'അമ്മ'യില്‍ എന്തെങ്കിലും പ്രശ്‌നമുണ്ടെങ്കില്‍ അത് 'അമ്മ'യില്‍ തന്നെ പറഞ്ഞു തീര്‍ക്കണം, നടന്‍ ടിനി ടോമിനെ പിന്തുണച്ച് രംഗത്തെത്തി പ്രിയങ്ക അനൂപ്. ശ്വേത മേനോന്‍ എന്ന് പറയുന്ന ആളെ നോക്കുകുത്തി ആക്കി ഇരുത്തിയിരിക്കുന്നതല്ലെന്നും പ്രിയങ്ക പറഞ്ഞു. അംഗങ്ങളെല്ലാവരും ടിനിയുടെ കൂടി തന്നെ നില്‍ക്കുമെന്നും പ്രിയങ്ക വ്യക്തമാക്കി. 'നമുക്ക് ഒരുപാട് ഉപകാരങ്ങള്‍ ചെയ്യുന്ന ഒരാളാണ് ടിനി.

അംഗങ്ങള്‍ക്ക് വേണ്ടി ഒരുപാട് കാര്യങ്ങള്‍ ചെയ്യുന്ന സമയത്താണ് ഇങ്ങനെയൊരു വാര്‍ത്ത കണ്ടത്. ഞങ്ങള്‍ എപ്പോഴും പറഞ്ഞിട്ടുണ്ട്. അമ്മ എന്ന് പറയുന്ന അസോസിയേഷനില്‍ എന്തെങ്കിലുമുണ്ടെങ്കില്‍ അമ്മയില്‍ തീര്‍ക്കണം. ഇതുപോലെ മാധ്യമങ്ങളില്‍ പോയി പറയാനാണെങ്കില്‍ ഞങ്ങള്‍ക്കൊക്കെ ഒരുപാട് പറയാനുണ്ടാകും. ഞങ്ങള്‍ അതൊന്നും പറയാന്‍ തീരുമാനിച്ച ആളല്ല.

ടിനിയെക്കുറിച്ച് പറയാനാണെങ്കില്‍ അദ്ദേഹം എന്റെ സഹപ്രവര്‍ത്തകനാണ്. എന്റെ ഭര്‍ത്താവിന്റെയും സഹപ്രവര്‍ത്തകനാണ്. ഒരുപാട് വര്‍ഷം കൊണ്ട് കണ്ടുകൊണ്ടിരിക്കുന്ന ആളാണ്. സ്ത്രീകളെന്ന നിലയില്‍ ഇന്നു വരെ ടിനിയുടെ അടുത്ത് നിന്ന് ഒരംശം പോലും വൃത്തികേടായിട്ടുള്ള ഒരു സംസാര രീതി പോലും ഉണ്ടായിട്ടില്ല. നമ്മള്‍ പ്രോഗ്രാം ചെയ്യുമ്പോള്‍ അങ്ങോട്ടുമിങ്ങോട്ടുമൊക്കെ എന്തെങ്കിലുമുണ്ടാകും. അത് സ്വാഭാവികമാണ്. അല്ലാതെ ഇതുപോലെ ഒരാളെ വ്യക്തിഹത്യ ചെയ്യുന്നത് തെറ്റാണ്.

ഇത് ശരിയല്ല ഈ ചെയ്യുന്നത്. എന്തെങ്കിലും നമുക്ക് പറയാനുണ്ടെങ്കില്‍ അന്‍സിബ അല്ല ആരായാലും അമ്മ എന്ന അസോസിയേഷനില്‍ തല മൂത്ത ചില ആള്‍ക്കാരുണ്ട്. ബഹുമാനിക്കണ്ട ചില ആള്‍ക്കാരുണ്ട്. ലാലേട്ടന്‍, മമ്മൂക്ക ഇങ്ങനെ കുറേ ആളുകളുണ്ട്. ടിനിക്കെതിരെ പരാതിയുണ്ടെങ്കില്‍ ഇവിടെ പറയണം. ഇവിടെയുണ്ട് ആള്‍ക്കാര്‍. ശ്വേത മേനോന്‍ എന്ന് പറയുന്ന ആളെ നോക്കുകുത്തി ആക്കി ഇരുത്തിയിരിക്കുന്നതല്ല. ഒരു പ്രസിഡന്റ് ആണ്.

ശ്വേതയോട് സംസാരിക്കണം. എന്ന് പരിഹാരം കണ്ടുപിടിക്കണം. ശ്വേത ഞങ്ങളോട് പറയട്ടെ. ഞങ്ങളെ വിളിച്ച് വരുത്തട്ടെ. ഞങ്ങളൊക്കെ അംഗങ്ങളല്ലേ. ടിനി എന്ന വ്യക്തിയെ മാത്രം പറയുന്നതില്‍ എന്ത് അര്‍ഥമുണ്ട്. എന്നാ പിന്നെ വേറെ ആരുടെയും പേര് എന്താണ് പറയാത്തത്. വ്യക്തിപരമായി ഒരാളെ കീറി മുറിക്കാന്‍ ഞങ്ങള്‍ സമ്മതിക്കില്ല. ഞങ്ങളെല്ലാവരും ടിനിയുടെ കൂടെ തന്നെ നില്‍ക്കും. കാരണം ഒരു തെറ്റും ചെയ്യാത്ത ഒരാളെ അങ്ങനെ ശിക്ഷിക്കാന്‍ പാടില്ല'. പ്രിയങ്ക പറഞ്ഞു.