സിനിമകളിലും സീരിയലുകളിലും ഒരുപോലെ സജീവമായ നടിയാണ് യമുന. വില്ലത്തിയായും സഹാതരമായും യുമുന പ്രേക്ഷകര്‍ക്ക് മുന്നിലെത്തി. നിലവില്‍ അമ്മ മകള്‍, അനിയത്തി പ്രാവ് എന്നീ സീരിയലുകളിലാണ് താരം അഭിനയിച്ചുകൊണ്ടിരിയ്ക്കുന്നത്. ഇപ്പോഴിതാ അമിതമായി മറ്റുള്ളവരെ വിശ്വസിച്ച കാരണത്താല്‍ ജീവിതത്തില്‍ തിരിച്ചടി കിട്ടിയ അനുഭവത്തെ കുറിച്ച് പറയുകയാണ് താരം. സെക്രട്ടറിയേറ്റില്‍ ജോലി ചെയ്യുന്ന അശ്വതി എന്ന പെണ്‍കുട്ടി തന്നെ ഇടയ്ക്കിടെ വിളിക്കാറുണ്ടായിരുന്നു. സെൽഫി എടുക്കണം എന്നു പറയും. ഒരിക്കലും ഞാൻ അവരെ വീട്ടിലേക്ക് ക്ഷണിച്ചു. കഴിക്കാൻ ഭക്ഷണം കൊടുത്തു. ഒരിക്കൽ ഒരു ഷോക്ക് പോയപ്പോൾ അവരും ഉണ്ടായിരുന്നു എന്റെ കൂടെ. ഒരുമിച്ച് പോവാം എന്നു ആ സ്ത്രീ പറഞ്ഞപ്പോൾ കൂട്ടിനു ആളെ കിട്ടിയ സന്തോഷമായിരുന്നു എനിക്ക്. ആ സ്ത്രീ എല്ലാവര്‍ക്കും ഒപ്പം നിന്ന് ഫോട്ടോ എടുത്തിരുന്നു. അതിന് പിന്നില്‍ ചില പ്ലാനിങുകള്‍ ഉണ്ടായിരുന്നു. ഒരു സ്ത്രീയെ കൂട്ടി പോയത് കാരണം ഞാന്‍ ലെസ്ബിയനാണ് എന്ന് പലരും പറഞ്ഞു. ഒരാളെയും അമിതമായി വിശ്വസിക്കാൻ പാടില്ല. അടുത്ത സുഹൃത്തുക്കളോട് പോലും സംസാരിക്കുമ്പോൾ ഒരു പരിധി ഉണ്ടായിരുന്നു. ആരായാലും ഒരു പരിധി കടന്ന് ഇടപഴകാറില്ലെന്നും യമുന പറഞ്ഞു .

താരത്തിന്റെ രണ്ടാം വിവാഹം വലിയ വാർത്തയായിരുന്നു. മക്കളുടെ നിർബന്ധ പ്രകാരമായിരുന്നു രണ്ടാമതും വിവാഹം കഴിച്ചത്. അമേരിക്കയിലെ സൈക്കോ തെറാപിസ്റ്റ് ദേവനാണ് താരത്തിന്റെ ഭര്‍ത്താവ്. ആദ്യ വിവാഹം തകർന്നപ്പോൾ രണ്ട് പെണ്മക്കളും വിവാഹത്തിന് നിർബന്ധിച്ചു. അമ്മ വീണ്ടും വിവാഹം കഴിക്കണം. ജോലി കിട്ടിയാൽ ഞങ്ങൾ പുറത്തേക്ക് പോവും. അപ്പോൾ അമ്മ തനിച്ചാവും. ഫാമിലി ആയിട്ട് എനിക്ക് ബന്ധമില്ല. മക്കൾ മാത്രമേ ഉള്ളൂ. എനിക്ക് നല്ല പണം ഉണ്ടായിരുന്ന സമയത്ത് എല്ലാവരും കൂടെ ഉണ്ടായിരുന്നു. എന്നാൽ കൈയിലെ പണമെല്ലാം തീർന്നപ്പോൾ നട്ടെല്ല് മാത്രമല്ല, ഒരു എല്ലും ഇല്ല എന്നു വേണം പറയാൻ. എനിക്ക് രണ്ട് പെണ്‍കുട്ടികളാണല്ലോ. അതുകൊണ്ട് എന്നെ നോക്കുമ്പോൾ മക്കൾ അവരുടെ തലയിലാവുമോ എന്ന പേടി ഒരു വശത്ത്. അവര്‍ക്ക് കൊടുത്തത് എല്ലാം ഞാന്‍ തിരിച്ച് ചോദിയ്ക്കുമോ എന്ന ഭയം മറു വശത്ത്. ആദ്യത്തെ ആയാലും രണ്ടാമത്തെ ആയാലും നന്നായിട്ട് ആലോചിച്ചിട്ടേ വിവാഹം ചെയ്യാവു. കല്യാണത്തിന് പ്രായം ഒരു തടസ്സമല്ല. രണ്ടാമത്തെ വിവാഹം എന്റെ തീരുമാനമാണ്. ആദ്യത്ത വിവാഹം എന്റെ തീരുമാനമല്ലായിരുന്നു. ഇപ്പോൾ എന്റെ കാര്യങ്ങൾ ഞാൻ തന്നെയാണ് തീരുമാനിക്കുന്നത്. ദേവേട്ടനെ ഞാൻ നന്നായിട്ട് മനസിലാക്കിയിട്ടാണ് വിവാഹം ചെയ്തത്. അല്ലെങ്കിൽ ഞാൻ മാത്രമല്ല എന്റെ മക്കളും അനുഭവിക്കേണ്ടി വന്നേനെയെന്നും യമുന പറഞ്ഞു.