പ്രണയത്തിലായശേഷം ​ആദ്യത്തെ ഓണം ആഘോഷിക്കുന്ന തിരക്കിലാണ് ഗായിക അമൃത സുരേഷും ഭർത്താവും സം​ഗീത സംവിധായകനുമായ ​ഗോപി സുന്ദറും. ഇപ്പോഴിതാ ഗോപി സുന്ദർ കൂടി തങ്ങളുടെ കുടുംബാം​ഗമായതിനെ കുറിച്ച് അമൃതയുടെ സഹോദരി അഭിരാമി പറയുകയാണ്. 'എന്റെ ജേർണിയിലെ ഒരു വലിയ മൈൽ സ്റ്റോൺ സംഭവിച്ചിരിക്കുകയാണ്. ഞാൻ സ്വന്തമായി ഒരു കഫേ തുടങ്ങി. കഥേ ഉട്ടോപ്യ എന്നാണ് പേരിട്ടിരിക്കുന്നത്. ഈ ഓണത്തിന് എന്റെ ഏറ്റവും വലിയ സന്തോഷം ഇത് തന്നെയാണ്.' 'അതുപോലെ തന്നെ ​ഗോപി ചേട്ടനും ഇപ്രാവശ്യം ഞങ്ങൾക്കൊപ്പം പുതിയ അതിഥിയായി ഓണം ആഘോഷിക്കാനുണ്ട് എന്നതും വലിയ സന്തോഷം പകരുന്നുണ്ട്. അച്ഛനും ചേച്ചിയും ഞാനുമെല്ലാം പാട്ടുമായി ബന്ധമുള്ളവരാണ്. ഇപ്പോൾ ആ പിക്ചറിന് ഒരു കംപ്ലീറ്റ്നസ് വന്നത് പോലെ തോന്നുണ്ട്.' 'ഇനി എനിക്കും ഒരു സ്പെയ്സ് അവിടെയുണ്ട്. അതുകൂടി നടന്ന് കഴിയുമ്പോൾ‌ പിക്ചർ കൂടുതൽ പൂർത്തിയാകും. ചേട്ടനോടുള്ള കമ്യൂണിക്കേഷൻ കുറച്ച് കൂടി എളുപ്പമാണ്. ബാക്കി ജെല്ലിങ് സീനൊന്നുമില്ല. പാട്ടാണ് ഞങ്ങളുടെ സംസാരമെല്ലാം. പാപ്പു അടക്കം എല്ലാവരും ഹാപ്പിയാണ്.' 'ഈ വർഷത്തെ ഓണം ചേട്ടനെ കൂടി ഉൾപ്പെടുത്തി ഭയങ്കര സംഭവമാണ്'. തിരുവോണ ദിനത്തിൽ ​ഗോപി സുന്ദറിനും പാപ്പുവിനുമൊപ്പമുള്ള മനോഹര ചിത്രം പങ്കുവെച്ച് അമൃത സുരേഷ് എത്തിയിരുന്നു.