ജയറാമിനോട് അഭിനയം നിര്ത്താന് പാര്വതി പറഞ്ഞിരുന്നുവെന്ന് ഉര്വശി
കല്യാണത്തിന് മുന്പ് തന്നെ നടി പാര്വതി അഭിനയം നിര്ത്താന് തീരുമാനിച്ചിരുന്നുവെന്ന് നടി ഉര്വശി. ജയറാമിനോടും പാര്വതി അഭിനയിക്കണ്ട എന്ന് പറഞ്ഞിരുന്നുവെന്നും ഉര്വശി പറ!ഞ്ഞു. 'പരിമളം ആന്ഡ് കോ' എന്ന സിനിമയുടെ പ്രൊമോഷന്റെ ഭാഗമായി ഗലാട്ട പ്ലസിനോട് മനസുതുറക്കുകയായിരുന്നു ഉര്വശി.
'വിവാഹത്തിന് ശേഷമല്ല, വിവാഹത്തിന് മുന്പ് തന്നെ പാര്വതി അഭിനയം നിര്ത്തണമെന്ന് തീരുമാനിച്ചിരുന്നു. കാരണം പല തരത്തിലുള്ള കാരക്ടറുകള് വലുതും ചെറുതുമെല്ലാം പാര്വതി അതിനോടകം ചെയ്തിരുന്നു. ഭാഗ്യം കൊണ്ട് എനിക്ക് കുറേ കഥാപാത്രങ്ങള് കിട്ടി. അപ്പോള് ഇനിയും കൂടുതല് ചെയ്യണം അല്ലെങ്കില് അഭിനയിക്കണം എനിക്ക് തോന്നി. പക്ഷേ അവള്ക്ക് അങ്ങനെ അല്ലായിരുന്നു. കരിയറിന്റെ പീക്കില് നില്ക്കുന്ന സമയത്ത് ജയറാമിനൊപ്പം നിറയെ പടങ്ങളില് പാര്വതി അഭിനയിച്ചിട്ടുണ്ട്. ഇവരുടെ പ്രണയം തന്നെ വലിയ സംഭവമായിരുന്നു. ആ സമയത്ത് തന്നെ, കല്യാണം കഴിഞ്ഞാല് അഭിനയിക്കില്ലെന്ന് പാര്വതി തീരുമാനിച്ചിരുന്നു.
അഭിനയം നിര്ത്തണം എന്ന രീതിയില് ഒരഭിപ്രായം പോലും ജയറാം പറഞ്ഞിട്ടുണ്ടാകില്ല. ജയറാം ഇനി അഭിനയിക്കണ്ട എന്ന് പറഞ്ഞയാളാണ് പാര്വതി. നമ്മള് രണ്ട് പേരും അഭിനയിക്കണ്ട. നിങ്ങള് വേറെ എന്തെങ്കിലും ജോലി നോക്ക്. ഇല്ലെങ്കില് നമുക്ക് എന്തെങ്കിലും ബിസിനസ് ചെയ്യാം. സിനിമ വേണ്ട എന്ന് പറഞ്ഞയാളാണ് പാര്വതി. എന്ത് ബിസിനസ് എന്ന കാര്യമൊന്നും അറിയില്ല. പക്ഷേ അവളുടെ ആഗ്രഹം അങ്ങനെയായിരുന്നു', ഉര്വശിയുടെ വാക്കുകള്.
പരിമളം ആന്ഡ് കോ ആണ് ഇനി പുറത്തിറങ്ങാനുള്ള ഉര്വശി, ജയറാം ചിത്രം. പാണ്ടിരാജ് ഒരുക്കുന്ന തമിഴ് സിനിമയ്ക്കായി ആണ് ജയറാംഉര്വശി കോംബോ ഒന്നിക്കുന്നത്.ഒരു െ്രെകം കോമഡി ഴോണറില് ആണ് സിനിമ ഒരുങ്ങുന്നത്. മിഷ്കിന്, യോഗി ബാബു, സാന്ഡി, സഞ്ജന കൃഷ്ണമൂര്ത്തി, അനന്തിക സനില്കുമാര്, സന്തോഷ് ശോഭന് എന്നിവരാണ് സിനിമയിലെ മറ്റു അഭിനേതാക്കള്. ലൈക്ക പ്രൊഡക്ഷന്സിന്റെ ബാനറില് സുബാസ്കരന്, പസംഗ ഫിലിംസിന്റെ ബാനറില് പാണ്ഡിരാജ് എന്നിവര് ഈ സിനിമ നിര്മിക്കുന്നത്. ഫോട്ടോഗ്രാഫി ഡയറക്ടര് : ജോര്ജ്ജ് സി വില്യംസ് ഐഎസ്സി, സംഗീതം : ഫോക്സ്ന്, എഡിറ്റര് : പ്രദീപ് ഇ രാഗവ്, കലാസംവിധാനം : ടി രാമലിംഗം, സ്റ്റണ്ട് മാസ്റ്റര് : കലൈ കിംഗ്സണ് എന്നിവരാണ് സിനിമയിലെ മറ്റു അണിയറപ്രവര്ത്തകര്.
https://www.facebook.com/Malayalivartha
