മലയാളികള്‍ക്ക് പ്രിയപ്പെട്ട താരമാണ് ഭാവന. ഒരു ഇടവേളയ്ക്ക് ശേഷം മലയാളത്തിലേക്ക് മടങ്ങിയെത്തുകയാണ് ഭാവന. സിനിമയില്‍ വന്നിട്ട് ഏകദേശം ഇരുപത് വര്‍ഷത്തോളം പിന്നിട്ട് കഴിഞ്ഞിട്ടുള്ള താരമാണ് നടി ഭാവന. ആദ്യ സിനിമയില്‍ അഭിനയിക്കാന്‍ വന്നപ്പോഴുള്ള ലുക്കിനെക്കാള്‍ കൂടുതല്‍ സുന്ദരിയായി ഇന്ന് ഭാവന മാറി കഴിഞ്ഞിട്ടുമുണ്ട്.

ഓരോ വര്‍ഷം കഴിയുംതോറും ഭാവനയുടെ സൗന്ദര്യവും കൂടി കൂടി വരികയാണെന്നാണ് ആരാധകരുടെ കണ്ടെത്തലുകള്‍. ഷറഫുദ്ധീന്‍ ഒപ്പം അഭിനയിക്കുന്ന 'ന്റിക്കാക്കക്കൊരു പ്രേമമണ്ടര്‍ന്ന്' എന്ന ചിത്രത്തിലൂടെയാണ് താരം മലയാളത്തിലേക്ക് വീണ്ടും മടങ്ങിയെത്തുന്നത്.

അഞ്ച് വര്‍ഷങ്ങള്‍ക്ക് ശേഷമാണ് ഭാവന മലയാളത്തിലേക്ക് വരുന്നത്. ഈ സമയങ്ങളില്‍ കന്നഡ സിനിമകളിലായിരുന്നു ഭാവന അഭിനയിച്ചുകൊണ്ടിരുന്നത്. ഭാവനയുടെ ഭര്‍ത്താവ് നവീന്‍ കന്നഡ സിനിമയിലെ നിര്‍മ്മാതാവ് കൂടിയാണ്.

ജീവിതത്തിലെ ഏറ്റവും പ്രതിസന്ധി നിറഞ്ഞ ഘട്ടങ്ങള്‍ തരണം ചെയ്തു പലര്‍ക്കും പ്രചോദനമായി മുന്നോട്ട് വന്നിട്ടുള്ള ഒരാളാണ് ഭാവന. പലരും ആ സമയത്ത് മാറിനിന്നപ്പോഴും കാമുകനായ നവീന്‍ താരത്തിന് ഒപ്പമുണ്ടായിരുന്നു. മലയാളത്തിലേക്ക് വീണ്ടും ഭാവന മടങ്ങിയെത്തുമ്‌ബോള്‍ പ്രേക്ഷകരും താരത്തിന്റെ ആരാധകരും ഏറെ പ്രതീക്ഷയോടെയാണ് കാത്തിരിക്കുന്നത്. തിരിച്ചുവരവ് ഗംഭീരമാക്കും എന്ന് തന്നെയാണ് കരുതുന്നത്.