ബാബു ജനാർദ്ദനൻ തിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തിന്റെ പൂജാ ചടങ്ങും, ടൈറ്റിൽ ലോഞ്ചും മെയ് ഒമ്പത് ശനിയാഴ്ച്ച വൈകിട്ട് 6 മണിക്ക് കൊച്ചി കലൂരിലെ ഐ.എം.എ. ഹാളിൽ നടക്കുന്നു. പ്രശസ്ത ബോളിവുഡ് നടനായിരുന്ന ഇർഫാൻ ഖാന്റെ മകനും ബോളിവുഡ് നടനുമായ ബബിൽഖാനാണ് ഈ ചിത്രത്തിലെ നായകൻ.

ബബിൽഖാൻ അടക്കം ചിത്രത്തിലെ മറ്റു പ്രധാന താരങ്ങളായ അപർണ്ണാ ബാലമുരളി ജഗദീഷ്, ആത്മീയ, ദീപക് പറമ്പോൽ, സുധീർ കരമന, ജോണി ആന്റണി, റിനേശ് പ്രഭാകർ, നിഖിൽ നായർ, ഉണ്ണിരാജാ തുടങ്ങിയ പ്രമുഖ താരങ്ങളും പങ്കെടുക്കുന്ന ചടങ്ങിലേക്ക് എല്ലാ മാധ്യമ പ്രവർത്തകരേയും സ്വാഗതം ചെയ്യുന്നു എന്ന് വാഴൂർ ജോസ് പറഞ്ഞു.