നടിയും അവതാരകയുമായ മഹാലക്ഷ്മി കഴിഞ്ഞ ദിവസമാണ് വിവാഹിതയായത്. പ്രശസ്ത തമിഴ് നിർമ്മാതാവ് രവീന്ദർ ചന്ദ്രശേഖരനാണ് വരൻ. ഏറെ നാളായി ഇരുവരും തമ്മിൽ പ്രണയത്തിലായിരുന്നു. രവീന്ദർ നിർമ്മിക്കുന്ന ‘വിടിയും വരൈ കാത്തിര്’ എന്ന സിനിമയുടെ സെറ്റിൽ വച്ചാണ് ഇരുവരും പ്രണയത്തിലാകുന്നത്. ചിത്രത്തിൽ മഹാലക്ഷ്മിയാണ് നായികാ കഥാപാത്രത്തെ അവതരിപ്പിക്കുന്നത്. തിരുപ്പതിയിൽ വച്ച് നടന്ന വിവാഹ ചടങ്ങിൽ അടുത്ത ബന്ധുക്കൾ മാത്രമാണ് പങ്കെടുത്തത്. ഇരുവരുടെയും രണ്ടാം വിവാഹമാണിത്. വിവാഹത്തിന്റെ ദൃശ്യങ്ങള്‍ പുറത്ത് വന്നതോടെ ചിലര്‍ അതൃപ്തി അറിയിച്ച് രംഗത്തെത്തിയിരുന്നു. ബോഡിഷെയിമിങ്ങും അധിഷേപങ്ങളൊക്കെ താരങ്ങൾക്ക് നേരിടേണ്ടി വന്നു. ഇപ്പോഴിതാ തങ്ങളെ ട്രോളാനുള്ള അവസരം നേരിട്ട് കൊടുത്തിരിക്കുകയാണ് രവീന്ദ്രര്‍. ഭാര്യയുടെ കൂടെ ഹണിമൂണിന് പോവുന്നതിനെ പറ്റിയാണ് താരം പറഞ്ഞത്. ഒരു ചിരിയിൽ പ്രതികരണമൊതുക്കി മഹാലക്ഷ്മിയും ഭർത്താവിൻ്റെ പോസ്റ്റിന് കമൻ്റുമായി എത്തിയിട്ടുണ്ട്. ഏറ്റവും പുതിയതായി മഹാലക്ഷ്മിയ്‌ക്കൊപ്പമുള്ളൊരു ഫോട്ടോയാണ് രവീന്ദ്രര്‍ പങ്കുവെച്ചിരിക്കുന്നത്. ഒരു വിമാനത്തിന് മുന്നില്‍ നിന്നും രവീന്ദ്രറെടുത്ത സെല്‍ഫിയാണിത്. ഈ ഫോട്ടോ പുറത്ത് വന്നാല്‍ ഉണ്ടാവുന്ന കമന്റുകളെന്താണോ അതാണ് താരം ക്യാപ്ഷനില്‍ കൊടുത്തിരിക്കുന്നത്. നിര്‍മാതാവ് രവീന്ദ്രന്‍ ഭാര്യയുടെ കൂടെ പ്രൈവറ്റ് ജെറ്റില്‍ ഹണിമൂണിന് ബെലീസിലെ ഐലാന്‍ഡിലേക്ക് പോവുകയാണ്' ദയവ് ചെയ്ത് അങ്ങനെ കമന്റ് ഇടരുത് ഡാ... തൃച്ചി അടുത്തുള്ള ഡാല്‍മിയപുരത്തിന് അടുത്തുള്ള കുലദൈവ ക്ഷേത്രത്തിലേക്ക് പോവുന്നതാണ് ഞങ്ങള്‍. ഈ ഫോട്ടോ വേണമെങ്കില്‍ സ്‌ക്രീപ്റ്റ് ആക്കിക്കോ' എന്നുമാണ് രവീന്ദ്രര്‍ ക്യാപ്ഷനില്‍ പറയുന്നത്. നിങ്ങള്‍ തന്നെ കണ്ടന്റ് കൊടുക്കുകയാണോന്നാണ് ആരാധകര്‍ രവീന്ദ്രറിനോട് ചോദിക്കുന്നത്. എന്തായാലും വിമാനവും അതിന്റെ മുന്നില്‍ നിന്നുള്ള ചിത്രവും കണ്ടാല്‍ സാധാരണ വരാന്‍ സാധ്യതയുള്ള കമന്റ് ഇതായിരുന്നു. ബുദ്ധിപൂര്‍വ്വം ഹണിമൂണ്‍ ആഘോഷത്തിന് പോവുകയല്ലേന്ന് പറഞ്ഞ് താരം അതില്‍ നിന്നും രക്ഷപ്പെട്ടുവെന്നാണ് ആരാധകരുടെ അഭിപ്രായം.