നടിയും മോഡലുമായ രേണു സുധിയെ കുറിച്ചുള്ള വാര്‍ത്തകള്‍ എപ്പോഴും പ്രചരിക്കാറുണ്ട്. വാര്‍ത്തയുടെ വസ്തുത എന്തെന്ന കാര്യത്തില്‍ സ്ഥിരീകരണം വരും മുന്‍പേ കാട്ടുതീ പോലെ പടരുന്നതാണ് സാധാരണ പതിവ്. സോഷ്യല്‍ മീഡിയയിലെ പ്രധാന റോസ്റ്റിംഗ് പേജുകള്‍ എല്ലാം രേണുവിനെ കുറച്ച് ചര്‍ച്ചയിലാണ് കുറച്ച് നാളുകളായിട്ട്. പൊതുവേ ഒരു കാരണം ഉണ്ടെങ്കിലും ഇല്ലെങ്കിലും വളരെയേറെ വിമര്‍ശനം നേടാറുള്ള വ്യക്തിയാണ് രേണു സുധി.

പ്രമോഷന്റെ ഭാഗമായി കഴിഞ്ഞ കുറച്ച് ദിവസങ്ങളായി രേണു സുധി ബെഹ്‌റൈനിലാണ്. ബാര്‍ റെസ്‌റ്റോറന്റിന്റെ പ്രമോഷന് വേണ്ടിയാണ് താരം എത്തിയത്. പത്താം തിയ്യതി വരെ താന്‍ വിദേശത്ത് ആയിരിക്കുമെന്നും അതിനാല്‍ ഭര്‍ത്താവ് കൊല്ലം സുധിയുടെ ചരമ വാര്‍ഷികത്തിന് താന്‍ നാട്ടിലുണ്ടാവില്ലെന്നും രേണു നേരത്തെ തന്നെ പറഞ്ഞിരുന്നു.

മൂന്ന് വര്‍ഷം മുമ്പ് നടന്ന ഒരു കാര്‍ അപകടത്തിലാണ് കൊല്ലം സുധി എന്ന കലാകാരനെ മലയാളികള്‍ക്ക് നഷ്ടമായത്. സുധിയുടെ ചരമ വാര്‍ഷികം കഴിഞ്ഞ രണ്ട് വര്‍ഷവും രേണു പ്രാര്‍ത്ഥനയും മറ്റുമായി ആഘോഷിച്ചിരുന്നു. രണ്ടാമത്തെ ചരമ വാര്‍ഷികത്തിന്റെ അന്ന് അലിന്‍ ജോസ് പെരേരെ വിളിച്ച് ഡാന്‍സ് കളിപ്പിച്ചതിന്റെ പേരില്‍ വലിയ വിമര്‍ശനവും ഏറ്റുവാങ്ങിയിരുന്നു.

അതുകൊണ്ടെല്ലാം കൂടിയാണ് താന്‍ ഇത്തവണ അത്തരം ചടങ്ങുകള്‍ വേണ്ടെന്ന് വെച്ചതെന്നും രേണു പറഞ്ഞിരുന്നു. കഴിഞ്ഞ ദിവസം സുധിയുടെ മരണത്തെ കുറിച്ച് രേണു സംസാരിക്കുന്ന വീഡിയോ വൈറലായിരുന്നു. ജൂണ്‍ അഞ്ചാം തിയ്യതിയെന്ന് പറയുന്നത് ഒരിക്കലും എന്റെ മനസില്‍ പോലും അങ്ങനൊരു ദിവസം ഉണ്ടാവരുതെന്ന് പ്രാര്‍ത്ഥിക്കുന്നയാളായിരുന്നു ഞാന്‍. ഈ വരുന്ന ജൂണ്‍ അഞ്ചിന് സുധി ചേട്ടന്‍ മരിച്ചിട്ട് മൂന്ന് വര്‍ഷമാകും. പ്രമോഷനും ഒരു ഫങ്ഷനും അറ്റന്റ് ചെയ്യേണ്ടതുകൊണ്ട് ഞാനിപ്പോള്‍ ബെഹ്‌റൈനിലാണ്. പത്താം തിയ്യതിയെ മടങ്ങി പോവുകയുള്ളു. മൂന്നാം വര്‍ഷമായതുകൊണ്ട് ചടങ്ങുകളോ കാര്യങ്ങളോ ഒന്നുമില്ല.

എവിടെയായിരുന്നാലും അദ്ദേഹത്തിന്റെ ആത്മാവിന് നിത്യശാന്തി ലഭിക്കട്ടെ. ആ ഒരു പ്രാര്‍ത്ഥന മാത്രമെ എനിക്കുള്ളു. ഞാന്‍ അവിടെ ഇല്ലെങ്കിലും എന്റെ കുടുംബത്തെ എല്ലാം ഞാന്‍ പറഞ്ഞ് ഏല്‍പ്പിച്ചിട്ടുണ്ട്. വീടിന് സമീപത്തായുള്ള ഒരു അനാഥമന്ദിരത്തില്‍ ഭക്ഷണം വിതരണം ചെയ്യാനാണ് തീരുമാനിച്ചത്. റിതപ്പനും അന്നേ ദിവസം അവിടുത്തെ മക്കള്‍ക്കൊപ്പമിരുന്ന് ഒരു നേരത്തെ ആഹാരം കഴിക്കും. അതിനുള്ള കാര്യങ്ങളെല്ലാം ഞാന്‍ ഏര്‍പ്പാടാക്കിയിട്ടുണ്ട് എന്നാണ് രേണു പറഞ്ഞത്. വീഡിയോ പ്രത്യക്ഷപ്പെട്ടപ്പോള്‍ പതിവുപോലെ വിമര്‍ശനമാണ് ലഭിച്ചത്.

ഇനിയെങ്കിലും അദ്ദേഹത്തെ വെറുതെ വിടൂ, ആല്‍മാവിനെ അല്‍ഫാമാക്കിയില്ലേ… ഇനിയെങ്കിലും വെറുതെ വിട്ടൂടെ എന്നിങ്ങനെ നീളുന്നു കമന്റുകള്‍. ഇപ്പോഴിതാ കഴിഞ്ഞ ദിവസം രേണു പങ്കിട്ട ഡാന്‍സ് വീഡിയോയും അതിന് വന്ന കമന്റുകള്‍ക്ക് രേണു നല്‍കിയ മറുപടിയുമാണ് ചര്‍ച്ചയാകുന്നത്. വസീഗര എന്ന തമിഴ് സോങിന് ഗ്ലാമറസായി വസ്ത്രം ധരിച്ച് നൃത്തം ചെയ്യുന്ന രേണുവാണ് വീഡിയോയിലുള്ളത്. റീല്‍ വൈറലായതോടെ നിരവധി പേര്‍ വിമര്‍ശനവുമായി എത്തി. രൂക്ഷമായി വിമര്‍ശിച്ച പലരേയും രേണു ചീത്ത വിളിച്ച് ഓടിച്ചു.