ദിലീപും കാവ്യ മാധവനും മലയാളികളുടെ പ്രിയപ്പെട്ട താരജോഡികളാണ്. ബാലതാരമായി സിനിമയിലെത്തിയ കാവ്യ ചന്ദ്രനുദിക്കുന്ന ദിക്കില്‍ എന്ന ചിത്രത്തിലൂടെയാണ് നായികയായത്. അന്ന് കൂടെ നായകനായെത്തിയത് ദിലീപായിരുന്നു. വര്‍ഷങ്ങള്‍ക്കിപ്പുറം ജീവിതത്തിലെ നായകനായി മാറിയതും ദിലീപാണ്. ദിലീപിന്റെ മകളായ മീനാക്ഷിയും കാവ്യ മാധവനും നേരത്തെ തന്നെ സൗഹൃദത്തിലായവരാണ്. ഇപ്പോഴിതാ കാവ്യ മാധവനും മീനാക്ഷിയും ഒന്നിച്ചുള്ള ചിത്രങ്ങള്‍ സോഷ്യല്‍മീഡിയയിലൂടെ വൈറലായിക്കൊണ്ടിരിക്കുകയാണ്. ഫാന്‍സ് പേജിലൂടെയാണ് ചിത്രങ്ങള്‍ പുറത്തുവന്നത്. ദിലീപും കാവ്യ മാധവനും വിവാഹിതരാവുമ്പോള്‍ ഇവരുടെ കൂടെയായി മീനാക്ഷിയുമുണ്ടായിരുന്നു. കാവ്യ മാധവന്‍ പൊട്ടുകുത്തുമ്പോള്‍ ലിപ് സ്റ്റിക്കിടുന്ന മീനാക്ഷി, ഈ ചിത്രമായിരുന്നു കഴിഞ്ഞ ദിവസം മുതല്‍ വൈറലായത്. കാവ്യയുടെ ചിത്രത്തില്‍ മീനാക്ഷിയും ഒളിഞ്ഞിരിപ്പുണ്ടല്ലോയെന്നായിരുന്നു ആരാധകരുടെ കമന്റുകള്‍.

മകള്‍ക്ക് വേണ്ടിയാണ് ഇനിയുള്ള ജീവിതമെന്നായിരുന്നു മുന്‍പ് ദിലീപ് പറഞ്ഞത്. രണ്ടാമതൊരു വിവാഹം ചെയ്യാനായി തന്നെ നിര്‍ബന്ധിച്ചതും മകളാണ്. അവള്‍ക്ക് കൂടി അറിയാവുന്നൊരാള്‍ എന്ന നിലയിലാണ് കാവ്യ മാധവനെ കൂടെക്കൂട്ടാനായി തീരുമാനിച്ചതെന്നും അദ്ദേഹം വ്യക്തമാക്കിയിരുന്നു. കാവ്യയും മീനാക്ഷിയും ഒന്നിച്ചുള്ള ചിത്രങ്ങളെല്ലാം വൈറലായി മാറാറുണ്ട്. കാവ്യയും മീനാക്ഷിയും സ്വരച്ചേര്‍ച്ചയിലല്ലെന്ന തരത്തിലുള്ള വിമര്‍ശനങ്ങളായിരുന്നു ഇടക്കാലത്ത് ഉയര്‍ന്നുവന്നത്. ഹണിമൂണിനായി പോയപ്പോഴും വിദേശത്ത് പോവുമ്പോഴുമെല്ലാം മീനാക്ഷിയും ഇവര്‍ക്കൊപ്പമുണ്ടായിരുന്നു. വിദേശ യാത്രയിലെ ചിത്രവുമായി ദിലീപ് എത്തിയപ്പോഴായിരുന്നു വിവാദങ്ങള്‍ അവസാനിച്ചത്. കാവ്യ മാധവന്റെ മകളായ മാമാട്ടിയെന്ന മഹാലക്ഷ്മിക്ക് ഏറെ പ്രിയപ്പെട്ടയാളാണ് മീനാക്ഷി. ക്ഷേത്ര സന്ദര്‍ശനങ്ങളിലും മറ്റ് പരിപാടികളിലുമെല്ലാം ചേച്ചിക്കൊപ്പമായാണ് മഹാലക്ഷ്മിയെ കാണാറുള്ളത്. ആള് മഹാ വികൃതിക്കാരിയാണെന്നും മാനേജ് ചെയ്യാന്‍ എളുപ്പമല്ലെന്നും ദിലീപ് പറഞ്ഞിരുന്നു.