നിവിന്‍ പോളിയും ദുല്‍ക്കര്‍ സല്‍മാനും ഫഹദ്ഫാസിലും അടങ്ങുന്ന യുവതാരങ്ങള്‍ മുന്നേറുമ്പോള്‍ ജയസൂര്യയ്ക്ക് ചിത്രങ്ങള്‍ കുറയുന്നു. അപ്പോത്തിക്കിരിയാണ് താരം അവസാനം അഭിനയിച്ച ചിത്രം. താരമൂല്യവും സാറ്റലൈറ്റ് അവകാശവും തീരെയില്ലാത്തതാണ് ജയസൂര്യയ്ക്ക് വിനയായത്. പുണ്യാളന്‍ അഗര്‍ബത്തീസാണ് കുറേ വര്‍ഷങ്ങള്‍ക്ക് ശേഷം ജയസൂര്യയ്ക്ക് ലഭിച്ച ഹിറ്റ്. ക്യാരക്ടര്‍ വേഷങ്ങള്‍ ചെയ്തിരുന്നെങ്കിലും പുതിയ പലരും വന്നതിനാല്‍ സംവിധായകരും നിര്‍മാതാക്കളും അവരെയാണ് വിളിക്കുന്നത്. പ്രതിഫലം കുറച്ച് കൊടുത്താല്‍ മതി അവര്‍ക്ക്. 

ജയസൂര്യയുടെ അഹങ്കാരം കുറച്ചെങ്കിലും കുറയട്ടെ എന്നാണ് സിനിമയിലുള്ള ചിലര്‍ പറയുന്നത്. അനൂപ്‌മോനോനുമായുള്ള അകല്‍ച്ചയും ജയസൂര്യയുടെ കരിയറിനെ ബാധിച്ചു. ഒരു ചിത്രം സ്വല്‍പം നന്നായാലുടന്‍ പ്രതിഫലം കുത്തനെ ഉയര്‍ത്തും. സംവിധായകരോ നിര്‍മാതാക്കളോ പറയുന്നത് പൂര്‍ണമായും അനുസരിക്കില്ല. അനാവശ്യ ഡിമാന്റുകള്‍ മുന്നോട്ട് വയ്ക്കും ഇതൊക്കെയാണ് പല യുവതാരങ്ങളുടെയും കയ്യിലിരുപ്പ്. കഥപറയാന്‍ വരുന്ന സീനിയര്‍ സംവിധായകരെ വട്ടം ചുറ്റിക്കുന്നതും ഇവരുടെ പരിപാടിയാണ്. അതേസമയം പൃഥ്വിരാജിന് ഈ പ്രശ്‌നങ്ങളൊന്നുമില്ല. അടുത്തിറങ്ങിയ സിനിമകളെല്ലാം വിജയമാണ്. കഥയും സ്‌ക്രിപ്റ്റും നന്നാക്കിയ ശേഷമേ രാജു അഭിനയിക്കുകയുള്ളൂ. നല്ല കഥയാണെങ്കില്‍ പ്രതിഫലത്തിനും അങ്ങനെ വാശി പിടിക്കാറില്ല. 

കുഞ്ചാക്കോ ബോബനും തരക്കേടില്ലാതെ ചിത്രങ്ങളുണ്ട്. ലാ പോയിന്റ് പരാജയമാണെങ്കിലും ഒരു ആവറേജ് ചിത്രമെന്ന ഇമേജ് സൃഷ്ടിക്കാനായി. പോളിടെക്കിനിക്ക് തരക്കേടില്ലാതെ പോയി. ഹൗ ഓള്‍ഡ് ആര്‍ യു മഞ്ജുവാര്യരുടെ പടമാണെങ്കിലും ചാക്കോച്ചനും അത് ഗുണം ചെയ്തു. ഇന്ദ്രജിത്തിന് മോശമല്ലാത്ത ക്യാരക്ടര്‍ റോളുകള്‍ ലഭിക്കുന്നുണ്ട്. എന്നാല്‍ നായകനാകുന്ന സിനിമകള്‍ അമ്പേ പരാജയമാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha