വിവാഹവേഷത്തില് അണിഞ്ഞൊരുങ്ങി ഫോട്ടോയ്ക്ക് പോസ് ചെയ്യുന്ന വധൂ വരന്മാർ! ജയ ചേച്ചി തല പയ്യെ ഒന്ന് ചരിച്ചേ.. ബേസിലിന്റെയും ദര്ശനയുടെയും ചിത്രങ്ങൾ ഏറ്റെടുത്ത് ആരാധകർ; ദീപാവലി റിലീസിനായി 'ജയ ജയ ജയ ജയ ഹേ'
ബേസില് ജോസഫ് നായകനായി എത്തുന്ന 'ജയ ജയ ജയ ജയ ഹേ'യുടെ ആദ്യ മോഷന് പോസ്റ്ററും റിലീസ് തീയതിയും പുറത്തുവിട്ടു. വിപിന് ദാസ് സംവിധാനം ചെയ്യുന്ന ചിത്രം, ദീപാവലി റിലീസായി ഒക്ടോബര് 21ന് തിയറ്ററുകളില് എത്തും. ദര്ശന രാജേന്ദ്രനാണ് നായികയായി അഭിനയിക്കുന്നത്. വിവാഹവേഷത്തില് അണിഞ്ഞൊരുങ്ങി ഫോട്ടോയ്ക്ക് പോസ് ചെയ്യുന്ന വധൂ വരന്മാരായാണ് ദര്ശനയും ബേസിലും പോസ്റ്ററിലുള്ളത്. 15 സെക്കന്റുകള് ദൈര്ഘ്യമുള്ള പോസ്റ്റര് ഡയലോഗോട് കൂടിയതാണ്.'ജാനേമന്' എന്ന ചിത്രം നിര്മിച്ച ചിയേഴ്സ് എന്റര്ടെയ്ന്മെന്റിന്റേത് തന്നെയാണ് 'ജയ ജയ ജയ ജയ ഹേ'യും നിര്മ്മിക്കുന്നത്. വിപിന് ദാസും നാഷിദ് മുഹമ്മദ് ഫാമി ചേര്ന്നാണ് തിരക്കഥ ഒരുക്കുന്നത്. അജു വര്ഗീസ്, അസീസ് നെടുമങ്ങാട്, സുധീര് പരവൂര്, മഞ്ജു പിള്ള, ശരത് സഭ, ഹരീഷ് പെങ്ങന് എന്നിവരാണ് ചിത്രത്തിലെ മറ്റു പ്രധാന വേഷങ്ങളില് എത്തുന്നത്.
അങ്കിത് മേനോന് സംഗീത സംവിധാനം നിര്വഹിക്കുന്നു.നിരവധി ബോളിവുഡ് ചിത്രങ്ങളില് പ്രവര്ത്തിച്ച സ്റ്റണ്ട് മാസ്റ്റര് ഫെലിക്സ് ഫുകുയോഷി റുവേ ആണ് സംഘട്ടന രംഗങ്ങള് ഒരുക്കുന്നത്.കല - ബാബു പിള്ള,ചമയം - സുധി സുരേന്ദ്രന്,വസ്ത്രലങ്കാരം - അശ്വതി ജയകുമാര്,നിര്മ്മാണ നിര്വഹണം - പ്രശാന്ത് നാരായണന്, മുഖ്യ സഹ സംവിധാനം - അനീവ് സുരേന്ദ്രന്,ധനകാര്യം - അഗ്നിവേഷ്, നിശ്ചല ചായാഗ്രഹണം -ശ്രീക്കുട്ടന്, വാര്ത്താ പ്രചരണം - ജിനു അനില്കുമാര്, വൈശാഖ് വടക്കേവീട്.
അതേസമയം ബേസിലിന്റേതായി ഒടുവില് പുറത്തിറങ്ങിയ പാല്തു ജാന്വര് മികച്ച പ്രതികരണം നേടി മുന്നേറുകയാണ്.
https://www.facebook.com/Malayalivartha
