ഗോസിപ്പുകള്‍ക്കെതിരെ പ്രതികരിച്ച് നടി മഞ്ജു പിള്ള
മലയാള സിനിമയില്‍ തന്റേതായ സ്ഥാനമുറപ്പിച്ച താരമാണ് മഞ്ജു പിള്ള. ഇപ്പോഴിതാ ഇതിനെ ചുറ്റിപറ്റി പ്രചരിക്കുന്ന ഗോസിപ്പുകള്‍ക്കെതിരെ രംഗത്ത് വന്നിരിക്കുകയാണ് താരം. ഞാന്‍ ആരുടേയും ചിലവില്‍ അല്ല ജീവിക്കുന്നത്. ഒരുപാട് ഗോസിപ്പുകള്‍ തന്നെ പറ്റി ഇറങ്ങുന്നുണ്ടെന്നും, അതൊന്നും കാര്യമാക്കാറില്ലെന്നും ഗോസിപ്പുകള്‍ തന്നെ ബാധിക്കുന്ന കാലം കഴിഞ്ഞുവെന്നും താരം പറഞ്ഞു. ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് താരത്തിന്റെ പ്രതികരണം.
മഞ്ജു പിള്ളയുടെ വാക്കുകള്‍:
എന്തുവായിത്… ഇതാ ഞാന്‍ പറയാറുള്ളത്. ഇവന്മാര്‍ക്ക് ഇങ്ങനെ എന്തെങ്കിലും ഒക്കെ ഉണ്ടാക്കി ഇടാന്‍ അറിയാവൂ… പണി എടുത്ത് ജീവിക്കാന്‍ അറിയില്ലല്ലോ. ഇപ്പൊ ഈ പറഞ്ഞതിന്റെ പേരില്‍ ഇനിയും എന്നെക്കുറിച്ചു പലതും എഴുതും ഇവര്.
എടൊ… എന്റെ ജീവിതത്തിന്റെ മുക്കാല്‍ ഭാഗം കഴിഞ്ഞു. ജീവിതം പകുതിയില്‍ കൂടുതല്‍ ഞാന്‍ ജീവിച്ചു തീര്‍ത്തു കഴിഞ്ഞു… ഇനി ആരെ പേടിക്കാന്‍? എന്തിനെ പേടിക്കാന്‍? എനിക്ക് ഇപ്പോള്‍ ഒന്നിനെയും പേടിയില്ല… ഇനി പേടിക്കുന്നത് നാണക്കേടല്ലേ… ഇനി മാക്‌സിമം പോയാല്‍, പണ്ടൊക്കെ ഉള്ള ആളുകള്‍ 80, 90 വയസ്സ് വരെയൊക്കെ ജീവിക്കുമായിരുന്നു. ഇപ്പോള്‍ അത് കുറഞ്ഞു വരികയാണ്. ശ്രദ്ധിച്ചാല്‍ മനസ്സിലാവും. നമ്മുട ഒക്കെ വയസ്സ് ആവുമ്പോള്‍ മാക്‌സിമം 75ല്‍ കഴിയും. അങ്ങനെ നോക്കിയാല്‍, ഏറിപ്പോയാല്‍ ഇനി പത്ത് – ഇരുപത്തിയഞ്ചു വര്‍ഷമേയുള്ളു. അതിലും, ഇനി ഇപ്പോള്‍ ഞാന്‍ പുറത്തേക്ക് ഇറങ്ങുമ്പോള്‍ ഒരു വണ്ടി തട്ടിയാല്‍ തീരാവുന്ന കേസേയുള്ളു. അത് കൊണ്ട്, ഇനിയുള്ള ജീവിതം കണ്ടവര്‍ക്ക് വേണ്ടി തല പുകയ്ക്കാതെ, നമ്മുടെ ജീവിതം നമ്മള്‍ സന്തോഷമായിട്ട് ജീവിച്ചു തീര്‍ക്കുക എന്നേയുള്ളു. എന്റെ അച്ഛനെയും അമ്മയെയും മകളെയും അല്ലാതെ ആരെയും എനിക്ക് നോക്കേണ്ട കാര്യമില്ല.
ഞാന്‍ ആരുടേയും ചിലവില്‍ അല്ല ജീവിക്കുന്നത്. രാവും പകലും നല്ല കഷ്ടപ്പെട്ട് ജോലി ചെയ്ത് കാശുണ്ടാക്കിയാണ് ഞാന്‍ ജീവിക്കുന്നത്. എന്നാല്‍ ഇങ്ങനെ അസഭ്യങ്ങള്‍ വന്ന് കമന്റ് ചെയ്യുന്നവര്‍ മാത്രമല്ല, തന്നെ ഏറെ സ്‌നേഹിക്കുകയും, പിന്തുണയ്ക്കുകയും ചെയ്യുന്ന ഒരുപാട് നല്ല സുഹൃത്തുക്കളും സൈബര്‍ ഇടത്തില്‍ തനിക്ക് ഉണ്ടെന്നും നടി കൂട്ടിച്ചേര്‍ത്തു.
https://www.facebook.com/Malayalivartha
