ഇറാനും അമേരിക്കയും ഇസ്രായേലും തമ്മിലുള്ള സംഘർഷങ്ങൾ വർദ്ധിച്ചുവരുന്ന സാഹചര്യത്തിൽ, എട്ട് മാസത്തെ സംഘർഷത്തെക്കുറിച്ച് വാഷിംഗ്ടണും ടെഹ്‌റാനും പുതിയ മുന്നറിയിപ്പുകൾ കൈമാറുന്നതിനിടെ, സാധ്യമായ കരാക്രമണത്തിന് തയ്യാറെടുക്കുന്നതിനായിഇറാനിയൻ സ്ത്രീകൾ ഞായറാഴ്ച ടെഹ്‌റാനിൽ തോക്ക് പരിശീലനത്തിൽ പങ്കെടുക്കുന്നതിന്റെ ഞെട്ടിക്കുന്ന വാർത്തകളാണ് പിറത്തു വരുന്നത് . അതായത് ശിരോവസ്ത്രം ധരിച്ചില്ലെങ്കിൽ സ്ത്രീകളെ ക്രൂരമായ വധശിക്ഷയ്ക്ക് വിധേയമാക്കുന്ന ഇറാൻ ഭരണകൂടം തന്നെ യുവതികളുടെ കയ്യിൽ തോക്കുകളാണ് ഏൽപ്പിക്കുന്നത് .

സ്ത്രീകൾക്ക് സായുധ പരിശീലനം നൽകി ഇറാൻ. റൈഫിളുകൾ കൈകാര്യം ചെയ്യാനും സിപ്പ് ലൈനുകൾ നിയന്ത്രിക്കാനും പ്രഥമശുശ്രൂഷ നൽകാനും സ്ത്രീകളെ ടെഹ്‌റാനിലെ സൈനിക പരിശീലന ക്യാംപിൽ ഇറാൻ പഠിപ്പിക്കുന്നതായിട്ടാണ് റിപ്പോർട്ട്. ഭരണകൂടത്തിന്റെ ജൻ ഫാദ അഥവാ ‘ജീവൻ ബലിയർപ്പിക്കുക’ എന്ന പേരിൽ നടത്തുന്ന ക്യാംപെയ്നിന്റെ ഭാഗമായിട്ടാണ് ഞായറാഴ്ച ടെഹ്‌റാനിലെ ഇമാം ഹുസൈൻ സ്‌ക്വയറിൽ സ്ത്രീകൾക്കായി പ്രത്യേകം രൂപകൽപന ചെയ്ത ഇത്തരത്തിലുള്ള ആദ്യത്തെ കോഴ്‌സ് നടന്നത്.

മുഖം മാത്രം കാണാൻ സാധിക്കുകയും ശരീരം മുഴുവൻ മറയ്ക്കുകയും ചെയ്യുന്ന നീളമുള്ള കറുത്ത വസ്ത്രം ധരിച്ചാണ് സ്ത്രീകൾ പരിശീലനത്തിൽ ഏർപ്പെട്ടത്. പശ്ചിമേഷ്യയിലെ സംഘർഷങ്ങളുടെ പശ്ചാത്തലത്തിൽ ഇറാന്റെ ഈ നീക്കം ആഗോള ശ്രദ്ധ നേടി.യുഎസ് തങ്ങളുടെ ആവശ്യങ്ങൾ നിറവേറ്റുന്നില്ലെങ്കിൽ ഹോർമുസ് കടലിടുക്ക് അടച്ചിടുമെന്ന് ഇറാൻ ഇന്നലെ പ്രഖ്യാപിച്ചിരുന്നു. ഇറാനിലുടനീളം 1,000 വൊളന്റിയർ റെസിസ്റ്റൻസ് ബറ്റാലിയനുകൾ സംഘടിപ്പിക്കുക എന്ന ഭരണകൂടത്തിന്റെ ലക്ഷ്യത്തിനിടയിലാണ് പരിശീലനം നടന്നത്.

സ്ത്രീകൾ സൈനിക വൈദഗ്ധ്യം, പ്രഥമശുശ്രൂഷ, ഗറില്ലാ തന്ത്രങ്ങൾ, അതിജീവന വിദ്യകൾ, കഠിനമായ സാഹചര്യങ്ങൾക്കുള്ള തയാറെടുപ്പ് എന്നിവ നേടുന്നത് ഇനിയും തുടരുന്നതിനാണ് സാധ്യത. ഈ ക്യാംപെയ്നിൽ സ്വമേധയാ പങ്കെടുത്തവരിൽ സ്റ്റേറ്റ് ടിവി അവതാരക മൊബിന നസിരിയും ഉണ്ടായിരുന്നു. ‘ആവശ്യമെങ്കിൽ, താനും എല്ലാ സ്ത്രീകളും യുദ്ധത്തിൽ അണിചേരുമെന്ന്’ മൊബിന പിന്നീട് മാധ്യമങ്ങളോട് വെളിപ്പെടുത്തി. ജൻ ഫാദ അഥവാ ‘ജീവൻ ബലിയർപ്പിക്കുക’ എന്ന പേരിൽ നടത്തുന്ന ക്യാംപെയ്ൻ ഒരു തരത്തിലുള്ള ശത്രുതയും പ്രോത്സാഹിപ്പിക്കുന്നില്ലെന്നാണ് അധികൃതരുടെ അവകാശവാദം.

ഇമാം ഹുസൈൻ സ്ക്വയറിലെ ഒരു സൈനിക പരിശീലന കേന്ദ്രത്തിൽ, കൈത്തോക്കുകൾ ഉൾപ്പെടെയുള്ള ആയുധങ്ങൾ എങ്ങനെ കൈകാര്യം ചെയ്യണമെന്നും വെടിവയ്ക്കണമെന്നും പഠിപ്പിക്കുന്നതിന് മുമ്പ്
സൈനിക ഉദ്യോഗസ്ഥരും ഇൻസ്ട്രക്ടർമാരും അവർക്ക് കൃത്യമായ പരിശീലനം നൽകുന്നതും കാണാൻ സാധിക്കും. ഹാഫ്റ്റ്-ഇ തിർ സ്ക്വയറിൽ ഇറാൻ മറ്റൊരു സിവിലിയൻ സൈനിക പരിശീലന കേന്ദ്രം തുറന്നതിന്ഒരു ദിവസത്തിന് ശേഷമാണ് പരിശീലനം നടന്നത് . യുഎസ്, ഇസ്രായേൽ സേനകൾ കര ആക്രമണം നടത്തിയാൽ നേരിടാൻ സിവിലിയന്മാരെ സജ്ജമാക്കുക എന്നതാണ്

ഈ സൗകര്യങ്ങളുടെ ലക്ഷ്യം എന്ന് പരിശീലന കേന്ദ്രങ്ങളിൽ നിന്നുള്ള ദൃശ്യങ്ങളും റിപ്പോർട്ടുകളും വ്യക്തമാക്കുന്നു.പങ്കെടുക്കുന്ന ചില സ്ത്രീകളെ സംബന്ധിച്ചിടത്തോളം, ഈ അഭ്യാസങ്ങൾ യുദ്ധത്തെക്കുറിച്ച്‌ ഉള്ള ചിന്ത മാത്രമല്ലമറിച്ച് അവരുടെ കുടുംബങ്ങളെ സംരക്ഷിക്കാൻ തയ്യാറെടുക്കുന്നതിനെക്കുറിച്ചും കൂടിയായിരുന്നു . യുദ്ധസമയത്ത് കുടുംബത്തെയും അയൽപക്കത്തെയും എങ്ങനെ പ്രതിരോധിക്കാമെന്ന് പഠിക്കുന്നത് തന്റെ ഭയം ലഘൂകരിക്കാൻ സഹായിക്കുമെന്ന് 45 വയസ്സുള്ള റാഹലെഹ് ഗാദിരി പറഞ്ഞു.ഇറാനെക്കുറിച്ച് വളരെ വേഗം തീരുമാനമെടുക്കാമെന്ന് യുഎസ് പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകിയപ്പോഴാണ് ടെഹ്‌റാനിൽ നിന്നുള്ള ദൃശ്യങ്ങൾ പുറത്തുവന്നത്.