'അതിരടി'യില് അഭിനയിക്കാമോ എന്ന് സഞ്ജു സാംസണിനോട് ചോദിച്ചിരുന്നു
മലയാള സിനിമയില് ആരാധകര് ഏറെയുള്ള നടനും സംവിധായകനുമാണ് ബേസില് ജോസഫ്. ബേസിലിന്റേതായി തിയേറ്ററില് റിലീസിന് ഒരുങ്ങുന്ന ചിത്രമാണ് അതിരടി. സിനിമയില് സഞ്ജു സാംസണിനായി ഒരു റോള് കരുതിയിരുന്നുവെന്ന് പറയുകയാണ് ബേസില്. എന്നാല് സഞ്ജു ഈ വേഷം നിരസിക്കാന് ഉണ്ടായ കാരണം പറയുകയാണ് ബേസില്. വനിതയ്ക്ക് നല്കിയ അഭിമുഖത്തിലാണ് പ്രതികരണം.
'ഷാനിക്കയോട് ആദ്യം സിനിമയുടെ കഥ പറയുമ്പോള് സഞ്ജു അതില് ഉണ്ടായിരുന്നു. അതിരടിയില് അഭിനയിക്കുമോ എന്ന് ഞാന് സഞ്ജു സാംസണോട് ചോദിച്ചിരുന്നു. എല്ലാവരോടും കഥപറഞ്ഞപ്പോള് സഞ്ജുവിന്റെ ആ കഥാപാത്രമുണ്ടായിരുന്നു. ആ പ്ലാന് മാറാനുള്ള കാരണം എന്താണെന്നു വെച്ചാല് സഞ്ജുവിന്റെ പ്ലാനില് അതില്ലായിരുന്നു. ഞാന് അവനോട് ചോദിച്ചിരുന്നു പക്ഷെ അഭിനയിക്കുന്നില്ല എന്നായിരുന്നു അവന്റെ മറുപടി. സഞ്ജുവും വേറെ ഒരാള്കൂടി ഉണ്ടായിരുന്നു ആ ആളെ ഇപ്പോള് പറയാന് കഴിയില്ല,' ബേസില് പറഞ്ഞു.
അതേസമയം, ബേസില് ജോസഫ്, ടൊവിനോ തോമസ്, വിനീത് ശ്രീനിവാസന് എന്നിവര് കേന്ദ്ര കഥാപാത്രങ്ങളായി എത്തുന്ന മള്ട്ടി സ്റ്റാര് ചിത്രമാണ് അതിരടി. റിയാ ഷിബു എന്നിവരാണ് സിനിമയിലെ മറ്റു താരങ്ങള്. മെയ് 14 നാണ് സിനിമയുടെ റിലീസ്. നവാഗതനായ അരുണ് അനിരുദ്ധന് ആണ് ചിത്രം സംവിധാനം ചെയ്യുന്നത്. സംവിധായകനും ഛായാഗ്രാഹകനുമായ സമീര് താഹിറും ടൊവിനോ തോമസും ആണ് ചിത്രത്തിന്റെ കോപ്രൊഡ്യൂസര്മാര്. സാം ബോയ് എന്ന് വിളിപ്പേരുള്ള ഒരു കോളേജ് വിദ്യാര്ത്ഥിയായാണ് ബേസില് ഈ ചിത്രത്തിലഭിനയിക്കുന്നത്.
https://www.facebook.com/Malayalivartha
