻ അൻ​ഡ്രൂസ് പറ‍ഞ്ഞു. ഒരു സീൻ കൂടി ബാക്കിയുണ്ട് നമ്മുക്ക് അത് ചെന്നെെയിൽ പോയി ചെയ്യാമെന്ന്. കാരണം തിരക്കിയപ്പോൾ അദ്ദേഹം പറ‍ഞ്ഞത് ക്‌ളൈമാക്‌സിലെ സസ്പെൻസിൽ ചെറിയ പ്രശ്‌നമുണ്ട് അത് ഇവിടെ ചെയ്താൽ ശരിയാവില്ലെന്ന് ആയിരുന്നു.' 'പക്ഷേ ചെന്നെെയ്ക്ക് പോകാൻ കുറച്ച് ഫണ്ട് പ്രശ്നവുമുണ്ടായിരുന്നു. അങ്ങനെയിരിക്കുമ്പോൾ അദ്ദേഹം പിന്നീട് എന്നെ വിളിച്ചിട്ട് ക്‌ളൈമാക്‌സ് കുറച്ച് പ്രശ്‌നമാണ് ഇത് ആരോടും പറയരുത്. ക്‌ളൈമാക്‌സ് പുറത്തുപോയാൽ ചിത്രത്തിന് ഭാവിയില്ല ആരോടും പറയില്ലെങ്കിൽ ചിത്രത്തിന്റെ കെെമാക്സ് ഇവിടെ വച്ച് തന്നെ ചെയ്യാമെന്ന് പറഞ്ഞു. ഞാൻ ആരോടും പറയില്ലെന്ന് ഉറപ്പ് കൊടുത്തു. 'പിന്നീട് എറണാകുളത്ത് തന്നെ വച്ച് കെെമാക്സും ഡബ്ബ് ചെയ്തു. സ്റ്റുഡിയോയിൽ ഉള്ള മറ്റുള്ളവരെയെല്ലാം പുറത്താക്കി ഞാനും റോഷൻ ആൻഡ്രൂസും റെക്കോർഡിസ്റ്റും മാത്രം നിന്ന് അത് ഡബ്ബ് ചെയ്തു. പിന്നീട് സിനിമ പുറത്തിറങ്ങിയിട്ടും അതിനെ കുറിച്ച് പറഞ്ഞില്ല. പൃഥ്വിരാജിന്റെ കഥാപത്രത്തിന്റെ ആ രഹസ്യം പുറത്തറിയാതിരിക്കാൻ ഞാനും ശ്രമിച്ചുവെന്നും ഷോബി തിലകൻ പറഞ്ഞു.