മധ്യമപ്രവര്‍ത്തകന്‍ കിങ് ഖാനോട് ചോദിച്ച ചോദ്യം അതിരുകടന്നതാണെങ്കിലും അദ്ദേഹം അതിന് കൊടുത്ത മറുപടി അത്ഭുതപ്പെടുത്തുന്നതാണ്. പൊതുവെ കിങ് ഖാന്‍ ജീവിതത്തക്കുറിച്ചുള്ള തന്റെ നിരീക്ഷണങ്ങള്‍ ഒരു തത്വചിന്തകന്റെ ശാന്തതയോടും ഗാംഭീര്യത്തോടുമാണ് മാധ്യമ പ്രവര്‍ത്തകരോട് പങ്കുവെയ്ക്കുക. കഴിഞ്ഞ ദിവസം അദ്ദേഹം നേരിട്ട ചോദ്യം 'മരിക്കുമ്പോള്‍ എങ്ങനെ മരിക്കാനാണ് ആഗ്രഹം'?. എന്നായിരുന്നു. ഇതിന് ഞെട്ടിക്കുന്ന ഉത്തരമാണ് കിങ് ഖാന്‍ നല്‍കിയത്.

ചിത്രീകരണം നടക്കുകയാവും. ക്യാമറാമാനും സംവിധായകനുമൊക്കെ തയ്യാറായി നില്‍ക്കുന്നു. ഒപ്പം ഞാനും. എല്ലാം ഓകെ എന്ന് പരിശോധിച്ചുറപ്പുവരുത്തി സംവിധായകന്‍ പറയും, 'റോള്‍ ക്യാമറ.. ആക്ഷന്‍' എന്ന്. ആ നിമിഷം മരിച്ചുവീഴണം. അതാണ് മരണത്തെക്കുറിച്ചുള്ള എന്റെ സ്വപ്നം. അതിനാല്‍ ആ ദിവസം വരെ ജോലി ചെയ്തുകൊണ്ടേയിരിക്കണമെന്നും ഞാന്‍ ആഗ്രഹിക്കുന്നു.

ജോലി ചെയ്യാരിരിക്കുമ്പോള്‍ ഒരുതരം തളര്‍ച്ചയാണ് എനിക്ക് തോന്നുക.
ഒരു താരം എന്ന നിലയിലുള്ള ജീവിതത്തെക്കുറിച്ചും ഷാരൂഖ് അഭിമുഖത്തില്‍ പറയുന്നുണ്ട്. താരപദവി എനിക്ക് ആളുകളുടെ ഒരുപാട് സ്‌നേഹം നല്‍കുന്നുണ്ട്. 'വഴിയരികില്‍ നിന്ന് പാവ് ബജി കഴിക്കാന്‍ എനിക്ക് പ്രായോഗിക ബുദ്ധിമുട്ട് ഉണ്ടായിരിക്കാം. പക്ഷേ എന്റെ വീടിന് മുന്നില്‍ എന്നെ കാണാനെത്തുന്ന ജനക്കൂട്ടത്തിന്റെ സ്‌നേഹമാണ് അതിലും വലുതായി ഞാന്‍ കാണുന്നത്.' ഷാരൂഖ് പറയുന്നു.

'ഇംഗ്ലീഷ് വിംഗ്ലീഷ്' സംവിധായിക ഗൗരി ഷിന്‍ഡേയുടെ 'ഡിയര്‍ സിന്ദഗി'യാണ് ഷാരൂഖിന്റെ പുതിയ ചിത്രം. അലിയ ഭട്ട് ഷാരൂഖിനൊപ്പം ആദ്യമായെത്തുന്ന ചിത്രം ഷാരൂഖ് ഖാന്റെ റെഡ് ചില്ലീസ് എന്റര്‍ടെയ്ന്‍മെന്റും കരണ്‍ ജോഹറിന്റെ ധര്‍മ്മ പ്രൊഡക്ഷന്‍സും ഹോപ് പ്രൊഡക്ഷന്‍സും സംയുക്തമായാണ് നിര്‍മ്മിക്കുന്നത്.