നടന്‍ മമ്മൂട്ടിയും ഭാര്യ സുല്‍ഫിത്തും സ്വന്തം പേരിലുള്ള വയല്‍ അനധികൃതമായി നികത്തിയെന്ന്. ഹൈക്കോടതിയിലെ അഭിഭാഷകന്‍ ഹരീഷ് വാസുദേവനാണ് ഇക്കാര്യം ഫെയ്‌സ്ബുക്കിലൂടെ വെളിപ്പെടുത്തിയത്. നികത്തിയ പാടം കരഭൂമിയാക്കി പതിച്ച് കിട്ടാന്‍ അപേക്ഷ കൊടുത്തിട്ട് ഇരിക്കുകയാണ് മമ്മൂട്ടി. എന്നാല്‍ അനധികൃതമായി നിലംനികത്തിയതിനെ മമ്മൂട്ടി നിയമനടപടി നേരിടുന്നുണ്ടെന്നും ഹരീഷ് വാസുദേവന്‍ വ്യക്തമാക്കുന്നു. 

വരള്‍ച്ചാ പ്രതിരോധ നടപടികള്‍ സ്വീകരിക്കാന്‍ കഴിഞ്ഞ ദിവസം മമ്മൂട്ടി എറണാകുളത്ത് യോഗം വിളിച്ചതോടെയാണ് ഹരീഷ് വാസുദേവന്‍ ഇക്കാര്യം വെളിപ്പെടുത്തിയത്. അനധികൃതമായി നിലം നികത്തിയ മമ്മൂട്ടിക്ക് ചൂട് കൂടുന്നതിനെ പറ്റിയും വരള്‍ച്ചയെ കുറിച്ചും ബോധം ഉണ്ടാവുന്നത് നല്ലതാണെന്നും അഭിഭാഷകന്‍ പറയുന്നു. വക്കീലായ മമ്മൂട്ടിക്ക് വയല്‍ നികത്തുന്നതിന്റെ ദൂഷ്യവശങ്ങള്‍ അറിയാമെന്നിരിക്കെ ഇങ്ങനെ ചെയ്തത് ശരിയായില്ലെന്ന് ആരോപണം ഉയര്‍ന്നിട്ടുണ്ട്.

കോട്ടയത്ത് 15 ഏക്കറോളം പാട്ടത്തിനെടുത്ത് നെല്‍കൃഷി ചെയ്യുന്നയാളാണ് മമ്മൂട്ടി. മാത്രമല്ല ജൈവകൃഷി പ്രോല്‍സാഹിപ്പിക്കുന്നതിനെ കുറിച്ച് നാട് നീളെ നടന്ന് പ്രസംഗിക്കുകയും ചെയ്യുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha