നടിയും അവതാരകയുമായ മഹാലക്ഷ്മി കഴിഞ്ഞ ദിവസമാണ് വിവാഹിതയായത്. പ്രശസ്ത തമിഴ് നിർമ്മാതാവ് രവീന്ദർ ചന്ദ്രശേഖരനാണ് വരൻ. ഏറെ നാളായി ഇരുവരും തമ്മിൽ പ്രണയത്തിലായിരുന്നു. രവീന്ദർ നിർമ്മിക്കുന്ന ‘വിടിയും വരൈ കാത്തിര്’ എന്ന സിനിമയുടെ സെറ്റിൽ വച്ചാണ് ഇരുവരും പ്രണയത്തിലാകുന്നത്. ചിത്രത്തിൽ മഹാലക്ഷ്മിയാണ് നായികാ കഥാപാത്രത്തെ അവതരിപ്പിക്കുന്നത്. തിരുപ്പതിയിൽ വച്ച് നടന്ന വിവാഹ ചടങ്ങിൽ അടുത്ത ബന്ധുക്കൾ മാത്രമാണ് പങ്കെടുത്തത്. ഇരുവരുടെയും രണ്ടാം വിവാഹമാണിത്. വിവാഹത്തിന്റെ ദൃശ്യങ്ങള്‍ പുറത്ത് വന്നതോടെ ചിലര്‍ അതൃപ്തി അറിയിച്ച് രംഗത്തെത്തിയിരുന്നു. വധുവിനെക്കാളും വരന് തടി കൂടുതലാണെന്നുള്ളതാണ് പലര്‍ക്കും പ്രശ്‌നമായി തോന്നിയത്. എന്നാല്‍ വിമര്‍ശകരെ വായടപ്പിയ്ക്കും വിധമാണ് സോഷ്യല്‍ മീഡിയയില്‍ ഇപ്പോള്‍ രണ്ട് പേരും സജീവമാവുന്നത്. വിവാഹം കഴിഞ്ഞ ഉടനെ വിമര്‍ശനങ്ങള്‍ ഉയരുന്നതിന് ഇടെയാണ് താന്‍ സന്തോഷവതിയാണ് എന്ന അര്‍ത്ഥത്തില്‍ ഒരു പോസ്റ്റുമായി മഹാലക്ഷ്മി എത്തിയത്. 'ജീവിതം മനോഹരമാണ്, നീ അത് സന്തോഷമുള്ളതാക്കി ഭര്‍ത്താവേ' എന്ന് പറഞ്ഞുകൊണ്ടായിരുന്നു മഹാലക്ഷ്മിയുടെ ആദ്യത്തെ പോസ്റ്റ്. ഇപ്പോഴിതാ മറ്റൊരു പോസ്റ്റുമായി എത്തിയിരിയ്ക്കുകയാണ് നടി. മഹാലക്ഷ്മിയുടെ ഇന്‍സ്റ്റഗ്രാം പോസ്റ്റിന് മറുപടിയുമായി രവി കമന്റില്‍ എത്തിയതോടെ അതൊരു പരസ്യമായ ചാറ്റിങ് ആയി മാറുകയായിരുന്നു. രണ്ട് പേരുടെയും പ്രണയത്തെ ചോദ്യം ചെയ്യുന്നവര്‍ക്ക് ഈ ചാറ്റ് തന്നെ ധാരാളം. 'പ്രണയം എന്നാല്‍ എല്ലാം തികഞ്ഞത് ആയിരിക്കണം എന്നില്ല, സത്യസന്ധമായിരുന്നാല്‍ മതി' എന്നാണ് മഹാലക്ഷ്മിയുടെ പോസ്റ്റ്. അതിന് താഴെയാണ് രവിയുടെ കമന്റ്. 'എനിക്ക് മഹാലക്ഷ്മിയെ ഇഷ്ടമാണ്. അവള്‍ എന്നെ ഭ്രാന്തമായി തിരിച്ച് സ്‌നേഹിയ്ക്കുന്നതാണ് യഥാര്‍ത്ഥ പ്രണയം' എന്നാണ് രവിയുടെ മറുപടി.