മഞ്ജുവിനോട് പലരും പലതും പറഞ്ഞിരുന്നു.... ഇക്കാര്യങ്ങള് സത്യമാണോ എന്ന് മഞ്ജുവിന് അറിയണം.. അതിനാണ് അതിജീവിതയോട് ചോദിച്ചത്.. ദിലീപിനെ കുറിച്ചും കാവ്യമാധവനെ കുറിച്ചും വളരെ മോശമാക്കി രാഹുല് ഈശ്വറും ഭാര്യ ദീപയും തന്നോട് റസ്റ്ററന്റില് വച്ച് സംസാരിച്ചിരുന്നു; ദിലീപ് അനൂകുലിയെന്ന് രാഹുൽ ആവർത്തിക്കുമ്പോൾ ഭാഗ്യലക്ഷ്മിയുടെ വെളിപ്പെടുത്തൽ കുത്തിപ്പൊക്കി സോഷ്യൽമീഡിയ...
നടി ആക്രമിക്കപ്പെട്ട കേസിൽ രണ്ടാംഘട്ട വിചാരണ നടപടികൾ ദിവസങ്ങൾക്ക് മുൻപ് തന്നെ ആരംഭിച്ചിരുന്നു. എട്ടുമാസത്തിനു ശേഷമാണ് കേസിൽ വിചാരണ പുരാരംഭിക്കുന്നത് . കേസിലെ എട്ടാം പ്രതി ദിലീപിനെ സംബന്ധിച്ചും അതിജീവിവതയെ സംബന്ധിച്ചും നിർണായക ദിവസങ്ങളിലൂടെയാണ് കടന്നുപോകുന്നത്. ഇനി വരാനിരിക്കുന്ന ദിവസങ്ങളും ഇരുവരെയും സംബന്ധിച്ച് നിർണായകം തന്നെയാണ്. അതിനിടയിൽ കേസിൽ വിചാരണ കോടതി ജഡ്ജിക്ക് വിചാരണ പൂർത്തിയാക്കി വിധി പറയാൻ സുപ്രീം കോടതി സമയം അനുവദിച്ച് കൊടുത്തിരിക്കുകയാണ്. ഈ കേസ് സമയബന്ധിതമായി തീർക്കണം എന്ന് ആവശ്യപ്പെട്ട് ദിലീപും സുപ്രീം കോടതിയിൽ പോയിട്ടുണ്ട്. വിചാരണ കോടതിയും ദിലീപും ഒരേ സമയം സുപ്രീം കോടതിയിലേക്ക് പോയ നടപടിയെ നിയമവിദഗ്ദരടക്കം നെറ്റി ചുളിച്ച് കൊണ്ടാണ് നോക്കി കാണുന്നത്'. 'സാധിക്കുമെങ്കിൽ ജനുവരി 30നകം വിചാരണ പൂർത്തിയാക്കാനാണ് സുപ്രീം കോടതി നിർദ്ദേശം നൽകിയിരിക്കുന്നത്. വിചാരണയുടെ പുരോഗതി നാലാഴ്ചക്കകം അറിയിക്കാൻ വിചാരണ കോടതിയോട് നിർദ്ദേശിച്ചിട്ടുമുണ്ട്.
അതിനിടയിൽ കഴിഞ്ഞ ദിവസം ദിലീപ് അനുകൂലിയായ രാഹുൽ ഈശ്വർ എന്തുകൊണ്ട് എങ്ങനെ താൻ ദിലീപ് അനുകൂലിയായി മാറിയെന്നൊക്കെ വെളിപ്പെടുത്തൽ ഉണ്ടായി. കേസിൽ ദിലീപ് ജയിക്കുമെന്ന് എനിക്ക് ഉറപ്പായി. ആദ്യം ആരും അദ്ദേഹത്തെ പിന്തുണയ്ക്കാൻ ഇല്ലായിരുന്നു. അദ്ദേഹത്തിന്റെ ഭാഗമാണ് ന്യായം, ഇത് മറ്റൊരു വിഷയമാണ് എന്നായിരുന്നു രാഹുൽ അഭിപ്രായപ്പെട്ടത്. എന്നാൽ ഇപ്പോൾ സോഷ്യൽമീഡിയ കുത്തിപ്പൊക്കുന്നത് മറ്റൊരു സംഭവമാണ്. ദിലീപ് അനുകൂലിയെന്ന് സ്വന്തമായി തന്നെ പറയുന്ന രാഹുലിന്റെ വായടപ്പിക്കുന്ന രീതിയിലുള്ള ഒരു പഴയ ചർച്ചയാണ് ആരാധകർ കുത്തിപ്പൊക്കുന്നത്. ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി ഇതിന് മുൻപ് നടത്തിയ ചില തുറന്ന് പറച്ചിലുകളായിരുന്നു ഇപ്പോൾ വൈറലാകുന്നത്. ദിലീപിനെയും കാവ്യമാധവനെയും കുറിച്ച് രാഹുല് ഈശ്വറും ഭാര്യ ദീപയും വളരെ മോശമാക്കി സംസാരിച്ചു എന്ന വെളിപ്പെടുത്തലായിരുന്നു അന്ന് ഭാഗ്യലക്ഷ്മി നടത്തിയത്. ഇപ്പോള് ദിലീപിന് വേണ്ടി ചാനലുകളില് രാഹുല് ഈശ്വര് സംസാരിക്കുന്നത് എന്തിനാണെന്ന് അറിയില്ലെന്നും ഭാഗ്യലക്ഷ്മി പറഞ്ഞിരുന്നു.
ഭാഗ്യലക്ഷ്മി പറയുന്നതിങ്ങനെയായിരുന്നു...
രാഹുല് ഈശ്വര് ഇപ്പോള് ദിലീപിന് വേണ്ടി സംസാരിക്കുന്നതില് വേറെ എന്തോ ഉദ്ദേശമുണ്ട്. കാവ്യയുടെ അമ്മ എന്താണ് പറഞ്ഞത് എന്ന് ഞാന് വ്യക്തമാക്കിയിട്ടില്ല. കാവ്യയുടെ അമ്മ പറഞ്ഞ വാക്കുകള് വ്യക്തമാക്കിയാല് രാഹുല് ഈശ്വര് ഇങ്ങനെയൊന്നും പറയില്ല. ഇക്കാര്യങ്ങളെല്ലാം പോലീസിനോട് വിശദീകരിക്കുമെന്നും ഭാഗ്യലക്ഷ്മി പറഞ്ഞു. ആര് എന്തൊക്കെ പറഞ്ഞാലും വിശ്വസിക്കാത്ത വ്യക്തിയാണ് മഞ്ജുവാര്യര്. തന്റെ സുഹൃത്തായിട്ടും അതിജീവിത ഇക്കാര്യങ്ങളൊന്നും എന്നോട് പറഞ്ഞില്ലല്ലോ എന്ന് മഞ്ജുവിന് വിഷമമുണ്ടായിരുന്നു. വീട്ടില് ഭക്ഷണം കഴിക്കാനിരിക്കുമ്പോള് മഞ്ജു അതിജീവിതയോട് ചോദിച്ചു. ഇതെല്ലാം നിനക്ക് അറിയാമായിരുന്നോ എന്ന്. ഈ വേളയിലാണ് അതിജീവിത കാര്യങ്ങള് പറഞ്ഞതെന്നും ഭാഗ്യലക്ഷ്മി കൂട്ടിച്ചേര്ക്കുന്നു. മഞ്ജുവിനോട് പലരും പലതും പറഞ്ഞിരുന്നു. ഇക്കാര്യങ്ങള് സത്യമാണോ എന്ന് മഞ്ജുവിന് അറിയണം. അതിനാണ് അതിജീവിതയോട് ചോദിച്ചത്. ദിലീപിനെ കുറിച്ചും കാവ്യമാധവനെ കുറിച്ചും വളരെ മോശമാക്കി രാഹുല് ഈശ്വറും ഭാര്യ ദീപയും തന്നോട് റസ്റ്ററന്റില് വച്ച് സംസാരിച്ചിരുന്നുവെന്നും ഭാഗ്യലക്ഷ്മി പറഞ്ഞു. ഞാനൊന്നും പറഞ്ഞിട്ടില്ല. ആ രീതിയില് പുറത്തുവന്ന വിവരം കള്ളമാണ്. ഇക്കാര്യത്തില് പോലീസ് ആസ്ഥാനത്തെത്തി എഡിജിപിക്ക് പരാതി നല്കി പുറത്തിറങ്ങുകയാണിപ്പോള് എന്നും രാഹുല് ഈശ്വര് മറുപടി നല്കി. എന്നാല് ഞാന് പല കാര്യങ്ങളും പുറത്തുപറയാത്തത് നിങ്ങളെയും ഭാര്യയെയും നാറ്റിക്കേണ്ട എന്ന് കരുതിയാണെന്ന് ഭാഗ്യലക്ഷ്മി തിരിച്ചടിച്ചു. കാവ്യയുടെ ആദ്യ ഭര്തൃമാതാവ് വിളിച്ചു സംസാരിച്ച കാര്യങ്ങളും ഭാഗ്യലക്ഷ്മി പറഞ്ഞു. ഇതിന് ശേഷമാണ് റസ്റ്ററന്റില് വച്ച് രാഹുല് ഈശ്വറും ഭാര്യയും തന്നോട് മറ്റു ചില കാര്യങ്ങള് പറഞ്ഞത്. രാഹുലിന് മറന്ന് പോയതാകുമെന്നും ഭാഗ്യലക്ഷ്മി പറയുന്നു. അന്ന് ദിലീപിനെയും കാവ്യയെയും മോശമാക്കി സംസാരിച്ച രാഹുല് ഇപ്പോള് അവര്ക്ക് വേണ്ടി വാദിക്കുന്നു. ഇത് ഇരട്ട നിലപാടാണെന്നും അന്ന് ഭാഗ്യലക്ഷ്മി പറഞ്ഞിരുന്നു.
https://www.facebook.com/Malayalivartha
