ആര്യയുടെ ബന്ധു തന്നെ ശത്രു
ബഡായി ബംഗ്ലാവ് ഫെയിം ആര്യയുടെ കരിയര്‍ നശിപ്പിക്കാന്‍ ശ്രമിച്ചത് ബന്ധുവായ നടി. തന്റെ കരിയറും ജീവിതവും നശിപ്പിക്കാന്‍ ഒരാള്‍ ശ്രമിക്കുന്നെന്ന് കാണിച്ച് ആര്യ കഴിഞ്ഞ ദിവസം ഫെയ്‌സ്ബുക്ക് പോസ്റ്റിട്ടിരുന്നു. ജീവിതത്തില്‍ താന്‍ ഏറ്റവും വിശ്വസിച്ച ആളില്‍ നിന്ന് തിരിച്ചടി കിട്ടിയെന്നും ഇതിനോട് എങ്ങിനെ പ്രതികരിക്കണം എന്ന് അറിയില്ലെന്നായിരുന്നു പോസ്റ്റില്‍ പറഞ്ഞിരുന്നത്.
എന്നാല്‍ സ്ത്രീയുടെ പേര് വെളിപ്പെടുത്താന്‍ ആര്യ തയ്യാറായില്ല. അവതാരകയായി ശ്രദ്ധേയയായ ബന്ധു നടി പിന്നീട് സീരിയലുകളില്‍ താരമായി. പക്ഷെ, സിനിമയില്‍ തിളങ്ങാനായില്ല. ആദ്യമായി ഔദ്യോഗിക അസൂയ എന്താണെന്ന് മനസ്സിലാക്കി. അതും ജീവിതത്തില്‍ ഏറ്റവും കൂടുതല്‍ ആദരവോടെ കാണുകയും ബഹുമാനിക്കുകയും ചെയ്ത വ്യക്തിയില്‍ നിന്ന്, എന്നാണ് പോസ്റ്റില്‍ പറഞ്ഞിരുന്നത്.
ആര്യ ബന്ധുവിനേക്കാള്‍ വളരുന്നതില്‍ അവര്‍ക്ക് കടുത്ത അസൂയയുണ്ടായിരുന്നു. പക്ഷെ, ആര്യ അവരെ അന്ധമായി വിശ്വസിച്ചു. ഇപ്പോള്‍ അവര്‍ ആര്യയുടെ ജീവിതത്തെയും കരിയറിനെയും നശിപ്പിക്കാന്‍ ശ്രമിക്കുകയാണ്. മുമ്പ് ഒരു പ്രമുഖ രാഷ്ട്രീയ നേതാവിന്റെ മകനൊപ്പം ബന്ധുവായ സ്ത്രീക്ക് ബന്ധമുണ്ടായിരുന്നു. അതിന്റെ ഫോട്ടോസ് സോഷ്യല്‍ മീഡിയയില്‍ വൈറലായിരുന്നു.
ബന്ധുവിനോട് എങ്ങനെ പ്രതികരിക്കണം എന്ന് തനിക്കറിയില്ലെന്ന് ആര്യ പറയുന്നു. എല്ലാം കണ്ടുകൊണ്ട് മുകളില്‍ ഒരാളുണ്ടെന്ന് വിശ്വസിക്കുന്ന ആളാണ് ഞാന്‍. അദ്ദേഹം ഇത്തരക്കാര്‍ക്ക് മറുപടി നല്‍കും എന്ന് വിശ്വസിക്കുന്നു. ഒന്നേ എനിക്ക് താങ്കളോട് പറയാനുള്ളൂ, താങ്കളുടെ തന്ത്രം കൊള്ളാം, പക്ഷെ ജീവിതം എന്റേതാണ്. എനിക്കൊരിക്കലും താങ്കളെ പോലെ ആകാന്‍ കഴിയില്ല. താങ്കള്‍ക്ക് എന്നെ പോലെയും. ആര്യയുടെ പോസ്റ്റില്‍ പറയുന്നു.
https://www.facebook.com/Malayalivartha
