വാക്കുകള്‍ കൊണ്ട് പറഞ്ഞറിക്കാന്‍ കഴിയുന്നതല്ല ഈ സന്തോഷം. ഇത് ഒരു വലിയ അംഗീകാരമമാണ്. മികച്ച നടിയായ പാര്‍വതിയെ സന്തോഷം ഒട്ടും മറച്ചു വയ്ക്കുന്നില്ല. സിനിമാ രംഗത്ത് എത്തി പത്തു വര്‍ഷത്തിനു ശേഷമാണ് പാര്‍വതിക്ക് സംസ്ഥാന സര്‍ക്കാറിന്റെ അംഗീകാരം ലഭിക്കുന്നത്. എനിക്കൊപ്പം എന്നു നിന്റെ മൊയ്തീനിലേയും ചാര്‍ലിയിലേയും അണിയറപ്രവര്‍ത്തകര്‍ക്കു കൂടി അവാര്‍ഡ് ലഭിച്ചത് സന്തോഷത്തിന് ഇരട്ടി മധുരം നല്‍കുന്നുവെന്ന് പാര്‍വതി പറഞ്ഞു. രണ്ട് കഥാപാത്രങ്ങളേയും എന്നെ ഏല്‍പ്പിച്ച സംവിധായകരോടും ആ തിരക്കഥകളോടും എനിക്ക് കടപ്പാടുണ്ട്. ആ കഥാപാത്രങ്ങളെ ഉള്‍ക്കൊളളാന്‍ എനിക്കു ഭാഗ്യം ലഭിച്ചല്ലോ.

രണ്ടു കഥാപാത്രങ്ങളേയും കുഞ്ഞിനെ അമ്മ നോക്കുന്നതുപോലെയാണ് ഞാന്‍ കണ്ടത്. ആദ്യം അവാര്‍ഡ് തന്നത് പ്രേക്ഷകരാണ് രണ്ടു ചിത്രങ്ങളേയും അവര്‍ വിജയിപ്പിച്ചു. കാഞ്ചനമാലയേയും ടെസയേയും അവര്‍ നെഞ്ചേറ്റി. കാഞ്ചനമാലയാകാന്‍ ഒരുപാട് തയ്യാറെടുപ്പുകള്‍ നടത്തിയിരുന്നു. അതില്‍ നിന്നും ഏറെ വ്യത്യസ്തമായ കഥാപാത്രമായിരുന്നു ടെസ. കാഞ്ചനമാലയില്‍ നിന്നും ടെസയിലേക്കു മാറാന്‍ എനിക്ക് ആത്മവിശ്വാസം പോരായിരുന്നു. കരഞ്ഞ് അഭിനയിക്കുന്നത് മാത്രമല്ല അഭിനയം എന്നനിക്ക് നന്നായിട്ടിറിയാം. ടെസ വെല്ലുവിളി തന്നെയായിരുന്നു.

രണ്ടു കഥാപാത്രങ്ങളേയും അത്രയേറെ ആഴത്തില്‍ ഉള്‍ക്കൊള്ളാന്‍ കഴിഞ്ഞില്ല എന്നാണ് അഭിനയിച്ച തീര്‍ന്ന ഉടന്‍ എന്റെ ഉള്ളിലെ വിമര്‍ശക പറഞ്ഞത്. ചിത്രങ്ങള്‍ പ്രേക്ഷകര്‍ സ്വീകരിച്ചപ്പോള്‍ മാത്രമാണ് സമാധാനമായത്. പത്തു വര്‍ഷത്തിനിടയില്‍ ഞാന്‍ സെലക്ടീവായിരുന്നു. അതു പാടില്ലെന്നു ഉപദേശിച്ചവരുണ്ട്. പക്ഷെ എനിക്ക് എന്റെ തീരുമാനം നടപ്പിലാക്കാനായിരുന്നു ഇഷ്ടം. അത് ശരിയാവുകയും ചെയ്തു പാര്‍വതി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha