വ്യത്യസ്ത വേഷങ്ങളിലുടെ പ്രേക്ഷക ശ്രദ്ധ നേടിയ നടിയാണ് ശ്വേത മേനോന്‍. ഇപ്പോള്‍ വീണ്ടും നടി ഏറെ ശ്രദ്ധ നേടുന്ന മറ്റൊരു കഥാപാത്രവുമായി വെള്ളിത്തിരയില്‍ എത്താനുള്ള തയ്യാറെടുപ്പിലാണ്. രജ്ഞിത്ത് ലാല്‍ സംവിധാനം ചെയ്യുന്ന നവല്‍ എന്ന ജ്യൂവല്‍ എന്ന ചിത്രത്തില്‍ ശ്വേത മേനോന്‍ ആണ്‍ വേഷത്തില്‍ ആണ് എത്തുന്നത്. ചിത്രം അണിയറയില്‍ ഒരുങ്ങവേ ശ്വേതയുടെ ആത്മാര്‍ത്ഥയെ പുകഴ്ത്തി സംവിധായകന്‍ രഞ്ജിത് ലാല്‍ രംഗത്തെത്തിയിരിക്കുകയാണ്.
ഇന്ന് മലയാള സിനിമയില്‍ ശ്വേതയ്ക്ക് മാത്രമേ ഈ കഥാപാത്രത്തെ അവതരിപ്പിക്കാന്‍ സാധിക്കൂവെന്നാണ് സംവിധായകന്‍ രഞ്ജിത് പറയുന്നത്. തന്റെ കഥാപാത്രത്തിന് വേണ്ടിയുള്ള അവരുടെ സമര്‍പ്പണം എന്നെ വിസ്മയിപ്പിച്ചെന്നും രഞ്ജിത് പറഞ്ഞു. കഴിഞ്ഞ ജൂണിലാണ് ചിത്രത്തിനായി ശ്വേതയെ സമീപിക്കുന്നത്. ചിത്രത്തില്‍ അഭിനയിക്കാമെന്ന് സമ്മതിച്ച ശ്വേത, കഥാപാത്രത്തിനു ആവശ്യമായ ശരീരഘടനയിലെത്താന്‍ ആഞ്ചുമാസം ആവശ്യപ്പെട്ടു. തുടര്‍ന്നുള്ള മാസങ്ങളില്‍ ഭാരം കുറയ്ക്കാനുള്ള ശ്രമത്തിലായിരുന്നു അവര്‍. ചിത്രീകരണത്തിനായി എത്തിയ ശ്വേതയെ തിരിച്ചറിയാന്‍ കഴിയാത്ത അവസ്ഥയിലായിരുന്നുവെന്നും രഞ്ജിത് പറഞ്ഞു.
രഞ്ജിത്തിന്റെ പുതിയ ചിത്രം നേവല്‍ എന്ന ജുവലില്‍ ഒരു അറബിയെ വിവാഹം കഴിക്കുന്ന മലയാളി സ്ത്രീയുടെ വേഷമാണ് ശ്വേതയ്ക്ക്. ഇറാനില്‍ ആണിന്റെ വേഷത്തില്‍ ജീവിക്കാന്‍ നിര്‍ബന്ധിക്കപ്പെടുന്ന സ്ത്രീയാണവര്‍. ഇംഗ്ലീഷിലും മലയാളത്തിലും നിര്‍മ്മിക്കുന്ന ചിത്രത്തില്‍ മറ്റു പ്രമുഖ താരങ്ങളും അഭിനയിക്കുന്നുണ്ട്
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha