അടുത്ത മുഖ്യമന്ത്രി പിണറായി വിജയന്‍ ആയേക്കാം എന്ന സാധ്യത നിലനില്‍ക്കുന്നതിനാല്‍ സിനിമാക്കാരെല്ലാം അദ്ദേഹത്തിന് പിന്നാലെയാണ്. പിണറായിയുടെ തെരഞ്ഞെടുപ്പ് പര്യടനത്തിന് കൊഴുപ്പേകാന്‍ താരങ്ങളും സംവിധായകരും ധര്‍മടത്തേക്ക് ഒഴുകുകയാണ്. കഴിഞ്ഞ ദിവസം നടന്‍ ജയറാം പിണറായിക്ക് വേണ്ടി പ്രത്യേക കലാപരിപാടി നടത്തി. നടനും മിമിക്രി ആര്‍ടിസ്റ്റുമായ ജയരാജ് വാര്യരും ഉണ്ടായിരുന്നു. മമ്മൂട്ടി ഉള്‍പ്പെടെയുള്ള പ്രമുഖ താരങ്ങള്‍ തമാസിക്കാതെ എത്തും.

സംവിധായകരായ രഞ്ജിത്തും മധുപാലും താമസിക്കാതെ മണ്ഡലത്തില്‍ പ്രചരണത്തിനെത്തും. ബി.ഉണ്ണികൃഷ്ണനും ഷാജി കൈലാസുമാണ് പിണറായിയുടെ പ്രചരണത്തിനുള്ള വീഡിയോ ഒരുക്കിയത്. കേരളരക്ഷായാത്രയ്ക്കുള്ള വീഡിയോ ഒരുക്കിയതും ഇരുവരുമായിരുന്നു. ആഷിഖ് അബു പിണറായിയെ കുറിച്ച് ഡോക്യുമെന്ററി തയ്യാറാക്കിയിരുന്നു. അത് സംവിധായകന്‍ രഞ്ജിത്താണ് പ്രകാശനം ചെയ്തത്. ധര്‍മടം മണ്ഡലത്തിലുടനീളം ഡോക്യുമെന്ററി പ്രദര്‍ശിപ്പിക്കുന്നുണ്ട്. പിണറായിയുടെ അടുത്ത കുടുംബസുഹൃത്തായ നവ്യാനായരും ധര്‍മടത്ത് വോട്ട് തേടിയെത്തും. 

ഭാവി മുഖ്യമന്ത്രിക്ക് വേണ്ടി പ്രചരണത്തിനിറങ്ങിയാല്‍ അടുത്ത അഞ്ച് കൊല്ലം വ്യക്തിജീവിതത്തിലും കലാജീവിതത്തിലും അത് ഗുണകരമാവുമെന്ന് എല്ലാവര്‍ക്കും അറിയാം. അതിന് വേണ്ടിയാണ് ചിലര്‍ പ്രചരണത്തിനെത്തുന്നതെന്ന് ആക്ഷേപമുണ്ട്. എന്തായാലും ഇവരാരും എത്തിയില്ലെങ്കിലും 50000ത്തിലധികം ഭൂരിപക്ഷത്തിന് പിണറായി വിജയിക്കുമെന്ന് നാട്ടുകാര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha