ബി​ഗ് ബോസ് സീസൺ നാലിൽ മത്സരാർത്ഥിയായി എത്തിയതോടെ ഏറ്റവും കൂടുതൽ ജനപ്രിയനായ മത്സരാർത്ഥിയാണ് ഡോക്ടർ റോബിൻ. എട്ടുമാസത്തോളം കാലം ബി​ഗ് ബോസിനെക്കുറിച്ച് പഠിച്ച് മനസ്സിലാക്കിയ ശേഷമാണ് ഷോയിൽ മത്സരിക്കാൻ എത്തിയത്. അതുകൊണ്ട് പ്രേക്ഷകരെ മനസ്സിലാക്കി ഹൗസിൽ കളിക്കാൻ റോബിന് കഴിഞ്ഞു. എഴുപതാമത്തെ ദിവസം അപ്രതീക്ഷിതമായാണ് റോബിൻ ഷോയിൽ നിന്ന് പുറത്താവുന്നത്. സഹമത്സരാർത്ഥിയായ റിയാസിനെ ആക്രമിച്ചതിൻ്റെ പേരിലാണ് റോബിൻ ഷോയിൽ നിന്ന് പുറത്താകുന്നത്. ആദ്യമേ സീക്രട്ട് റൂമിലേക്ക് റോബിനെ കൊണ്ട് പോയപ്പോൾ റോബിൻ ആരാധകർക്ക് പ്രതീക്ഷയുണ്ടായിരുന്നു തിരികെ വീട്ടിലേക്ക് വരുമെന്ന്. എന്നാൽ തൊട്ടടുത്ത ദിവസം ലാലേട്ടൻ വന്നപ്പോൾ റോബിനെ പുറത്തേക്ക് വിളിക്കുകയായിരുന്നു. എന്നാൽ പുറത്ത് ഇറങ്ങിയ റോബിനെ കാത്തിരുന്നത് നിരവധി അവസരങ്ങളാണ്. സിനിമയിലേക്കും അവസരം കിട്ടി. രണ്ട് പ്രൊജക്ടുകൾ പൊതു വേദിയിൽവെച്ച് അനൗൺസ് ചെയ്യുകയും ചെയ്തു. റോബിൻ്റെ ആദ്യ സിനിമ പ്രഖ്യാപിച്ചത് മോഹൻലാൽ ആണ്.

അടുത്തിടെ ഒരു പൊതു വേദിയിൽ വെച്ച് തൻ്റെ വിവാഹത്തെക്കുറിച്ച് ആരാധകരോട് പറഞ്ഞ്. ആരാതി പൊടി എന്ന പെൺകുട്ടിയുമായി കമ്മിറ്റഡ് ആണെന്നും ഫെബ്രുവരിയിൽ വിവാഹം ഉണ്ടെന്നും റോബിൻ ആരാധകരെ അറിയിച്ചിരുന്നു. ഇരുവരും കഴിഞ്ഞ കുറച്ച് നാളുകളായി പ്രണയത്തിലാണ്. താനാണ് ആരതിയെ പ്രപ്പോസ് ചെയ്തതെന്ന് അടുത്തിടെ റോബിൻ വെളിപ്പെടുത്തിയിരുന്നു. ബി​ഗ് ബോസ് ഹൗസിലായിരിക്കുമ്പോൾ‍ ദിൽഷ പ്രസന്നനോട് തനിക്ക് പ്രണയമുള്ളതായി റോബിൻ വെളിപ്പെടുത്തിയിരുന്നു. എന്നാൽ മത്സരം കഴിഞ്ഞ് പുറത്ത് വന്നശേഷം ഇരുവരും സൗഹൃദം വരെ അവസാനിപ്പിച്ചു. ഇപ്പോൾ‍ താനും ദിൽഷയും തമ്മിൽ യാതൊരുവിധ സൗഹൃദവും പുലർത്തുന്നില്ലെന്നും റോബിൻ വ്യക്തമാക്കിയിരുന്നു. ഇപ്പോഴിത തിരുവോണ ദിനത്തിൽ ഭാവി വധു ആരതിക്കാപ്പം ഓണം സ്പെഷ്യൽ കപ്പിൾ ഫോട്ടോയുമായി എത്തിയിരിക്കുകയാണ് റോബിൻ രാധാകൃഷ്ണൻ‍. പൊന്നോണ ആശംസകൾ നേർന്നുകൊണ്ടാണ് റോബിൻ ആരതിക്കൊപ്പമുള്ള ഫോട്ടോ പങ്കുവെച്ചിരിക്കുന്നത്. ഇരുവരുടേയും കപ്പിൾ ഫോട്ടോ ഇപ്പോൾ വൈറലാണ്. 'വന്നടാ... കപ്പിൾ പിക്ക് വന്നു, ഇപ്പോഴാണ് ഹാപ്പി ഓണം ആയത്, ഫോട്ടോയ്ക്കായി ഞങ്ങൾ വെയിറ്റിങായിരുന്നു' തുടങ്ങി നിരവധി ആരാധക കമന്റുകളാണ് താരങ്ങളുടെ ഫോട്ടോയ്ക്ക് വരുന്നത് ഒരു മണിക്കൂറിനുള്ളിൽ ഒരു ലക്ഷത്തിലധികം ലൈക്കുകൾ ഫോട്ടോയ്ക്ക് ലഭിച്ചു.