അന്സിബയുടെ പരാതി അന്വേഷിക്കാന് പ്രത്യേക സമിതി രൂപീകരിച്ച് താര സംഘടനയായ അമ്മ
ടിനി ടോമിനെതിരായ അന്സിബയുടെ പരാതി അന്വേഷിക്കാന് പ്രത്യേക സമിതി രൂപീകരിച്ച് താര സംഘടനയായ അമ്മ. പ്രസിഡന്റ്, ജനറല് സെക്രട്ടറി, നടനും എം എല് എ യുമായ രമേശ് പിഷാരടി, പൊന്നമ്മ ബാബു, അമ്മ അംഗം മുത്തുമണി എന്നിവരാണ് സമിതി അംഗങ്ങള്. ജൂണ് 8 ന് സമിതി പരാതി കേള്ക്കും. സ്വതന്ത്ര സമിതി വേണമെന്നായിരുന്നു അന്സിബയുടെ ആവശ്യം. പ്രസിഡന്റിനെയും ജനറല് സെക്രട്ടറിയെയും മാറ്റി നിര്ത്തി പാനല് രൂപീകരിക്കാന് ആവില്ലെന്ന് അമ്മ പ്രസിഡന്റ് ശ്വേതാ മേനോന് പറഞ്ഞു.
വിവാദത്തെ പരസ്യ ചര്ച്ചയാക്കിയതിന് അഞ്ച് പേര്ക്ക് കാരണം കാണിക്കല് നോട്ടീസ് നല്കി. സംഭാഷണങ്ങള് ചോര്ത്തി നല്കിയെന്ന ആരോപണത്തിലും വിശദീകരണം തേടും. ടിനി ടോമിനെതിരായ പരാതിയില് നേരിട്ട് ഹാജരാകാന് നടി അന്സിബക്ക് താരസംഘടനയായ അമ്മ നിര്ദേശം നല്കിയിരുന്നു. തെളിവുകളുണ്ടെങ്കില് എക്സിക്യൂട്ടീവ് കമ്മിറ്റിക്ക് മുന്നില് സമര്പ്പിക്കാനും അന്സിബയോട് നിര്ദേശിച്ചു. തന്റെ പരാതി അന്വേഷിക്കാന് പ്രത്യേക സമിതി രൂപീകരിക്കണമെന്ന് അന്സിബ ആവശ്യപ്പെട്ടു.
ജൂണ് ഒന്നു മുതല് മൂന്നു വരെയുള്ള ദിവസങ്ങളില് നേരിട്ട് എത്താനാണ് അന്സിബയ്ക്ക് നിര്ദേശം നല്കിയിരിക്കുന്നത്. തെളിവുകളും തെളിവുകള് ഉണ്ടെങ്കില് ഹാജരാക്കാനും നിര്ദേശം. തന്നെ നിഷ്പക്ഷമായി കേള്ക്കണം എന്നാണ് അന്സിബയുടെ ആവശ്യം. പരാതിയില് പ്രത്യേക സമിതി രൂപീകരിക്കണം എന്നും രമേശ് പിഷാരടി മാലാപാര്വ്വതി ധ്യാന് ശ്രീനിവാസന് ഉള്പ്പെടുന്ന സമിതി വേണമെന്നുമാണ് അന്സിബ മറുപടി നല്കിയത്. ജൂണ് ഒന്നിന് അല്ലെങ്കില് 7 ന് ശേഷം ഹാജരാകും എന്നും മറുപടിയില് പറഞ്ഞു.
https://www.facebook.com/Malayalivartha
