വിവാദമുണ്ടാക്കുന്നവര് ഉദ്ദേശിക്കുന്നത് മറ്റുപലതുമാണ്, ആമിയെ ഒരു സിനിമയായും എന്റേത് അതിലെ ഒരു കഥാപാത്രമായും മാത്രം കാണുക
കമല് സംവിധാനം ചെയ്യുന്ന ആമിയില് മഞ്ജുവാര്യര് അഭിനയിക്കുന്നതിനെതിരെ സോഷ്യല് മീഡിയയില് രംഗത്തുവന്ന വര്ഗീയ വാദികള്ക്കെതിരെ മഞ്ജുവിന്റെ മറുപടി. മലയാളത്തിന്റെ പ്രിയപ്പെട്ട എഴുത്തുകാരി മാധവിക്കുട്ടിയുടെ ജീവിതകഥ പറയുന്ന 'ആമി' യെ ഒരു സിനിമ മാത്രമായി കാണണമെന്ന് മഞ്ജു വാര്യര് അഭ്യര്ത്ഥിക്കുന്നു. ദയവായി ആമിയെ ഒരു സിനിമയായും എന്റേത് അതിലെ ഒരു കഥാപാത്രമായും മാത്രം കാണുക. ഇല്ലാത്ത അര്ഥതലങ്ങള് നല്കി വിവാദമുണ്ടാക്കുന്നവര് ഉദ്ദേശിക്കുന്നത് മറ്റുപലതുമാണ്. അത് തിരിച്ചറിയേണ്ടിയിരിക്കുന്നുവെന്ന് മഞ്ജു ഫെയ്സ്ബുക്കില് കുറിച്ചു.
'സിനിമ ഒരു കലാരൂപമാണ്. അതിന് പിന്നില് പ്രവര്ത്തിക്കുന്നവര്ക്ക് പല ആശയസംഹിതകളും രാഷ്ട്രീയനിലപാടുകളുമുണ്ടാകാം. അവര് അത് മറന്ന് ഒരേ മനസോടെയും നിറത്തോടെയും പ്രവര്ത്തിക്കുന്നത് നല്ലൊരുസിനിമ സൃഷ്ടിക്കാനാണ്.
'ആമി'യിലും അതുതന്നെയാണ് സംഭവിക്കുക.'
'ഞാന് ഇതില് അഭിനയിക്കുന്നത് എന്റെ രാഷ്ട്രീയത്തിന്റെ പ്രഖ്യാപനമായിട്ടല്ല. ചിത്രത്തിന്റെ സംവിധായകന് കമല്സാറിനെ ചുറ്റിയുളള രാഷ്ട്രീയചര്ച്ചകളിലെ പക്ഷംചേരലായി ഇതിനെ വ്യാഖ്യാനിക്കുകയുമരുത്. ഭാരതത്തില് ജനിച്ച ഏതൊരാളെയും പോലെ 'എന്റെ രാജ്യമാണ് എന്റെ രാഷ്ട്രീയം. ഈ സിനിമ ഓരോ മലയാളിയുടെയും അഭിമാനമായി മാറുമെന്നും ഇത് ലോകസിനിമയ്ക്കുള്ള മലയാളത്തിന്റെ ഐതിഹാസികമായ സമര്പ്പണമാകുമെന്നുമാണ് വിശ്വാസം. എന്നെ മുന്നിര്ത്തി ചേരിതിരിഞ്ഞുള്ള വിവാദ ചര്ച്ചകള്ക്കു പകരം ഈ നല്ല സിനിമക്കായി ഒരുമിച്ചു നില്ക്കണമെന്ന് അഭ്യര്ഥിക്കുന്നു. ഈ വലിയ വേഷം ഏറ്റെടുക്കുമ്ബോള് നിങ്ങളുടെ പിന്തുണമാത്രമാണ് കരുത്ത്. കൂടെയുണ്ടാകണമെന്നും മഞ്ജു കുറിച്ചു'.
കമല് സാറിന്റെ 'ഈ പുഴയും കടന്നും', 'കൃഷ്ണഗുഡിയില് ഒരു പ്രണയകാലത്തും' പോലെയുള്ള സിനിമകള് എന്റെ അഭിനയജീവിതത്തിലെ എക്കാലത്തെയും വലിയ ഭാഗ്യങ്ങളാണ്. കമല് സാറിന്റെ രാഷ്ട്രീയമല്ല, അദ്ദേഹത്തിലെ കലാകാരനോടുള്ള ആദരവും ഇരുപതുവര്ഷത്തിനുശേഷം ഒപ്പം പ്രവര്ത്തിക്കാന് അവസരം കിട്ടിയതിലുള്ള ആവേശവുമാണ് ഇപ്പോള് ഉള്ളില്.
ഭാരതത്തില് ജനിച്ച ഏതൊരാളെയും പോലെ 'എന്റെ രാജ്യമാണ് എന്റെ രാഷ്ട്രീയം'. മറ്റൊന്ന് കൂടി. എന്നും രണ്ടുനേരം അമ്പലത്തില് ദീപാരാധന തൊഴുന്നയാളാണ് ഞാന്. അതേപോലെ പള്ളിക്കും മസ്ജിദിനും മുന്നിലെത്തുമ്ബോള് പ്രണമിക്കുകയും ചെയ്യുന്നു.
മാധവിക്കുട്ടിയെന്ന എഴുത്തുകാരി ഒരു ഇതിഹാസമാണ്. അവരെ വെളളിത്തിരയില് അവതരിപ്പിക്കാനുള്ള അവസരം ഏതൊരു അഭിനേത്രിയേയും പോലെ എന്നെയും കൊതിപ്പിക്കുന്നു. ഇല്ലാത്ത അര്ഥതലങ്ങള് നല്കി വിവാദമുണ്ടാക്കുന്നവര് ഉദ്ദേശിക്കുന്നത് മറ്റുപലതുമാണ്. അത് തിരിച്ചറിയേണ്ടിയിരിക്കുന്നു.
ഈ സിനിമ ഓരോ മലയാളിയുടെയും അഭിമാനമായി മാറുമെന്നും ഇത് ലോകസിനിമയ്ക്കുള്ള മലയാളത്തിന്റെ ഐതിഹാസികമായ സമര്പ്പണമാകുമെന്നുമാണ് വിശ്വാസം.
അതുകൊണ്ട് പ്രിയപ്പെട്ടവരേ.എന്നെ മുന്നിര്ത്തി ചേരിതിരിഞ്ഞുള്ള വിവാദ ചര്ച്ചകള്ക്കു പകരം ഈ നല്ല സിനിമക്കായി ഒരുമിച്ചു നില്ക്കണമെന്ന് അഭ്യര്ഥിക്കുന്നു. ഈ വലിയ വേഷം ഏറ്റെടുക്കുമ്പോള് നിങ്ങളുടെ പിന്തുണമാത്രമാണ് കരുത്ത്.
https://www.facebook.com/Malayalivartha
