മമ്മൂട്ടിയുടെ മംഗ്ലീഷ്‌എന്ന ചിത്രത്തിലെ നായികയെ തേടി സംവിധായകന്‍ സലാം ബാപ്പു ലണ്ടന്‍ മുഴുവന്‍ അലഞ്ഞെങ്കിലും ഇഷ്ടപ്പെടാതെ മടങ്ങി. അപ്പോഴാണ് ഹോളണ്ടിലുള്ള ഒരു സുഹൃത്ത് കരോളിന്‍ ബഗ് എന്ന നടിയുടെ ചിത്രങ്ങള്‍ അയച്ചുകൊടുത്തത്. കരോളിന് മലയാള സിനിമയെ കുറിച്ച് യാതൊരു ധാരണയും ഇല്ലായിരുന്നു. മലയാളസിനിമയുടെ കുറേ ലിങ്കുകള്‍ അവര്‍ക്ക് അയച്ചുകൊടുത്തു. മമ്മൂട്ടിയാണ് നായകന്‍ എന്നറിഞ്ഞപ്പോള്‍ കരോളിന്‍ അദ്ദേഹത്തിന്റെ സൈറ്റ് പരിശോധിച്ചു. മമ്മൂട്ടിയുടെ പല സിനിമകളും കണ്ടു. പിന്നീട് അവര്‍ സമ്മതിച്ചു. കേരളത്തിലേക്ക് വന്നു.

ഡച്ച് സിനിമകളിലും തിയറ്ററുകളിലും സജീവസാനിധ്യമാണ് കരോളിന്‍. ഇംഗ്ലീഷുകാരിയായാണ് ഇവര്‍ മംഗ്ലീഷില്‍ അഭിനയിക്കുന്നത്. സലാംബാപ്പു തന്റെ പിറന്നാള്‍ ദിവസമാണ് മംഗ്ലീഷിന്റെ കഥ മമ്മൂട്ടിയോട് പറഞ്ഞത്. പിറന്നാള്‍ സമ്മാനമായി അദ്ദേഹം ഡേറ്റും നല്‍കി. ഏതെങ്കിലും വിദേശവനിതയെ വെറുതെ അഭിനയിപ്പിച്ചാല്‍ ശരിയാകില്ലെന്നും ടാലന്റുള്ള ആരെയെങ്കിലും കണ്ടെത്തണമെന്ന് മമ്മൂട്ടി അന്നേ പറഞ്ഞിരുന്നു. ഇതേ തുടര്‍ന്നാണ് സലാം ബാപ്പു ലണ്ടനിലേക്ക് പറന്നത്. 

കരോളിന്‍ കൃത്യമായ ആസൂത്രണത്തോടെയാണ് ലൊക്കേഷനിലെത്തുന്നത്. സാഡ് സീനാണ് എടുക്കുന്നതെങ്കില്‍ അന്നത്തെ ദിവസം മുഴുവന്‍ അവര്‍ ആ മാനസികാവസ്ഥയാലായിരിക്കുമെന്ന് സംവിധായകന്‍ പറഞ്ഞു. മറ്റുള്ളവരുടെ ക്‌ളോസപ്പ് എടുക്കുമ്പോള്‍ എതിരെ നിന്ന് തന്റെ ഡയലോഗുകള്‍ അവര്‍ പറയും. അത്രയ്ക്ക് ഡെഡിക്കേഷനാണ്. നാടകങ്ങളില്‍ അഭിനയിച്ച് കിട്ടിയ അനുഭവമായിരിക്കാം അവരെ ഇതിനൊക്കെ പ്രേരിപ്പിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha