ബോളിവുഡ് ബ്യൂട്ടികളായ പ്രിയങ്ക ചോപ്രയും ദീപാകാ പാദുക്കോണും തമ്മിലടി. സാധാരണ കാമുകന്‍മാരുടെ പേരിലാണ് നായികമാര്‍ ഉരസാറ്. ഇത്തവണ പക്ഷെ മല്‍സരം ബോണ്ട് ഗേളാകാനാണ്. അതിനുള്ള കഠിന പരിശ്രമത്തിലാണ് ഇരുവരും. നറുക്ക് ആര്‍ക്ക് വീഴുമെന്ന് കാത്തിരുന്ന് കാണാം. ഇരുവരും വിദേശത്ത് പോയി ആയുധപരിശീലനം പഠിച്ചു. ഇരുവരും ഓഡീഷനിലും പങ്കെടുത്തു. പക്ഷെ, ഇപ്പോഴും ഫൈനല്‍ റിസല്‍ട്ട് വന്നില്ല. ആകാരും ഭാഗ്യവതി എന്ന് കാത്തിരിക്കുകയാണ് ബോളീവുഡ്. 

ക്വാണ്ടിക്കോ എന്ന ഇംഗ്ലീഷ് സീരിയലില്‍ അഭിനയിച്ച ശേഷം വിദേശികള്‍ക്കെല്ലാം സുപരിചിതയാണ് മുന്‍ മിസ് വേള്‍ഡ് ആയ പ്രിയങ്ക ചോപ്ര. ബേവാച്ചിനെ അടിസ്ഥാനമാക്കിയുള്ള ഹോളിവുഡ് ചിത്രത്തിലും പ്രിയങ്ക അഭിനയിക്കുന്നുണ്ട്. കാലിഫോര്‍ണിയ ലൈഫ് ഗാര്‍ഡിനെ പറ്റിയുള്ള ടി.വി സീരീസാണ് ബേവാച്. അതിപ്പോള്‍ സിനിമയാക്കുകയാണ്. സേത്ത് ഗോര്‍ഡോണ്‍ ആണ് ചിത്രം സംവിധാനം ചെയ്യുന്നത്. ദീപിയും ഹോളിവുഡില്‍ അപരിചിതയല്ല. വിന്‍ഡീസലിനൊപ്പം ട്രിപ്പിള്‍ എക്‌സ് ദി റിട്ടേണ്‍ ഓഫ് സാന്റണ്‍ കേജില്‍ അഭിനയിക്കുന്ന ദീപിക മറ്റൊരു ഹോളിവുഡ് ചിത്രത്തിലും അഭിനയിക്കാന്‍ കരാറൊപ്പിട്ടു കഴിഞ്ഞു.

ബ്രാഡ് പിറ്റ് നായകനാവുന്ന ചിത്രത്തിലും ദീപികയാണ് നായിക. ദീപികയ്ക്കും പ്രിയങ്കയ്ക്കും ഹോളിവുഡില്‍ ആവശ്യത്തിന് സുഹൃത്തുക്കളും പരിചയക്കാരുമുണ്ട്. പക്ഷെ, ബോണ്ട് ഗേളാകാന്‍ ആര്‍ക്ക് നറുക്കുവീഴും നായികയാകുന്നത് രണ്ട പേരുടെയും കരിയറിലെ ഏറ്റവും വലിയ നേട്ടമായിരിക്കും. ഇതിനായുള്ള പബ്‌ളിക് റിലേഷന്‍ പരിപാടികളും രണ്ട് പേരും വിദേശത്ത് ആരംഭിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha