ഓസ്‌കര്‍ റെഡ് കാര്‍പ്പറ്റില്‍ രാജകുമാരിയെ പോലെയായിരുന്നു പ്രിയങ്ക. ബോളിവുഡിലെ ഒരു ഖാന്‍ നായകനാകുന്ന സിനിമയുടെ മുടക്കുമുതലിന്റെ അത്രയും വില വരുന്ന ഡയമണ്ട് ആഭരണങ്ങളണിഞ്ഞാണ് പ്രിയങ്ക എത്തിയത്. 8 മില്യണ്‍ യുഎസ് ഡോളര്‍. അതായത് 54 കോടി 77 ലക്ഷം രൂപ. ഓസ്‌കറില്‍ ആദ്യമായിട്ടാണെങ്കിലും ഡയമണ്ട് കമ്മലില്‍ തുടങ്ങി മുഖത്തെ ഭാവഭേദങ്ങളില്‍ വരെ ഒരു രാജകീയ മട്ട്. പ്രത്യേകിച്ച് അണിഞ്ഞിരുന്ന ഓഫ് ഷോള്‍ഡര്‍ ഗൗണ്‍ എല്ലാവരുടെയും ശ്രദ്ധ പിടിച്ചുപറ്റി. സുഹൈര്‍ മുരാദിന്റെ ക്രിയാത്മകതയില്‍ നെയ്‌തെടുത്ത ആ ഓഫ് ഷോള്‍ഡര്‍ ഗൗണിന്റെ മനോഹാരിതയെ വശ്യമാക്കിയതില്‍ കാതിലും കൈകളിലുമുള്ള ഡയമണ്ട് ആഭരണങ്ങളുടെ പങ്ക് ചെറുതല്ല.

അറബിക്‌ഹോളിവുഡ് ക്ലാസിക് സ്‌റ്റൈലിനെ കൂട്ടിക്കലര്‍ത്തിയാണ് പ്രിയങ്കയ്ക്ക് ഗൗണ്‍ മുരാദ് ചെയ്തു നല്‍കിയതെങ്കില്‍ ഡയമണ്ട് ആഭരണങ്ങള്‍ ലൊറൈന്‍ ഷോര്‍ട്‌സില്‍ നിന്നാണ്. പ്രിയങ്കയുടെ നക്ഷത്രത്തിളക്കത്തിന് മാറ്റു കൂട്ടിയ കാതിലോലും മോതിരങ്ങളും കാമറക്കണ്ണുകളെ പോലും ആകര്‍ഷിച്ചുവെന്ന് പറയണം. തന്റെ ആഭരണങ്ങള്‍ തനിക്കെത്രത്തോളം അമൂല്യമാണെന്നറിയിച്ച് പ്രിയങ്ക ഇന്‍സ്റ്റാഗ്രാമിലൊരു ചിത്രം പങ്കുവച്ചിരുന്നു.

പെണ്‍കുട്ടികളുടെ ഉറ്റ സുഹൃത്തുക്കളാണ് ഡയമണ്ടുകള്‍ എന്ന അടിക്കുറിപ്പോടെ. എണ്‍പതു ലക്ഷത്തിന്റെ കുഞ്ഞന്‍ ആഭരണങ്ങള്‍ അത്രത്തോളം സ്‌പെഷ്യല്‍ ആയില്ലെങ്കിലല്ലേ അത്ഭുതമുള്ളൂ. മൊത്തം ലുക്ക് വിശിഷ്ടമാക്കിയതിന് പ്രിയങ്കയ്ക്ക് അഭിനന്ദനങ്ങളും ഏറെയാണ്. ആഘോഷങ്ങളുടെ ആഡംബരങ്ങളുടെ പരവതാനിയില്‍ ഈ ഇന്ത്യന്‍ സുന്ദരിയെ വീണ്ടും മനോഹരിയാക്കിയത് ലക്ഷങ്ങളുടെ വസ്തുക്കളാണ്.

ഹോളിവുഡിലേക്ക് അരങ്ങേറാനുള്ള ചിത്രത്തിന്റെ തിരക്കുകള്‍, അതിനിടയില്‍ ഓസ്‌കര്‍ വേദിയില്‍ ഇന്ത്യന്‍ ചലച്ചിത്ര ലോകത്തെ പ്രതിനിധീകരിക്കുക. ഇത് പ്രിയങ്ക ചോപ്രയുടെ നാളുകളാണെന്ന് പറയാതെ വയ്യ. ഹോളിവുഡിലെ ആദ്യ ചിത്രത്തിലെ അഭിനയത്തെ കുറിച്ച് നല്ല വാര്‍ത്തകള്‍ മാത്രം വന്നുകൊണ്ടിരിക്കുന്നു. ഏറ്റവുമൊടുവിലായി ഓസ്‌കര്‍ വേദിയിലെത്തിയപ്പോള്‍ അതിനേക്കാള്‍ സുന്ദരമായ വിശേഷവും. ഓസ്‌കറില്‍ മികച്ച എഡിറ്റിങിനുള്ള പുരസ്‌കാരമാണ് പ്രിയങ്ക സമ്മാനിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha