തങ്ങളുടെ കൊച്ചു കൊച്ച് വിശേഷങ്ങൾ ആരാധകരുമായി പങ്കുവയക്കുന്ന താരദമ്പതികളാണ് പൃഥ്വരാജും സുപ്രിയയും. മകൾ അല്ലിയുടെ വിശേഷങ്ങളും ഇരുവരും പങ്കുവയ്ക്കാറുണ്ട്.നിമിഷ നേരം കൊണ്ടാണ് ഇത് സോഷ്യൽ മീഡിയയിൽ വൈറലാകുന്നത്. വളരെ വിരളമായേ അല്ലിയുടെ ചിത്രങ്ങൾ ഇവർ പങ്കുവയാക്കാറുള്ളൂ. ഇപ്പോഴിതാ അല്ലിയുടെ എട്ടാം പിറന്നാൾ ഇന്ന് ആഘോഷിക്കുകയാണ്. മകളുടെ ജന്മദിനവും തിരുവോണവും ഒരു ദിവസം വന്നതിന്റെ സന്തോഷത്തിലാണ് താരകുടുംബം.

ജന്മദിനങ്ങളിലാണ് സാധാരണ ഇരുവരും മകളുടെ മുഖം കാണിച്ചുള്ള ചിത്രം ആരാധകർക്കായി പങ്കുവെക്കാറുള്ളത്. എല്ലാ വർ‌ഷവും ആലിയുടെ പിറന്നാൾ ദിനത്തിൽ ഒരു ഫോട്ടോ അത് സുപ്രിയയും പൃഥ്വിരാജും മുടങ്ങാതെ പങ്കുവെക്കും. ഈ തവണയും ആ പതിവ് തെറ്റിച്ചില്ല. അല്ലിയുടെ പുതിയൊരു ചിത്രവും മനോഹരമായ പിറന്നാൾ ആശംസയും ഇരുവരും പങ്കുവെച്ചു. അല്ലികൈക്കുഞ്ഞായിരുന്നപ്പോഴുള്ള ഒരു ചിത്രവും ജോർദ്ദാനിൽ പൃഥ്വിരാജിനെ കാണാൻ പോയപ്പോഴുള്ള ഒരു ചിത്രവുമാണ് അല്ലിയുടേതായി താരദമ്പതികൾ പുറത്തുവിട്ടിരിക്കുന്നത്.

'ഡാഡയുടെ ഏറ്റവും വലിയ ബ്ലോക്ക്ബസ്റ്റർ 8-ാം വർഷത്തിലേക്ക്.... മമ്മയുടെയും ഡാഡയുടേയും എക്കാലത്തെയും വെളിച്ചമാണ് നീ.... നിന്നിലെ സാഹസികതയും ലോകത്തോടുള്ള നിന്റെ സ്നേഹിവും നിന്നിൽ തുടർന്നുമുണ്ടാകാൻ ഞങ്ങൾ പ്രതീക്ഷിക്കുകയും പ്രാർഥിക്കുകയും ചെയ്യുന്നു. നിന്നിൽ ഞങ്ങൾ അഭിമാനിക്കുന്നു.' നീ എല്ലായ്പ്പോഴും ഞങ്ങളുടെ ഏറ്റവും വലിയ സന്തോഷമായിരിക്കും.... ​എട്ടാം പിറന്നാൾ ആശംസകൾ അല്ലി... ഒപ്പം അല്ലിയുടേയും സുപ്രിയയുടേയും എന്റേയും പേരിൽ ഏവർക്കും ഓണാശംസകളും നേരുന്നു... പൃഥ്വിരാജ് കുറിച്ചു.

'അല്ലി നിനക്ക് ഇന്ന് 8 വയസയി... എനിക്കറിയാവുന്ന ഏറ്റവും ദയയും മിടുക്കിയും അനുകമ്പയും അന്വേഷണാത്മകവുമായ പെൺകുട്ടികളിൽ ഒരാളാണ് നീ. ഞങ്ങൾ നിന്നെ ഓർത്ത് അഭിമാനിക്കുന്നു കുട്ടാ.... നിന്നെ സ്നേഹിക്കുന്നു.' 'നിന്റെ പ്രിയപ്പെട്ട ഡാഡി ഇല്ലാത്ത നിന്റെ ആദ്യ ജന്മദിനമാണിത്. പക്ഷെ അദ്ദേഹം എല്ലാ ദിവസവും സ്വർഗത്തിൽ നിന്ന് നിന്നെ നിരീക്ഷിക്കുകയും അനുഗ്രഹങ്ങൾ വർഷിക്കുകയും ചെയ്യുമെന്ന് എനിക്ക് ഉറപ്പുണ്ട്.' 'ജന്മദിനാശംസകൾ അല്ലി.... ഞങ്ങൾ നിന്നെ സ്നേഹിക്കുന്നു.... കൂടാതെ എല്ലാവർക്കും ഓണാശംസകൾ നേരുന്നു...' മകൾക്ക് പിറന്നാൾ ആശംസകൾ നേർന്നുകൊണ്ട് സുപ്രിയയും കുറിച്ചു.