മോഹന്‍ ലാല്‍ അവതാരകനായി എത്തുന്ന ബിഗ് ബോസ് മലയാളം സീസണ്‍ ഏഴില്‍ നിന്ന് കഴിഞ്ഞ ദിവസമാണ് രേണു സുധി ഇറങ്ങിയത്. ഷോയിലെത്തിയ ആദ്യ ആഴ്ചയിലൊക്കെ നല്ല പ്രകടനം തന്നെ രേണു കാഴ്ച വച്ചിരുന്നു. ഇപ്പോഴിതാ ഷോയില്‍ നിന്ന് പുറത്തുവന്ന ശേഷം ആദ്യമായി മീഡിയകളോട് പ്രതികരിച്ചിരിക്കുകയാണ് രേണു സുധി. തന്റെ മൈന്റ് ഓക്കെ അല്ലെന്നും ഇനി അവിടെ നില്‍ക്കാനാവില്ലെന്നുമാണ് രേണു പറഞ്ഞത്. ബിഗ് ബോസ് സീസണ്‍ 7ല്‍ മിക്കവാറും അനീഷ് കപ്പ് കൊണ്ടുപോകുമെന്നും നല്ലൊരു ഗെയിമറാണ് അദ്ദേഹമെന്നും രേണു വ്യക്തമാക്കി.

'ഞാന്‍ ഓക്കെ അല്ല. മൈന്‍ഡ് ഔട്ട് ആണ്. ബിഗ് ബോസിലെ യാത്ര കുഴപ്പമില്ലായിരുന്നു. ആരോഗ്യം മോശമാണ്. സുധിച്ചേട്ടന്‍ മരിച്ചതിന്റെ ട്രോമയിലായി പോയി. എട്ടന്‍ മരിച്ച സമയത്ത് അടുത്തെല്ലാവരും ഉണ്ടായിരുന്നു. പക്ഷേ ഷോയില്‍ വന്നപ്പോള്‍ ഒറ്റക്കായി. ഞാനത് ഷോയില്‍ പറയുകയും ചെയ്തു. എന്റെ ആരോഗ്യം ഓക്കെ അല്ല അതാണ് ഞാന്‍ അവിടെ നിന്ന് വന്നത്. എന്നെ നെഗറ്റീവ് പറഞ്ഞവര്‍ക്ക് മുന്നില്‍ ഒരു ദിവസമെങ്കിലും ലാലേട്ടന്‍ എന്നെ ബിഗ് ബോസില്‍ വിളിച്ച് കയറ്റണമെന്നുണ്ടായിരുന്നു. ഒരു മാസവും അഞ്ച് ദിവസവും ഞാനവിടെ നിന്നു. അതുതന്നെയാണ് എല്ലാവര്‍ക്കുമുള്ള മറുപടി. പലര്‍ക്കും പല അഭിപ്രായങ്ങളും ഉണ്ട്. ഇപ്പോഴും എന്റെ മൈന്‍ഡ് ഓക്കെ ആയിട്ടില്ല' രേണു പറഞ്ഞു.