പരാജയത്തെ കുറിച്ചുള്ള പേടി മാറിയതിനെ കുറിച്ച് തുറന്നു പറഞ്ഞ് നിവിന് പോളി
വളരെ കുറഞ്ഞ സമയം കൊണ്ട് മലയാളികളുടെ പ്രിയപ്പെട്ട നടനായി മാറിയ താരമാണ് നിവിന് പോളി. ഇപ്പോള് തന്റെ സിനിമാ ജീവിതത്തെ കുറിച്ച് നിവിന് പോളി ഒരു അഭിമുഖത്തില് പറഞ്ഞ വാക്കുകളാണ് ശ്രദ്ധ നേടുന്നത്. പരാജയപ്പെട്ടാല് കരിയര് ഇല്ലാതാകുമെന്നത് വെറും തോന്നല് മാത്രമാണെന്നും ഇപ്പോള് പരാജയത്തെ കുറിച്ചുള്ള പേടി മാറിയെന്നും നിവിന് പോളി പറയുന്നു.
'തേടി വരുന്ന സിനിമകളില് മാത്രം അഭിനയിക്കുക. വിജയ പരാജയങ്ങള് തിരിച്ചറിഞ്ഞ് മുന്നോട്ട് പോകുകയെന്നതായിരുന്നു തുടക്കത്തില് എന്റെ രീതി. എന്നാല്, ഇപ്പോള് വിജയ പരാജയങ്ങളെ ബന്ധപ്പെടുത്തി മാത്രമല്ല സിനിമ തിരഞ്ഞെടുക്കാറുള്ളത്. പ്രേക്ഷകരെ രസിപ്പിക്കുന്നതും വ്യത്യസ്തവുമായ സിനിമകളില് അഭിനയിക്കാന് തുടങ്ങി. ഇതോടെ പരാജയത്തെ കുറിച്ചുള്ള പേടി മാറി.
സമൂഹത്തിന്റെ കാഴ്ചപ്പാട് തോറ്റവന് എതിരാണ്. വിജയിച്ചവനൊപ്പമേ ആളുണ്ടാകൂ. എല്ലാ മേഖലയിലും ഉള്ളത് പോലെ വിജയിച്ചാലേ, പണമുണ്ടാക്കിയാലേ ഒരാള് മിടുക്കനാകൂ എന്ന തോന്നല് സിനിമയിലുമുണ്ട്.
https://www.facebook.com/Malayalivartha
