കാസാബ്ലാങ്കാ ഫിലിം ഫാക്ടറി അവാർഡ്‌സ് 2025-ലെ വിജയികളെ പ്രഖ്യാപിച്ചു. ലോകമെമ്പാടുമുള്ള സ്വതന്ത്ര ചലച്ചിത്ര പ്രവർത്തകർക്കായി കാസബ്ലാങ്ക ഫിലിം ഫാക്ടറി നടത്തുന്ന ഐ. എം. ഡി. യോഗ്യത നേടിയ സീസണൽ ഓൺലൈൻ അവാർഡ് മത്സരമാണിത്. കാസാബ്ലാങ്കാ ഫിലിം ഫാക്ടറിയുടെ സ്ഥാപകനും സംവിധായകനുമായ നിർമൽ ബേബി വർഗീസാണ് ഈ അവാർഡ് മത്സരത്തിന്റെ ഡയറക്ടർ. ക്രിസ്റ്റഫർ ഷെഫീൽഡ് സംവിധാനം ചെയ്ത അമേരിക്കൻ ചിത്രമായ ‘ഇൻ മോൺസ്റ്റേഴ്സ് ഹാൻഡ്സ്’ മികച്ച ചിത്രമായും, ആൽഫ്രഡ് കൗഡുല്ലോ സംവിധാനം ചെയ്ത തായ്‌ലൻഡ് ചിത്രം ‘ഏലിയൻ എർത്ത്: വാട്ട് ദേ ലെഫ്റ്റ് ബിഹൈൻഡ്’ മികച്ച ഡോക്യുമെന്ററി ചിത്രമായും തിരഞ്ഞെടുത്തു. അമേരിക്കൻ സംവിധായക ബ്രിയാന ഗ്രീൻ സംവിധാനം ചെയ്ത ‘റോസ് പെറ്റൽസ്’ മികച്ച അനിമേഷൻ ചിത്രത്തിനുള്ള അവാർഡ് കരസ്ഥമാക്കിയപ്പോൾ, ഐയൻ ചാൾസ് ലിസ്റ്റർ സംവിധാനം ചെയ്ത ഇറ്റാലിയൻ ചിത്രം ‘ലൂലു ഇൻ ട്യൂറിൻ’ മികച്ച പരിസ്ഥിതി ചിത്രമായി തിരഞ്ഞെടുത്തു.

‘നൈജൽ’ എന്ന ബ്രിട്ടീഷ് ചിത്രത്തിലെ അഭിനയത്തിലൂടെ സ്റ്റീവൻ ജോബ്സൺ മികച്ച നടനുള്ള പുരസ്‌കാരം നേടിയപ്പോൾ, ‘സ്ലാപ്ഡ്’ എന്ന ചിത്രത്തിലൂടെ അമേരിക്കകാരായ ഇന്ത്യ പിയർ ഇൻഗ്രം, കേറ്റ് സ്മിത്ത് എന്നിവർ മികച്ച നടിക്കുള്ള പുരസ്‌കാരം പങ്കുവെച്ചു. ‘വാസോമോട്ടർ റൈനൈറ്റിസ്’ എന്ന ജോർജിയൻ ചിത്രത്തിലൂടെ മിഖെയ്ൽ ഗബൈഡ്സെ മികച്ച സംവിധായകനുള്ള പുരസ്കാരവും നേടി. കൂടുതൽ അവാർഡ് വിവരങ്ങളാക്കായി: https://bit.ly/CFFA2025Winners

കാസാബ്ലാങ്കാ ഫിലിം ഫാക്ടറി അവാർഡ്‌സ് കൂടാതെ കാസാബ്ലാങ്കാ ഇൻഡിപെൻഡൻറ്റ് ഫിലിം ഫെസ്റ്റിവൽ, കാസാബ്ലാങ്കാ ഫിലിം ഫാക്ടറി ഹൊറർ ഫിലിം ഫെസ്റ്റിവൽ, വഴിയെ ഇൻഡീ ഫിലിം ഫെസ്റ്റ് എന്നീ ചലച്ചിത്ര മേളകൾ കൂടി കാസാബ്ലാങ്കാ ഫിലിം ഫാക്ടറി ലോകമെബാടുമുള്ള സ്വതന്ത്ര ചലച്ചിത്ര പ്രവർത്തകർക്കായി സംഘടിപ്പിക്കുന്നുണ്ട്. ‘തരിയോട്, ‘വഴിയെ’, ‘ഡ്രെഡ്ഫുൾ ചാപ്‌റ്റേഴ്‌സ്’, ‘അന്തിമ ക്ഷണഗളു’ എന്നീ സിനിമകൾ നിർമ്മിച്ച കാസാബ്ലാങ്കാ ഫിലിം ഫാക്ടറിയുടെ അടുത്തതായി ഒരുങ്ങുന്നത് ഡിസീസ് എക്സ്: ദി സോംബി എക്സ്പിരിമെന്റ്’ എന്ന സോംബി ചിത്രമാണ്.