നടി ഭാമയ്ക്ക് ഇത്തവണ കന്നിവോട്ടാണ്. അതിന്റെ സന്തോഷത്തിലാണ് കോട്ടയത്തുകാരിയായ താരം. മലയാളത്തിലും കന്നടത്തിലും ഏറെ തിരക്കുണ്ടെങ്കിലും വോട്ട് ചെയ്യാന്‍ വീട്ടിലെത്തുമെന്ന് ഭാമ പറഞ്ഞു. വീട്ടില്‍ എല്ലാവര്‍ക്കും വ്യക്തമായ രാഷ്ട്രീയമുണ്ട്. പക്ഷെ, അതൊന്നും തന്നെ സ്വാധീനിച്ചിട്ടില്ലെന്നാണ് ഭമ പറയുന്നത്.  പാര്‍ട്ടി നോക്കിയല്ല മത്സരിയ്ക്കുന്ന സ്ഥാനാര്‍ത്ഥിയെ നോക്കിയാണ്  വോട്ട് നല്‍കുന്നത്.  രാഷ്ട്രീയമോ മതമോ നോക്കി ഒരിയ്ക്കലും വോട്ട് ചെയ്യില്ല. മണ്ഡലത്തിലെ സ്ഥാനര്‍ത്ഥി എത്രത്തോളം കഴിവുള്ള വ്യക്തിയാണെന്ന് നോക്കും. സമൂഹത്തിന്റെ ന്മയ്ക്കായ് പ്രവര്‍ത്തിയ്ക്കാന്‍ കഴിയുമെന്ന് തനിയ്ക്ക് തോന്നുന്ന സ്ഥാനാര്‍ത്ഥിക്ക് വോട്ട് നല്‍കും. 

സ്‌കൂളില്‍ പഠിക്കുന്ന കാലത്ത് തെരഞ്ഞെടുപ്പൊന്നും അത്രവലിയ കാര്യമായിരുന്നില്ല. സിനിമയുടെ തിരക്ക് കാരണം കോളജിലും പഠിക്കാന്‍ അവസരം ലഭിച്ചില്ല. അതുകൊണ്ട് വാശിയേറിയ കോളജ് തെരഞ്ഞെടുപ്പുകള്‍ കാണാനുള്ള ഭാഗ്യവും ഉണ്ടായിട്ടില്ല. അഭിനയിച്ച സിനിമകളിലും തെരഞ്ഞെടുപ്പ് വിഷയമായിരുന്നില്ല. സകുടുംബം ശ്യാമളയില്‍ തെരഞ്ഞെടുപ്പ് ഉണ്ടെങ്കിലും ആ സീനുകളിലൊന്നും താന്‍ ഇല്ലായിരുന്നെന്നും ഭാമ പറഞ്ഞു. താരസംഘടനയായ അമ്മയുടെ പ്രസിഡന്റ് ഇന്നസെന്റ് ഇത്തവണ മല്‍സരിക്കുന്നുണ്ടെങ്കിലും അദ്ദേഹത്തിനു വേണ്ടി പ്രചരണത്തിനിറങ്ങണോ എന്ന കാര്യം തീരുമാനിച്ചിട്ടില്ലെന്നും ഭാമ പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha