ദുല്‍ഖര്‍ സല്‍മാന്‍ അഭിനയിക്കേണ്ട സ്‌ക്രിപ്റ്റുകള്‍ മമ്മൂട്ടി പൂര്‍ണ്ണമായും വായിക്കുമെന്ന അടക്കം പറച്ചിലുകള്‍ ഏറെക്കുറെ സ്ഥിരീകരിക്കുന്ന വാര്‍ത്തകളാണ് സിനിമാരംഗത്തുനിന്നും ഉയരുന്നത്. പൂര്‍ണമായ തിരക്കഥ മമ്മൂട്ടി വായിച്ച് തൃപ്തി അറിയിച്ചാല്‍ മാത്രമേ ദുല്‍ഖര്‍ സല്‍മാന്‍ ഡേറ്റ് നല്‍കൂ എന്നാണ് ഇപ്പോള്‍ പ്രചരിക്കുന്ന വിവരം. ദുര്‍ബലമായതും മോഷ്ടിക്കപ്പെട്ടതുമായ കഥകളില്‍ അഭിനയിക്കുന്നത് ദുല്‍ഖറിന്റെ സിനിമാ ഭാവിയെ ബാധിക്കുമെന്നതുകൊണ്ടാണ് മമ്മൂട്ടി ഇടപെടല്‍ കര്‍ക്കശമാക്കിയതെന്നാണ് വിവരം.

സിയാന്‍ പെന്‍ എന്ന ഇംീഷ് സംവിധായകന്‍ 2007ല്‍ സംവിധാനം ചെയ്ത 'ഇന്റു ദ വൈല്‍ഡ്' എന്ന ചിത്രം അതേപടി പകര്‍ത്തിയതാണ് ചാര്‍ലി എന്ന വാര്‍ത്ത പുറത്തുവന്നതാണ് പ്രത്യക്ഷത്തിലുള്ള ഇടപെടലിന് മമ്മൂട്ടിയെ നിര്‍ബന്ധിതനാക്കിയതത്രെ. ചാര്‍ലിയിലെ അഭിനയത്തിന് മികച്ച നടനുള്ള സംസ്ഥാന പുരസ്‌കാരം ദുല്‍ഖറിന് ലഭിച്ചത് മമ്മൂട്ടിക്ക് ഏറെ സന്തോഷം നല്‍കുന്നുണ്ടെങ്കിലും ചാര്‍ലിയുടെ ഇതിവൃത്തവും ട്രീറ്റ്‌മെന്റും ഇന്റു ദ വൈല്‍ഡില്‍നിന്നും മോഷ്ടിച്ചതാണെന്ന വാര്‍ത്ത അദ്ദേഹത്തെ അസ്വസ്ഥനാക്കിയിട്ടുണ്ട്. സിയാന്‍ പെന്‍ എന്ന നടന്‍ ആദ്യമായി സംവിധാനം ചെയ്ത ചിത്രമാണ് ഇന്റു ദ വൈഡ് എന്നത്.

ഇതിനിടെ ദുല്‍ഖര്‍ നായകനായ അഞ്ചുതെങ്ങ് എന്ന ചിത്രത്തിന്റെ പൂര്‍ണ സ്‌ക്രിപ്റ്റ് മമ്മൂട്ടി ആവശ്യപ്പെട്ടുവെന്ന വാര്‍ത്ത സിനിമാരംഗത്ത് സജീവമാണ്. തിരക്കഥാ രചനയുടെ പേരില്‍ നേരത്തെയും ആരോപണം നേരിട്ട അഞ്ജലി മേനോന്റെ ചിത്രമാണ് അഞ്ചുതെങ്ങ് എന്നതാണ് മമ്മൂട്ടിയെ തിരക്കഥ ആവശ്യപ്പെടാന്‍ പ്രേരിപ്പിച്ചതത്രെ. ചാര്‍ലിയുടെ തിരക്കഥാകൃത്തായ ആര്‍. ഉണ്ണി മുമ്പും കഥാമോഷ്ടാവെന്ന ആരോപണം നേരിട്ടിട്ടുണ്ടെങ്കിലും പ്രതികരിച്ചിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha