കരിയറില് വന് നേട്ടങ്ങള് കൈവരിക്കാന് ചിലത് പറയാന് പഠിക്കണം... സ്ത്രീകളോട് ഐശ്വര്യ റായ്ക്ക് പറയാനുള്ളത്?
ഇടവേളയ്ക്ക് ശേഷം മണിരത്നത്തിന്റെ പുതിയ സിനിമ പൊന്നിയിന് സെല്വത്തിലൂടെ ഐശ്വര്യ റായിയെ ബിഗ് സ്ക്രീനില് കാണാന് കാത്തിരിക്കുകയാണ് ആരാധകര്. ഐശ്വര്യയെക്കൂടാതെ വിക്രം, ജയം രവി, കാര്ത്തി, തൃഷ തുടങ്ങിയ വന് താര നിര തന്നെ സിനിമയില് അണിനിരക്കുന്നുണ്ട്.
മണിരത്നം ഒരുക്കിയ ഇരുവര് ആണ് ഐശ്വര്യയുടെ ആദ്യ സിനിമ. അക്കാലത്ത് ലോക സുന്ദരിപ്പട്ടം ചൂടി പ്രശസ്തിയില് നില്ക്കുകയായിരുന്നു ഐശ്വര്യ. 1994 ലാണ് ഐശ്വര്യ ലോക സുന്ദരിപ്പട്ടം സ്വന്തമാക്കുന്നത്. നടി പിന്നീട് ഫാഷന് ലോകത്തെ തരംഗമായി. ഐശ്വര്യയുടെ സൗന്ദര്യം അന്ന് വലിയ തോതില് ചര്ച്ചയുമായിരുന്നു. ബ്രൈഡ് ആന്റ് പ്രെജുഡൈസ് ഉള്പ്പെടെയുള്ള ഹോളിവുഡ് സിനിമകളിലും നടി അഭിനയിച്ചിട്ടുണ്ട്.
കരിയറില് വന് നേട്ടങ്ങള് കൈവരിച്ച ഐശ്വര്യ സ്ത്രീകള് ജീവിതത്തില് വിജയിക്കുന്നതിനാവശ്യമായ ചില ഉപദേശങ്ങളും നല്കിയിരുന്നു. നോ പറയാന് പഠിക്കുന്നതാണ് സ്ത്രീകളുടെ ജീവിത വിജയത്തിനാവശ്യം എന്നാണ് ഐശ്വര്യ അഭിപ്രായപ്പെട്ട്.
യെസ് പറയുക എളുപ്പമാണെന്നും ഐശ്വര്യ ചൂണ്ടിക്കാട്ടി. ജീവിതത്തിലെ എല്ലാ നിമിഷങ്ങളും ആസ്വദിക്കുക. പൂര്ണമായും ഇന്നില് ജീവിക്കുക. ജീവിതത്തില് തിരക്കു കൂട്ടാതിരിക്കുകയെന്നും ഐശ്വര്യ അഭിപ്രായപ്പെട്ടു. ഒരു അഭിമുഖത്തിലായിരുന്നു ഐശ്വര്യ ഇക്കാര്യം പറഞ്ഞത്.
മറ്റു നായികമാരെ പോലെ തിരക്കു പിടിച്ച സിനിമാ ജീവിതം ആയിരുന്നില്ല ഐശ്വര്യക്ക്. ഇടവേളയെടുത്താണ് കരിയറില് ഒരു സ്ഥാനം ലഭിച്ച ശേഷം ഐശ്വര്യ സിനിമകള് ചെയ്തത്. വിവാഹ ശേഷവും അഭിനയം തുടര്ന്ന നടി പക്ഷെ മകള് ആരാധ്യ ജനിച്ച ശേഷം ചെറിയ ഇടവേളയെടുത്തു. സരബ് ജിത്ത് എന്ന സിനിമയിലൂടെയാണ് ഐശ്വര്യ പിന്നീട് തിരിച്ചു വരവ് നടത്തിയത്.
പിന്നീടും നടി സജീവമായില്ല. സിനിമാ ജീവിതത്തിനപ്പുറം തനിക്ക് ഒരു കുടുംബമുണ്ടെന്നും അതില് ശ്രദ്ധ കൊടുക്കണമെന്നുമാണ് നടി കരിയറിലെ ഇടവേളയ്ക്ക് കാരണമായി പറയുന്നത്. ഫന്നി ഖാന് ആണ് ഐശ്വര്യ റായുടെ അവസാനം റിലീസ് ചെയ്ത സിനിമ.
2007 ലാണ് ഐശ്വര്യ അഭിഷേക് ബച്ചനുമായി വിവാഹം കഴിക്കുന്നത്. ഗുരു എന്ന സിനിമയുടെ സെറ്റില് വെച്ചാണ് ഇരുവരും സൗഹൃദത്തില് ആവുന്നത്. സിനിമകളില് കൂടുതലായി കാണാറില്ലെങ്കിലും ഐശ്വര്യ ഫാഷന് വേദികളിലെ താരമാണ്. അടുത്തിടെ കാന് ഫിലിം ഫെസ്റ്റിലെ റെഡ്കാര്പറ്റിലും ഐശ്വര്യ റായ് തിളങ്ങിയിരുന്നു.
https://www.facebook.com/Malayalivartha
