ആദ്യം അശ്ലീല സന്ദേശം പിന്നെ... അടുത്തു കിട്ടിയാല് കുത്തി മലര്ത്തും; പരാതിയുമായി ശ്രുതി
കമല്ഹാസന്റെ മകളും തെന്നിന്ത്യന് സുന്ദരിയുമായ നടി ശ്രുതി ഹാസന് നേരെ വധഭീഷണി. കര്ണാടകയില് നിന്നുമുള്ള ഡോ. കെ ജി ഗുരുപ്രസാദ് എന്ന വ്യക്തിയാണ് ഭീഷണിക്ക് പിന്നില്. ഇയാള്ക്കെതിരെ ശ്രുതി ചെന്നൈയിലെ സൈബര് സെല്ലിനെതിരെ പരാതി നല്കിയിരിക്കുകയാണ്.
സോഷ്യല് മീഡിയയിലെ അക്കൗണ്ട് വഴി ഇയാള് അശ്ശീല സന്ദേശങ്ങള് അയക്കാറുണ്ടെന്നും ശല്യം തുടങ്ങിയിട്ട് നാളുകള് കുറച്ചായെന്നും പരാതിയില് പറയുന്നു. ഇത്തരത്തില് അയക്കരുതെന്ന് താക്കീത് നല്കിയപ്പോള് കൊന്നുകളയുമെന്ന് അയാള് ഭീഷണിപ്പെടുത്തിയതായി ശ്രുതി പരാതിയില് പറഞ്ഞു. ശ്രുതിയെ എന്നെങ്കിലും അടുത്ത് കിട്ടിയാല് കുത്തിമലര്ത്തുമെന്നും സന്ദേശങ്ങള് അയച്ചെന്നും പരാതിയില് പറയുന്നു.
ഇതാദ്യമായല്ല ശ്രുതിക്ക് നേരെ ഇത്തരത്തില് ആക്രമണം ഉണ്ടാകുന്നത്. 2013 ല് മുംബൈയിലെ ശ്രുതിയുടെ ഫ്ലാറ്റില് ഒരിക്കല് ഒരാള് അതിക്രമിച്ചു കയറുകയും ശ്രുതിയെ ഉപദ്രവിക്കാന് ശ്രമിക്കുകയും ചെയ്തിരുന്നു.
https://www.facebook.com/Malayalivartha
