ഒരാള്ക്ക് ഇത്രയുമധികം നുണ പറയാനും അതില് മോശമൊന്നും തോന്നാതിരിക്കുകയും സാധിക്കുന്നത് എങ്ങനെയാണെന്ന് എനിക്ക് മനസിലാകുന്നില്ല! വരദയുടെ പോസ്റ്റ് ഏറ്റെടുത്ത് സോഷ്യൽമീഡിയ
അമല എന്ന സീരിയലിലൂടെയാണ് വരദയ്ക്ക് കരിയര് ബ്രേക്ക് ലഭിച്ചത്. ഈ സീരിയലില് വില്ലനായി അഭിനയിച്ചത് ജിഷിന് മോഹനാണ്. വില്ലനും നായികയും സ്ക്രീനില് അടിപിടിയാണെങ്കിലും, യഥാര്ത്ഥ ജീവിതത്തില് പ്രണയ ജോഡികളായി. 2014 ല് ആണ് ഇരുവരുടെയും പ്രണയ വിവാഹം നടന്നത്. ഒരേ ഒരു മകനാണ് ഇരുവര്ക്കും ഉള്ളത്. ജിഷിന് ഒപ്പമുള്ള ഫോട്ടോകളും വീഡിയോകളും പങ്കുവച്ചില്ല എങ്കിലും, മകനൊപ്പമുള്ള ഫോട്ടോകളും വീഡിയോകളും വരദ നിരന്തരം സോഷ്യല് മീഡിയയില് പങ്കുവയ്ക്കാറുണ്ട്. എന്നാൽ അടുത്തിടെയായി വരദയും ജിഷിന് മോഹനും വിവാഹ മോചിതരായി എന്ന വാര്ത്തയാണ് പ്രചരിക്കുന്നത്. തങ്ങളെക്കുറിച്ചുള്ള വാര്ത്തകള്ക്ക് പ്രതികരണങ്ങളുമായി ജിഷിനും വരദയും നേരത്തെ രംഗത്തെത്തുകയും ചെയ്തിരുന്നു. എങ്കിലും സോഷ്യല് മീഡിയയിലെ ചര്ച്ചകള് അവസാനിച്ചിട്ടില്ല. ഇതിനിടെ ഇപ്പോഴിതാ വരദയുടെ സോഷ്യല് മീഡിയ പോസ്റ്റ് സോഷ്യല് മീഡിയയുടെ ശ്രദ്ധ നേടുകയാണ്. പേരൊന്നും എടുത്ത് പറയാതെ ഒരു പോസ്റ്റാണ് താരം പങ്കുവച്ചിരിക്കുന്നത്.
എന്തുകൊണ്ടാണ് ആളുകള് നുണ പറയുന്നത്? എന്നാണ് താരം പങ്കുവച്ച പോസ്റ്റില് പറയുന്നത്. ശിക്ഷയില് നിന്നും രക്ഷപ്പെടാന്, ചിലരെ ശിക്ഷയില് നിന്നും രക്ഷിക്കാന്, എന്തെങ്കിലും നേടാന് ( അഭിമുഖത്തില് നുണ പറയുന്നത്). ആരാധന നേടാന്, ഒരു സാഹചര്യത്തില് നിന്നും രക്ഷപ്പെടാന്, നാണക്കേട് ഒഴിവാക്കാന്, സ്വകാര്യതയ്ക്ക് വേണ്ടി, വിവരത്തെ നിയന്ത്രിച്ച് നിര്ത്തി മറ്റുള്ളവരുടെ മേല് അധികാരം നേടാന് ( മീഡിയയെ നിയന്ത്രിക്കാന്) എന്നൊക്കെയാണ് നുണ പറയാനുള്ള കാരണങ്ങളായി പോസ്റ്റില് ചൂണ്ടിക്കാണിക്കുന്നത്. ഇതിനോടൊപ്പം തന്നെ വരദയുടെ ഇന്സ്റ്റഗ്രാം സ്റ്റോറിയും ശ്രദ്ധ നേടുന്നുണ്ട്. ഒരാള്ക്ക് ഇത്രയുമധികം നുണ പറയാനും അതില് മോശമൊന്നും തോന്നാതിരിക്കുകയും സാധിക്കുന്നത് എങ്ങനെയാണെന്ന് എനിക്ക് മനസിലാകുന്നില്ലെന്നായിരുന്നു താരത്തിന്റെ സ്റ്റോറി. വരദയുടെ പോസ്റ്റും സ്റ്റോറിയുമൊക്കെ ആരെ ലക്ഷ്യമിട്ടുള്ളതാണെന്നാണ് സോഷ്യല് മീഡിയ ചോദിക്കുന്നത്.
https://www.facebook.com/Malayalivartha
