മലയാളികളുടെ പ്രിയപ്പെട്ട നായികയാണ് മഞ്ജു വാര്യർ. താരത്തിന്റെ വിവരങ്ങൾ അറിയാൻ ആരാധകർക്ക് ഏറെ ഇഷ്ടമാണ്. നടിയുടെ പുതിയ യാത്രാചിത്രങ്ങളാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. താരത്തിന്റെ ഒപ്പം ലഡാക്ക് യാത്രയിൽ ഉണ്ടായിരുന്നത് തമിഴ് സൂപ്പർ സ്റ്റാർ തല അജിത്തായിരുന്നു. ഇതാണ് ആരാധകരെ ആവേശത്തിലാക്കിയത്. മഞ്ജു തന്നെയാണ് യാത്രയുടെ ചിത്രങ്ങൾ തന്റെ സോഷ്യൽ മീഡിയയിലൂടെ പുറത്തുവിട്ടിരിക്കുന്നത്. വലിമെെയ്ക്ക് ശേഷം എച്ച് വിനോദുമായി അജിത്ത് ഒന്നിക്കുന്ന ചിത്രത്തിൽ മഞ്ജു വാര്യരാണ് നായിക. സിനിമയുടെ ചിത്രീകരണത്തിന് ഇടയിൽ അജിത്തും സംഘവുമായി നടത്തിയ ഒരു ബെെക്ക് യാത്രയുടെ ചിത്രങ്ങളാണിവ.

'ഞങ്ങളുടെ സൂപ്പർ സ്റ്റാർ റൈഡർ അജിത് കുമാർ സാറിന് വലിയ നന്ദി! ഒരു യാത്രിക ആയതിനാൽ, ഫോർ വീലറിൽ ആയിരക്കണക്കിന് മൈലുകൾ സഞ്ചരിക്കാനുള്ള അവസരം എനിക്കുണ്ടായിട്ടുണ്ട്. ആദ്യമായിട്ടാണ് ഇരുചക്രവാഹനത്തിൽ ടൂർ നടത്തുന്നത്. ആവേശഭരിതരായ ബൈക്ക് യാത്രക്കാരുടെ ഈ ഗ്രൂപ്പിൽ ചേരാൻ എന്നെ ക്ഷണിച്ചതിന് അഡ്വഞ്ചർ റൈഡേഴ്‌സ് ഇന്ത്യയ്ക്ക് വലിയ നന്ദിഎന്നും മഞ്ജു കുറിച്ചു.